頂住條氣...

cwspsp

早兩日同同事講開, 話而家同緊個囡上playgroup, 點知俾佢話到我十惡不赦咁... 佢話你個囡都未夠一歲, 上咩playgroup 丫, 佢乜都唔識架啦, 你地o的家長成日都要催谷o的小朋友, 我地細個咩都唔識咪又係咁大... 跟住佢同另外一個同事你一言我一語咁, 講到我好似o個o的唔理個囡o既媽媽...

講到呢度, 大家咪以為我真係好谷個小朋友... 其實我只係安排左gym class 俾個囡o係weekend 上jar... 而我個囡都己經十個月大啦, 咁上下gym 都好正常o者.... 無啦啦俾人咁頂法, 真係百詞莫辯, 氣上心頭呀...

bloglo110

well I think no need to care others comments. Different ppl make various comments!

As long as the kid is happy and you are happy. =)

snow228

你同事一定無仔女nei?  我以前都係甘諗, 當自已有左小朋友就明白點解要上playgroup

Mat_Dad

我發覺好多人一聽到人家子女做了什麼什麼, 第一反應都是說人家這不對那不對, 但過了不久, 他們自也如是. 我老婆幾個同事都是這樣, 以前我老婆好激氣 , 我叫佢唔好講咁多比人聽, 冇仔女的唔會明白, 有仔女的一係唔讚同你做法 、一係唔抵得你做法 . 仔女是自己的, 兩公婆自己討論咪算

keio

唔好勞氣啦，我之前仲激氣呀！果時我個女９個月左右，我同佢去上”感覺統合”既PG, 俾我62 話呀，話個孫而家先幾個月大，日後仲有廿幾年書要讀，為乜要佢咁辛苦喎．．．．blah blah blah？! 佢仲要唔只話左我一次ｔｉｍ架, 激死我!

babyislove

個囡係自己，你最清楚佢有咩需要，唔駛同外人解釋，亦唔需要外人贊成。有D人係鍾意管人o地D家事。

原帖由 cwspsp 於 11-1-25 10:03 發表
早兩日同同事講開, 話而家同緊個囡上playgroup, 點知俾佢話到我十惡不赦咁... 佢話你個囡都未夠一歲, 上咩playgroup 丫, 佢乜都唔識架啦, 你地o的家長成日都要催谷o的小朋友, 我地細個咩都唔識咪又係咁大... 跟住佢 ...

SmartCandy

她們有小朋友嗎?妳你可以話比仲聽返playgroup只幾個小朋友一起玩, 學吓群體生活, 連自己都可以玩埋一份, 好個係屋企對住四面場, 不過話時話..好多機構都要一歲先至比讀playgroup, 我呀仔好似都係14個月到讀, 不過唔駛理人敢多, 最緊要自己開心, 講永遠天下無敵

luckyho

係呀, 你同事應該係未有小朋友架la.

我以前未有小朋友都會諗駛唔駛上playgroup呀, 有的朋友更加話一定唔會俾咁細架bb上.  

結果 ....... 我地全部 join 哂....... 哈哈.

so far, 我既小朋友好鍾意佢playgroup既老師, 佢上得好開心, 學左好多野.

我依家都唔敢同人地講 有咩一定唔會俾bb做...我只會講係呢一刻我唔會, 將來個心意會唔會變就唔知.

家長們都係盡能力俾最好既我地小朋友.....如果你同小朋友都開心, 咁唔駛理人點睇.

小曳人

哈哈~ 只要你夠自信, 清楚明白自己做緊乜, 駛乜理人講乜呀!
我教返你轉頭都得添呀!

btw, 我會同老人家講: 同bb去玩!

cherryiiiii

唉....我未一樣....阿B係我阿媽湊既....第一次話帶阿B返playgroup佢幾大反應呀.....以為我迫阿B學D咩咁...又話佢咁細個又淒涼...又咁又咁....又話咩錫小朋友唔係咁....之後我同佢講阿B上得好開心....又俾D相佢睇...佢先至開始接受咋

kristinecheng

樓主唔好唔開心啦，你啲同事唔了解者，好似餵人奶咁，都有好多人有誤解，覺得啲媽咪成日害啲囝囡咁。我地只要記住，自己先係bb既父母，係唯一要對佢既成長負責既人，其他人既意見，合理咪聽吓，唔合理既就當耳邊風。做媽媽已經好辛苦，唔好因為啲閒氣谷親自己。
我阿b9個月開始上幼潛，好幸運連續抽到4期上到宜家，我覺得對佢嬰兒期既發展好有幫助。每期上完既評估都俾我可以了解阿囝既長處同短處，從而幫佢進行適當既訓練，亦俾我知道bb係咩階段要識啲咩，知道佢發展得好唔好。其實上playgroup，辛苦既係大人，我阿囝每次上堂都不知玩得幾開心。

[ 本帖最後由 kristinecheng 於 11-1-25 11:56 編輯 ]

piglet1212

好彩我奶奶無話我地，仲同埋阿仔一齊上PG添…樓主，你啲同事都幾食古不化…

bopui0607

做父母真係要EQ高, 除左用黎教小朋友, 仲要應付其他人對教養小朋友不同的睇法, 最緊要自己知點解要咁做, 當然唔好一味跟風啦, 忠於自己既決定, 但同時吸取其他人有建設性既建議就OK.

nys262

樓主，唔好激親自己，清楚自己爲小朋友好就ok了。

我囡囡才一歲，上週六見奶粉(好缺貨的A-)得返2罐，咪叫爸爸去街時留意下有就買返幾罐，過兩日當99知道此事就話: "bb 都大啦，唔洗飲咁多奶，佢便便又唔係好好，飲少兩餐奶(bb一日都只係飲3次)，食生果代替咪重好，又唔洗爸爸咁辛苦去撲奶粉......(删三萬字)"。

吓....一歲飲少d奶? 食生果代替??

哈哈哈....我只係笑笑口咁答: "好丫，妳同bb講啦!"

fatmuichai

你同事一係未有仔女，一係就仔女已經好大個。我未生B之前都懷疑過咁細個人仔返playgroup有冇用。我地兩公婆親自帶個囡返過playgroup之後都覺得好有用。有咩方法教囡，可以同佢玩咩遊戲，依家呢代幼兒園流行唱咩歌仔，好多我地都係從playgroup學返黎。我覺得playgroup唔單止係俾BB玩，其實仲俾父母可以同小朋友建立親子關係。以前我地三歲先讀幼稚園，阿爸阿媽邊有咁多機會真係可以同我地一齊上堂玩，親身了解我地返學會做d乜？

fanwong29

當年我囝囝歲幾先去Playgroup,諗番起真喺遲咗,支持你!加油!

CatEgg

個女係你的,學費又係你比,佢只係你同事啫,為佢激氣唔抵呀。
小朋友返pg幾好吖,我女返pg不知幾開心,次次去到學校附近已經好興奮、入到學校又想即刻衝入課室(好彩仲識企係除鞋區等我,總算學識咩叫規則)