想quit 私人鋼琴老師

w_y

我之前換老師都只因搬家. 而家仲有兩堂就完呢期, 幾時開口好? 有咩借口可以無咁尷尬?

Sindy

原帖由 w_y 於 11-3-24 17:53 發表
我之前換老師都只因搬家. 而家仲有兩堂就完呢期, 幾時開口好? 有咩借口可以無咁尷尬?

咪話阿女唔'積極'練琴...想吊下佢先,遲D等佢緊張D先學返囉....哈哈

w_y

唉! 一言難盡. 我覺得佢唔夠 flexible, 幾本琴書睇到老, 最重要係佢覺得阿女校際成績唔夠好, 因為臨尾個月都仲有練其他歌, 另一個學生 (小二三啦, G2...我女剛五歲咋, 你拎佢比?) 就最後階段乜都唔學, 只彈比賽歌. 最頂癮係話, 校際d 評判全部係 professional, blablabla....但我女學咩, 全部係佢決定, 連校際揀歌都係佢揀.

OK ~~ 當你講得通, 但拎左張 comment 兩三星期至講, 你又唔同我女傾下 comment 有咩要改善? 而我, 從頭到尾無覺得阿女好差, 至少都 merit 返來, 唔係話佢好叻, 但佢真係好勤力練, 我覺得佢當日彈得唔錯架...反而老師無經驗, 唔使 repeat 又唔知, 練歌只識叫我女死跟tempo咁快, 而家反而同我講話我女只知要彈得快乜都唔理....so far 我半句都無埋怨過呢位老師架. 俾分紙佢當日, 我仲好多謝佢教到阿女有cert 攞添.

我好傷心, 早知有幾個媽咪一早過檔, 我都唔走, 仲支持左佢咁耐, 幫佢講好說話.

原帖由 Kareese 於 11-3-24 18:01 發表
點解轉？係咪教得唔好？

[ 本帖最後由 w_y 於 11-3-24 22:28 編輯 ]

w_y

我女次次覆琴都好 OK, 追歌彈果種. 我次次陪埋佢上課算係緊張型家長架, 比賽完仲叫老師進度可以快D, 唔知係咪咁得罪左佢. 如果咁講, 佢一定知我係耍佢....但都好過照直講, 我可能都要咁講, 話等阿女休息一排. 實情係安排緊同時上另一位老師啦....唉......

咁係咪最尾果堂至同佢講? 果堂我交下期 $$. 定下堂就講定?

原帖由 Sindy 於 11-3-24 18:13 發表


咪話阿女唔'積極'練琴...想吊下佢先,遲D等佢緊張D先學返囉....哈哈

[ 本帖最後由 w_y 於 11-3-24 22:30 編輯 ]

十月媽咪

我會最尾嗰堂上晒喇, 落堂時至同佢講....我唔會畀任何機會D老師畀說話畀我OR我個女聽的! (善意批評當時接受, 但無謂畀佢咁早知你唔跟佢學, 而畀佢有機會響LAST一堂講D令你唔安樂既嘢畀你聽吧!)

原帖由 w_y 於 11-3-24 22:26 發表
我女次次覆琴都好 OK, 追歌彈果種. 我次次陪埋佢上課算係緊張型家長架, 比賽完仲叫老師進度可以快D, 唔知係咪咁得罪左佢. 如果咁講, 佢一定知我係耍佢....但都好過照直講, 我可能都要咁講, 話等阿女休息一排. 實情係 ...

Smiile

明白你的感受，我女之前學小提琴都有這個經驗，當時她學第四級(學了2年)，攞個學了5+己有七級的學生比還令我女好唔開心。幸好那堂是第四堂我便說唔學了...呀女學校好忙

Christi

同意,尾堂講.講得客氣又誠懇一點就得嘞.

原帖由 十月媽咪 於 11-3-24 22:35 發表
我會最尾嗰堂上晒喇, 落堂時至同佢講....我唔會畀任何機會D老師畀說話畀我OR我個女聽的! (善意批評當時接受, 但無謂畀佢咁早知你唔跟佢學, 而畀佢有機會響LAST一堂講D令你唔安樂既嘢畀你聽吧!)

...

w_y

我自己都無個老師咁 care 咩校際分數. 佢唔講呢番說話, 我反而唔會轉老師住. 我都無諗過佢仲會講咩說話俾個女聽...咁講法我都係 last min 先話佢知要走人! 原先諗住唔好阻佢 "檔期".

十月媽咪

佢都唔CARE你哋既感受, 你女只得五歲咋, 第一次校際攞到MERIT, 連讚賞都無一句....我係你, 我唔會CARE佢個"檔期"囉....連佢有無學生, 都none of my business啊!

原帖由 w_y 於 11-3-24 22:53 發表
我自己都無個老師咁 care 咩校際分數. 佢唔講呢番說話, 我反而唔會轉老師住. 我都無諗過佢仲會講咩說話俾個女聽...咁講法我都係 last min 先話佢知要走人! 原先諗住唔好阻佢 "檔期". ...

Sindy

原帖由 w_y 於 11-3-24 22:26 發表
我女次次覆琴都好 OK, 追歌彈果種. 我次次陪埋佢上課算係緊張型家長架, 比賽完仲叫老師進度可以快D, 唔知係咪咁得罪左佢. 如果咁講, 佢一定知我係耍佢....但都好過照直講, 我可能都要咁講, 話等阿女休息一排. 實情係 ...

你同佢care個檔期,佢都未必搵到人黎啦

w_y

謝謝你地意見! 我唔想自己係D 麻煩家長自己都唔覺, 但我真係控制唔到自己既不快, 覺得自己好蠢, 仲浪費左阿女時間. 我一諗起佢可以G2 歌書配本 preparatory level A dozen a day 練手指, 我一早就應該轉老師! 我想打自己個頭呀.

阿女2 位同學原先跟佢都走左, 而家我都打算跟佢地位新老師. 希望順利啦.

[ 本帖最後由 w_y 於 11-3-24 23:10 編輯 ]

Smiile

原帖由 w_y 於 11-3-24 23:07 發表
謝謝你地意見! 我唔想自己係D 麻煩家長自己都唔覺, 但我真係控制唔到自己既不快, 覺得自己好蠢, 仲浪費左阿女時間. 我一諗起佢可以G2 歌書配本 preparatory level A dozen a day 練手指, 我一早就應該轉老師! 我想打 ...

轉老師係明智決定...

SORRY呀 ! 我都忍唔住笑了出來

呀女還細，唔緊要啦，還有很長路學鋼琴，不要自責。好彩都算發現得早

moumou

樓主不好意思，我有同樣轉老師的苦惱，想在那裡問點意見。小女五歲半，耳朵好，有prefect pitch，很愛練琴，我對她，她對自己也有期望。四歲起跟一年輕，但大學音樂糸畢業的琴老師學琴已一年半，他時常大讚我女兒，有天份云云。我不懂音樂，但我是緊張型媽媽，每天與女兒練琴，心中期待小花的盛放。問題開始在考Grade One 試，我女兒用了二個月完成了練三首歌，離考試還有三個月，其間老師有教她其他歌。最後考試之前一星期我與女兒練scale 及broken cord 時，我女兒告訴我老師有些是未教的？！最後成績是三首歌OK，其他接近肥佬，拿了個pass！但蠢媽媽，還不醒覺。最近通利的音樂比賽，叫了琴老師給她練習，琴老師說她很掂，自己又滿有信心。還天真地想女兒入決賽，怎知通利老師叫阿女一彈，就說出一些最最基本的大錯！包括錯手形，錯用手指位，錯拍子，時快時慢等…通利老師很好人，下課馬上義務給她狂執，最後好好彩入到準決賽(37 out of 500+)。最後使我醒覺要換老師的是，當我告訴琴老師，通利老師說的錯處時並希望他跟進。他回答我是：＂哦這個嘛，我一早知道的，…要求高會影響她學琴的興趣…＂。但事實是，因昨天入决賽的名單上沒阿女的名字(6 out of 37) 小小的她失望地哭了，問媽媽為什麼她那樣努力仍不如其他小朋友那麼叻，我怎樣才可以跟他們一樣？媽媽答她：我不知道……但心中問自己是否浪費了她一年半時間？如再找老師應怎樣找？媽媽不懂音樂，跟本不懂應怎樣幫她在漫長的音樂路上走？我只知道她有一點點天份和興趣，但不知道應為她在學音樂上，定下什麼目標。請指教。

lillymarie

原帖由 moumou 於 11-3-25 01:40 發表
樓主不好意思，我有同樣轉老師的苦惱，想在那裡問點意見。小女五歲半，耳朵好，有prefect pitch，很愛練琴，我對她，她對自己也有期望。四歲起跟一年輕，但大學音樂糸畢業的琴老師學琴已一年半，他時常大讚我女兒，有天份云云。我不懂音 ...

妳女女的老師唔係幾得喎, 考試前無幫佢預備好所有項目, 唔係幾夠專業. 年紀細唔應該係無準備好的藉口, 一係就唔好考試住嘛.

我自己覺得找老師, 最好是有人介紹. 每個介紹老師的人都會覺得老師好, 所以要問清楚究竟是怎樣好法. 起碼妳不希望換一位和前任差不多的老師吧.

[ 本帖最後由 lillymarie 於 11-3-25 09:20 編輯 ]

w_y

嘩....你仲不幸....

我自己識少少, G2 都仲執到阿女, 同埋我個老師仲未至於連跟譜彈呢d 基本野都出問題, 佢都了解我女係受谷型, 都會谷下佢, 所以我都唔輕言話轉老師, 只係唔識轉彎因材施教, 同推卸無人俾過佢既責任咁啫.

想換就換啦, 無謂心有條刺. 同埋比賽考試既野, 放輕鬆, 臨場表現好難說得準, 咁細個小朋友, 最重要出場經驗同觀摩.

搵老師同搵工人, 一樣咁頭痕.

怎知通利老師叫阿女一彈，就說出一些最最基本的大錯！包括錯手形，錯用手指位，錯拍子，時快時慢等…通利老師很好人，下課馬上義務給她狂執，最後好好彩入到準決賽(37 out of 500+)。

w_y

唔使sorry...講多樣你笑, 我女本學理, 仲係貼紙書學緊認五線譜, 拍子 (半拍都未教), beginners 書!! 總之佢就係每次一頁, a dozen a day 每次2 行. 除左補鐘, 就點都唔會變架. 歌書進展快係因為之前老師進度到G1 尾至改左跟佢, 同埋阿女勤力練.  最頂癮係我見過有人練G1 琴書, 但 a dozen 同樂理書係高 level 過我果2本. 我唔敢話一定錯, 但總唔係太合理.

我好多謝你地等我可以決斷咁分手!

原帖由 Smiile 於 11-3-25 00:12 發表


轉老師係明智決定...mouth:" />

SORRY呀 ! 我都忍唔住笑了出來

呀女還細，唔緊要啦，還有很長路學鋼琴，不要自責。好彩都算發現得早

lillymarie

好認同妳個句"搵老師同搵工人, 一樣咁頭痕"!
我之前又係忍咗好耐, 成日諗俾多D時間, 睇多陣, 俾個機會老師. 最後都係要換人. 不過, 有時機遇既野好難講, 早D轉又未必搵到現在既老師.
我都好怕分手場面, 最後選擇咗最後一堂唔上, 打電話同老師講: 小朋友唔再學琴啦. 每次老師都無問原因. 可能關係破裂, 雙方都感覺到.

[ 本帖最後由 lillymarie 於 11-3-25 09:18 編輯 ]

Sindy

原帖由 lillymarie 於 11-3-25 09:17 發表
好認同妳個句"搵老師同搵工人, 一樣咁頭痕"!
我之前又係忍咗好耐, 成日諗俾多D時間, 睇多陣, 俾個機會老師. 最後都係要換人. 不過, 有時機遇既野好難講, 早D轉又未必搵到現在既老師.
我都好怕分手場面, 最後選擇咗最 ...

咁我都算好彩...總共用左四個鋼琴老師...最尾呢兩個就OK了....

lyhv

唔好意思, 想問幾位有經驗嘅媽咪, 如果我自己本身對彈琴無任何認識, 而我又想俾小朋友學琴, 我點樣可以知道我小朋友彈得好定差?  又點知個老師教得好定差?  有無嘅貼士, 例如問老師經驗方面, 我可以問佢啲咩?  thank you!