小二插班... ...

中英數常

請問各位，要全級考獲第幾名才有機會考別的小學作小二插班呀？謝謝指教:)

joemyt

睇下你想插去邊間學校啦，當然名次越高，及其他成績都好top就緊係有優勢啦! 如果你想插入城中的名校，好似喇沙拔萃瑪利諾等等，我諗全級一二三都無走雞，否則可能筆試機會都無! 但十項全能除外!

另外，你讀緊間學校的水準都係好緊要。如果小朋友讀開的學校已經係公認唔錯，新學校的校長必定會睇高一線。因為呢類學校已經為小朋友打好個底，轉校之後，多能在新學校繼續keep住好成績，而唔需要新學校煩惱。

小朋友本身的成績/活動表演好top, 加上父母對心儀學校的認知/理念，再配合小朋友的面試表現，相信係校長取錄與否的關鍵，當然可能有其他因素 !

當然，唔好盲目追求名校。要睇下小朋友同新學校是否互相配合適應。又或者小朋友本身唔想轉校等等....

我都係過來人，小朋友亦係在小二插去另一間學校，大家研究下啦!

panbaby

哇, 你的小朋友好叻呀! 你有實戰經驗, 我諗好多家長都想參考吓, 可唔可以講多些 如過程, 考慮因素, 適應問題.  好等我哋都學吓嘢.

joemyt

41網.... 已經轉左幾年啦

gabmama

我想問一問, 如果想插班去喇沙, 聖若瑟英文小學有優勢, 還是民生小學都可以嘗試呢?小兒現被聖若瑟英文小學收了, 但現等統一派喇沙小學. 如果抽唔成, 去聖若瑟還是考民生插班好呢?

joemyt

兩間都好，讀完小一先啦，可能到時你唔想轉校呢？

如果你亞仔最後係讀St. Joseph 小一，就pm我啦，都話係過來人囉.........


最重要係........你揀人，人揀你! 唔好諗咁多，先讀好小一，如果成績真係好理想，咁到時再考慮都未遲!

overview

民生中學係band 1中, 好過聖若瑟(官塘)中學, 真係唔插班去其他學校, 都有一間唔錯的中學.

但真係for插班去喇沙, 我估應該揀聖若瑟, 大家都係天主教, 而且唔覺有喇沙插班生係from民生.

原帖由 gabmama 於 11-5-14 21:43 發表
我想問一問, 如果想插班去喇沙, 聖若瑟英文小學有優勢, 還是民生小學都可以嘗試呢?小兒現被聖若瑟英文小學收了, 但現等統一派喇沙小學. 如果抽唔成, 去聖若瑟還是考民生插班好呢? ...

gabmama

overview and joemty,

多謝你們的忠肯答覆. Joemty, 你仔仔在聖若瑟讀過, 我有些問題, 並會PM咗比你, 請你看一看吧.

gabmama,