已流利中文,學英文有難度嗎

karaqueenie

剛好3歲, 咩都識講,流利兼完整句子, 中文完全唔係問題, 今年8月開始返朗思(九龍塘)英粵班全日, 主要想學校負責教佢英文部份,因為響英文方面, 家長真係有心無力, 但有陣時響屋企已經開BARNEY比佢睇, 就算電視都只睇英文台, DISNEY CHANNEL,  我地有時問佢d 好簡單的英文問題, 好似what color is it? 但就好似完全唔明....又或者有時我指住elephant, 佢會話: 呢隻係大象黎架, 你答錯左啦, 其實佢會唔會已經將中文"先入為主" 左, 而影響佢第時學英文呢?

[ 本帖最後由 karaqueenie 於 11-6-3 10:40 編輯 ]

w_y

至少你要想辦法讓孩子意識到同一件事物, 係可以用中文/英文去表達, 知道有中文和英文的分別.

參加英文班, 提供聽講機會, 幫助大過你睇 barney.  親子時間一齊唱下英文童謠等等.

milkybb

我個囝2歲已識講流利+完整句子的廣東話，早期我們已察覺他的廣東話表達能力超強，所以報playgroup比佢，都係英文為主，而我們也會和他一起看英文故事書﹑中文故事書，英文故事書會一邊用英文講，一邊用中文解釋，so far佢對英文都掌握得唔錯，當然廣東話仍然係佢既主要溝通語言。我覺得最緊要小朋友唔抗拒英文，其餘的慢慢來的，你要給多一點時間小朋友習慣，他們很快會適應的。
還有你有教過她甚麼是colour嗎?簡單的先從紅色=red,藍色=blue......如果你都無教過她，她怎會知道你問"what colour is it?是甚麼意思呢???

[ 本帖最後由 milkybb 於 11-6-3 10:43 編輯 ]

fannychan88

想問各意見, 我囝囝22個月大出年報K1主戰九龍塘. 我家用廣東話為母語,我先生要為佢報英普班我怕跟唔上. 學校可能都唔會收?學校收生是否要父母在家也能用英語溝通?

MASAYA

雖然每個人敎導方法不同，不過我也分享一下自己家的方法
中文和英文可同時敎導，但中文或英文都要完整句子，不要一句裡面有中有英
中文問題敎孩子中文答案，英文一樣，不要令孩子需要翻譯
如果一開始先敎中文，現在開始敎英文的話，只管用英文問答便可，情況跟敎中文時一樣，起初孩子不懂你說甚麼，但很快便能跟上，孩子們學習能力比成人想像的更好

CatEgg

因為我哋無請傭,所以我個b一直都以廣東話都同我哋溝通,廣東話唔錯,最近我嚐試同佢講英文,其實佢係唔明白的,我試下每日同佢睇15分鐘英文故仔書、唱歌,睇下有無用

ho_yan2406

原帖由 milkybb 於 11-6-3 10:41 發表
我個囝2歲已識講流利+完整句子的廣東話，早期我們已察覺他的廣東話表達能力超強，所以報playgroup比佢，都係英文為主，而我們也會和他一起看英文故事書﹑中文故事書，英文故事書會一邊用英文講，一邊用中文解釋，so far佢對英文都掌 ...

我同你做法諗法差不多~
我仔雖唔會用英文同我講野,但佢係聽得明某d簡單英文,用英文問佢叫咩名,男定女,幾多歲,佢都可以用完整英文句子答,只因我教過佢點用英文答嘛,如果唔教都應該唔識答,頂多明你問咩但用中文答囉~除非長時間同佢用英文溝通la~就好似當初講中文咁~

yellowriver01

其實語言真係好講天份.  我覺得最重要係要話俾小朋友知道一樣野可以又好多詞彙, 語言表達.  咁小朋友先唔會抗拒接受新既term.

Christi

唔好太低估小朋友學習語言的能力.我囡(現3 yrs)已懂得自動轉台/自行翻譯(中vs英句子),與外籍老師講英文,中文老師講中文,普通話老師講普通話,她亦明白這個世界上起碼有三種語言(中,英,普),還有一些她聽不懂的日文....她並非特別聰明,而是我覺得每位小朋友都具備這種能力,只差在有沒有配合的環境.

不過,語言要浸的,畀多少少時間,你會見到成果.我不認為操流利中文是構成學英文的困難,學英文的困難是:小朋友有冇興趣/有沒有語境/有沒有操練機會/老師教法是否得當...等等.

樓主可放心.

原帖由 karaqueenie 於 11-6-3 10:11 發表
剛好3歲, 咩都識講,流利兼完整句子, 中文完全唔係問題, 今年8月開始返朗思(九龍塘)英粵班全日, 主要想學校負責教佢英文部份,因為響英文方面, 家長真係有心無力, 但有陣時響屋企已經開BARNEY比佢睇, 就算電視都只睇英 ...

[ 本帖最後由 Christi 於 11-6-6 14:53 編輯 ]

cccbaby

除了開barney 你自己有冇同佢講英文，其實我bb好細個我已經同佢講英文，佢而家三歲中英都fluent.