唉! 工作上的壓力+面對BB的挫敗感, 我真係好倦...

chlohong

大家常互相鼓勵話"不問付出, 努力D, 我地的BB一定有進步"...
唉! 工作上的壓力+面對BB的挫敗感, 我真係好倦...

methy

工作+bb真係係雙重壓力。

我就咁諗.無工返,無錢我重大壓力。返工唔開心，係咁架喇,鬼叫我要打工咩,份人工包埋受氣、唔如意。出糧時對自己好d,買野比自己。
至於bb,佢有進展對自己心理上當然會平衡好多,不過好多野都急唔黎,今日比幾日前有d進步都係進步ar..
一齊加油

Charlotte_mom

尋晚, 有個朋友打俾我, 講起小朋友讀書跟唔上, 好擔心係咁喊
佢話"你就好啦, 個仔咁叻......"
我好努力咁唸, 叻?

我仔2歲被評定MILD GLOBAL DELAY, 主要係語言, 之後放棄所謂名幼稚園, 去讀秉收位, 去做治療, 之後一直有去跟進評估: 扁平足, 大遠視, 上堂唔專心專注力失調, 寫字弱..........其實一路以黎, 我都係俾我仔"嚇"大的, 可能我擔心佢啦, 所以我認我係擺多左心機時間O係佢身上, 去一般PLAYGROUP學野我都唔敢, 因為佢坐唔定, 咪去搵1:1 LOR

到個仔升左小學, 又聽埋D所謂專家冷言冷語, 我唔求我個仔叻我只想佢正正常常咁生活, 我知道佢上堂發夢, 我知佢有時曳, 我更加知我鬧佢都無用, 我只可以"見招拆招", 盡我能力去幫佢, 俾佢要既野, 英文唔得, 上PHONICS LOR, 專注力唔夠, 搵班上, 自己做練習LOR

而家, 我仔學業跟得上(英文有D不足所以努力中), 搵到佢鐘意既運動認真地參與, 開始肯去學其他野, 知道點去令佢"開TURBO"正經做野, 都叫上軌道了, 唸返轉頭, 條路行得好辛苦, 但有今日既回報, 我心足了

大家都加油! 個仔係自己既, 點都要努力, 付出得多, 收返黎既成果會更甜, 真的

autunmbb

原帖由 Charlotte_mom 於 11-6-9 10:18 發表
尋晚, 有個朋友打俾我, 講起小朋友讀書跟唔上, 好擔心係咁喊
佢話"你就好啦, 個仔咁叻......"
我好努力咁唸, 叻?

我仔2歲被評定MILD GLOBAL DELAY, 主要係語言, 之後放棄所謂名幼稚園, 去讀秉收位, 去做治療, 之後 ...

多謝板主分享，我都係剛起步呢～～～

chmanpong

大家努力加油 !

小羅羅

好認同你嘅講法，回想當初的辛酸，眼淚不禁掉下來。雖然我還未去到你小朋友的進展地步，只是剛起步，但我係吾會放棄；大家一齊努力呀！

yookko

大家真係要繼續努力,冇左份工點可以投放咁多資源落個仔度,私人上門, OT + piano + swimming + phonics, 每月駛我成萬蚊,仲有加埋大遠視+弱視,由i位轉S位,再轉E位，由佢最傑出時，語言同認知同樣慢左年幾有多，到而家各方面都和同年紀的小朋友差不多，就連心理學家都話佢的進步好"tremedous", 就知道我呢幾年係幾咁有血有汗，但見到佢有進步有一切都很值得

(Phonics 老師仲話佢好聽明，我當真啦）

家長們，繼續努力，一定會有回報，家長就是小孩最好的治療師

chlohong

多謝大家.