學英文應從那開始...........

chanpat1026

本人兒子英文科非常差，想補習英文，有人話先學拼音、又有人話學文法，到底一個P.3小學生應如何幫他選擇?
想他由P.1程度開始學起.


請各位比d意見. 另peterson的課程或教導方式如何?
Thankyou

talknwrite

語言是由聽和講學起的, phonics 比較有用,文法也可從聽講學回來的. 與小朋友"一起""多閱讀""適合程度"的故事書, 要讀給他聽, 還要教他讀和認字.
如果是英文底子弱, 初期選一頁只有兩,三句的圖書. 因應能力加深. 持之以恆.

雖然是遲了開始, 總好過唔開始!

chanpat1026

多謝你的寶貴意見,其實係我兒子專注力比較差,及過度活躍,心散上堂又不能專心聽老師講書,到老師上完半堂,問問題時才知醒, 久而久之英文的程度一日比一日差.

原帖由 talknwrite 於 11-7-20 08:03 發表
語言是由聽和講學起的, phonics 比較有用,文法也可從聽講學回來的. 與小朋友"一起""多閱讀""適合程度"的故事書, 要讀給他聽, 還要教他讀和認字.
如果是英文底子弱, 初期選一頁只有兩,三句的圖書. 因應能力加深. 持之 ...

chanpat1026

其實我都有諗到你講出去上class的情況, 又要僱番佢既感受,我真係要考慮下搵私人補習,因為而家放左學後,由補習社接他至完成功課, 根本都幫唔到佢.
其實我都係第一次上網問人意見,真係好感激大家有回應比我, 但係唔知搵私人補習英文, 日日黎會唔唔太大壓力比佢, 定係平日補習社照Keep, 星期六或日就補習英文 or搵一位補全科老師每日幫佢補呢,但補全科又怕會忽略左英文科, 大家比D意見教下我, 又或者有冇私人補習介紹?謝謝.

原帖由 happysugar 於 11-7-20 21:04 發表



同意~ 其實你可以考慮下搵一個可以教phonics同埋grammar, reading等各項的私人補習
照咁聽我估你仔仔既英文基礎應該好弱, 出去上class, 同d年紀太小既傷佢自尊又搞到佢無心機, 同番佢既年紀又怕佢跟唔上仲更加放 ...

chanpat1026

病左兩日冇上網, 牙痛慘過大病.
Happysugar好感激你比左咁多意見,自己唔駛六神無主,真係明燈指引,我呀仔係你講中的第4類, 但佢星期一至五每日7點鐘在補習社先至夠時間完成功課, 我想只有星期六、日才可以補習,一星期7天都用盡,又好似好慘, 但點都好事在必行, 希望佢跟番好d啦..........
我有朋友識一個西人教英文,叫我試下比佢去, 但講明一定要Test佢的, 由他的情度開始教, 以你的經驗可否一試呢,其實我唔介意由頭學起,因為現時他教緊一個P.2妹妹,情況同呀仔有d相似, 而家都有d進步.

原帖由 happysugar 於 11-7-21 14:39 發表
其實咁要睇你仔仔平時做功課自己做得唔得, 有冇自主能力, 默書掂唔掂
其實補習社唔多work的, 因為最主要佢地既功用係幫小朋友做晒d功課, 同埋平時默書, 考試咪勁比exercise佢地做之嘛, 但明唔明真係睇小朋友造化, 即 ...

niara

我覺得先不要給西人教，因為西人未必了解你的小朋友不明白甚麼
你話仔仔上堂會走來走去，原因都係佢唔明老師講乜，成績唔好當然冇心機
我都贊成cut補習社嘅時間，你可以俾仔仔三日補習社，兩日請個補習教佢
以我接觸過嘅個案，一般三年班嘅學生，最長專注力為四十五分鐘，所以我覺得一個鐘先，之後佢定咗再加，免得佢怕咗補習
拼音係緊要，但係應付學校試卷更緊要，嚟緊八月，快啲搵個補習幫佢執好呢幾年啲英文，讀返以前的書。九月開始要學過去式，將會有更大的挑戰

你的小朋友怕做閱讀理解嗎？
加油~

chanpat1026

黎緊8月中開始番工啦,跟本冇法跟到佢做功課,仲有个細仔20個月,最百厭呢个時候,又痴身,我本來都諗自己跟佢功課,自從有左細佬後,根本就好難抽身,佢又好易受外來影响唔專注,我照顧細佬.佢就趁机玩,做功課時係要你不停敢叫住佢,提佢而家係做功課,我叫得多d火就起,為免傷感情咁先至送到補習社.

原帖由 happysugar 於 11-7-25 15:25 發表


咁真係好辛苦但無辦法, 你有冇法子監到佢做功課？因為去補習社做功課D細路係心散D架~ 如果可以, 一係就補習社CUT一日, 即係番星期一至四, 咁留番星期五六可以補習, 但星期五D功課就要辛苦媽咪搞掂(假設佢係番全日,  ...

chanpat1026

niara: 好多謝妳的意見, 聽到你講9月開始學過去式, 我個心又沉一沉, 真係要同時開鬥快,快快揾個補習佢 ,唔補多都要補小.你都有幫人補習嗎?
其實閱讀理解他不是怕, 只係專心唔到睇d唔d, 咁自然就答唔到完整答案, 話唔明白,到你去幫佢時, 先話自己漏眼.
講開又講,有一次經驗想早d為細仔打算, niara/ happysugar有咩好意見呢, 出年9月返K1,想今年開始要佢上堂, 聽講 Letterland / Phonics都各有人讚, 你地又点睇???

原帖由 niara 於 11-7-26 01:53 發表
我覺得先不要給西人教，因為西人未必了解你的小朋友不明白甚麼
你話仔仔上堂會走來走去，原因都係佢唔明老師講乜，成績唔好當然冇心機
我都贊成cut補習社嘅時間，你可以俾仔仔三日補習社，兩日請個補習教佢
以我接觸過嘅個案，一 ...

niara

嗯嗯~既然大仔唔怕做，咁就好，你個仔個case同我個新症好似，都係升三年班，我呢個case嘅仔仔都係俾老師投訴佢離位，上堂傾計，復活節收佢嗰時英文得31分，我睇咗佢份卷，個仔都係唔睇題目亂做...@_@
我買左一本 傑思教育出版社 嘅 comprehension45俾佢，我買咗本一年級，一堂做5個練習，每隻字叫佢解，或誘導佢解，教埋佢用生活常識估答案，本書喺考期末試前做完，今次有63分，我讚佢叻叻，佢好開心，叫我買二年班嗰本俾佢
呢本練習救過唔少小朋友，趁書局三本八五折你可以去睇下，你可以叫補習姐姐同你個仔做。開頭佢未必識解得晒，你可以先你解一次，叫佢重覆一次，千祈唔好俾佢點頭話明就算，一定要佢repeat

至於細仔...等佢大個少少再俾支筆佢喺張紙度畫，當哥哥做功課，細佬就畫，等細佬都覺得自己做功課。另外，你想小朋友學phonics為咩？發音？學英文？

chanpat1026

明天會去書局搵呢本練習買比佢做下,等佢溫故知新 Thankyou 晒
至於細仔唔想好似哥哥咁, 早D比佢接觸多d英文, 其實我唔駛佢地要好叻, 但起碼基本功啦, 今日去左Jolly Kingdom / Wide Eye Learning Centre 了解下d course , 都ok喎, 應該都會試下, 但要先聽講座再了解下先. 有進一步進展, 再請交你地.
uote]原帖由 niara 於 11-7-26 13:43 發表
嗯嗯~既然大仔唔怕做，咁就好，你個仔個case同我個新症好似，都係升三年班，我呢個case嘅仔仔都係俾老師投訴佢離位，上堂傾計，復活節收佢嗰時英文得31分，我睇咗佢份卷，個仔都係唔睇題目亂做...@_@
我買左一本 傑思教育出版社 嘅  ... [/quote]

Dulls

之前我都係搵私人個d幫阿仔補英文...不過覺得質素冇咩保證...有次仲比我發現佢改錯grammar...我依家諗緊試唔試下d大補習社好, 我見到Qpon818個網有個英文班團購, 想俾個仔去試下...
有冇人可以比意見我? 我係呢度新手...唔知可以唔意post條link出來

A-Mum

Hi, chanpat1026!
細嗰個要開始親子閱讀喇， phonics 要加埋識好多 vocab 先係最有效架。

chanpat1026

上次你PM我的英文LEARNING CENTRE,已聯絡上10會搬到太子,都打算比細仔上Playgroup,至於大仔8月開始有個細姪女幫佢補一補先,再問下LEARNING CENTRE意見,睇下點幫佢.

原帖由 happysugar 於 11-7-29 23:49 發表
其實呢種係最能打好基礎的方法, 之但係呢種方法要恆而持之, 而且由開始到見到成效的時間好長, 相對補習呢種可以即刻見到的效果, 當然要先頭痛醫頭腳痛醫腳先啦
再講, phonics係要由細細個3歲開始學起, 到3年級, 雖然 ...