不懂教學的YMCA 阿sir....點做好~?

恩林

話說我大仔(7歲)同細仔(5歲)一同報了YMCA的"生字記憶法"暑期班, 上了第一堂, 我大仔同我講 個sir叫d小朋友收聲, 我大仔7歲了, 表達能力絕對冇問題, 所以我99%都信個阿sir有說過dd說話....

但我想睇定d先, 結果第二堂放學時, 我細仔喊住咁出黎, 因為阿sir只獎勵識串啱字的小朋友食糖, 一班7人, 只有我大仔同另一個約7-8歲的小朋友有糖, 其他小朋友大約都係4-5歲的全部都冇獎勵,

我當然安慰我細仔, 叫佢下次再努力過la, 但其實我心覺得個阿sir有冇絞錯, 只係俾小朋友串一次生字的機會, 又將7歲同5歲嘅小朋友比較, 咁邊有得比架~??

結果今日第三堂了, 個阿sir又同一做法, 又係得兩個小朋友有糖, 我細仔一出班門口就同我講 唔想再番d班....
唔好話小朋友吖, 我做大人都好冇引la, 次次都冇獎,
點解唔可以識串嘅有兩粒, 唔識嘅俾多次機會串多次, 有進步嘅都可以有一粒, 咁至可以吸引小朋友繼續上架麻~~!

就算事後我請我細仔食9大鬼佢都係會唔開心架la, 個義意唔係咁麻~~
我宜加都唔知點做好~??!

[ 本帖最後由 恩林 於 11-7-26 18:24 編輯 ]

suki_wong_hk

我仔仔都係YMCA 上另一暑期活動，佢上暑期體育學院..返左幾日，日日都哭住出黎，係一連5日..每日3個鐘。
當初諗住俾佢玩下運動，了解下每種運動既玩法。點知宜家又浪費金錢時間，又令佢唔開心。

因為係俾3-5歲既小朋友，大個D既小朋友就出去玩.細個D既就坐係一邊睇住D哥哥玩，D Miss就負責睇住D 細個既小朋友，成$2xxx 玩5日。一次好好既經驗，下次報暑期班既時間真係要考慮下 D 阿sir and miss 既質素,唔係個個都識了解小朋友既心理。

suki_wong_hk

係呀...TST 那間

gardenwoods

我囝都有不愉快經驗呀....詳細情況我無問，因為係 day camp 黎，成日流流長，我都諗到唔會係一兩事件咁簡單...
我囝係國際學校學生，半個鬼仔咁，個性開揚，一向參加任何興趣型或早兩星期前其他團體既camp 都無問題...但YMCA果個，亞囝居然響camp度不止一次喪喊 (姐姐話喊唔停)！晚上co-ord姐姐有打俾我傾，但仍不能明白點解囝囝情緒咁低落...我囝5.5歲參加5-8歲組，差唔多日日都有喊，仲周圍同人講佢好blue...我唔知係唔係佢地唔識安排活動定安排得唔好定點...最攪笑係明明報既係英語教學 for English native speakers 既班，但見姐姐們同小朋友講廣東話...
我囝第一日放學已經問『今日係唔係 last day』...到左last day 我囝係會大叫『Great！』..可想而知佢有幾喜歡呢個 camp？！

Radiomama

您報的是社會服務哪邊的課程? 我仔參加日營活動果邊d導師好似好少少。
另外如果5歲半參加5-8歲的day camp，佢可能會跟唔上。(如果同期果d全部7-8歲。)我仔今個星期上for 6-8歲的robotic day camp，好好玩。

[ 本帖最後由 Radiomama 於 11-7-28 11:11 編輯 ]

gardenwoods

我報 Shatin Junior School 既 Jungle Adventure...不過因為SJS裝修，改左響AISHK上...亞囝話間房好細....

原帖由 Radiomama 於 11-7-28 11:08 發表
您報的是社會服務哪邊的課程? 我仔參加日營活動果邊d導師好似好少少。
另外如果5歲半參加5-8歲的day camp，佢可能會跟唔上。(如果同期果d全部7-8歲。)我仔今個星期上for 6-8歲的robotic day camp，好好玩。 ...

bearbear00

我個女都有參加生字記憶法, 好廢, 其實佢地根本唔了解小朋友程度, 招得k2, 你無理由每次回來一大堆英文深字, 每個字之間又無關係, 問阿女識唔識呀. 佢完全唔識, 仲要每次都做一大張英文生字抄寫,好心啦,返學都唔使抄寫咁多字!! side錢到極!!

恩林

唔知係咪個阿sir睇到d個topic, 今日佢唔考佢地, 個個都有糖......

suki_wong_hk

希望佢地真係有睇到此文章

我仔仔個course..D助理完全無愛心，運動期間d助理同佢地去飲水，佢地真係完全唔理，由得一班小朋友去飲水機飲水，其實有D係太細個跟本就飲唔到都完全唔理。

我同其他家長傾談既時間，都慶幸自己報左一期俾佢試下，下次唔好攪我啦!!