直資一條龍中小學和津小\私小的差別分享

cutemama2010

幫小朋友選學校要選一啲適合小朋友性格嘅學校，如果小朋友受谷嘅而能力又強，就可以選一些好谷嘅津小\私小學校。如果你個小朋好叻，讀邊間都叻，都無所謂。 如果小朋友能力中等而又唔太受谷嘅，選學校最好選一些唔太谷又學倒嘢，唔喺只選英文一科，要中丶英丶數都好嘅，近住所，減少交通時間，方便小朋友多啲時間參加課外活動。

如果要將直資一條龍中小學和津小\私小直接比較，首先，要唔好太谷，要愉快學習(有部份直資好谷, 唔一定愉快架)嘅學校又學倒嘢，唔好太谷嘅目的喺小朋友唔討厭學習，要小朋友喜歡學習。學校先要取消精英班，你入到津校\私校，一定有精英班，入到精英班喺保障學生升中能入讀band 1 嘅英中，津校很多時也將最好的資源分配給精英班，其他班的學生的成績就難有保證。大部份嘅學生(其實喺父母逼嘅)一定拚命爭入精英班，在小二、小三就要努力催谷入精英班，入唔到精英班六年後選中學就頭痕啦。直資陸慶濤小學唔設精英班。

第二，一般津校\私校老師要應付好多行政工作，工作壓力好大，就算有教學熱誠及愛心都會被磨滅唔少。相對直資有較大自主權，行政壓力相對較少，可以投放在教育上嘅熱誠及愛心會較多。

第三，一定要一條龍直上中學，唔使考呈分試爭排位入名校\入讀band 1 嘅英中。否則小五丶小六要狂谷校内考呈分試爭排位，又點樣愉快學習呢？到時小朋友和父母都辛苦。六年嘅生涯中有大部份時間都在催谷入精英班、狂谷校内考試爭排位呈分，由小二開始準備要考好成績爭入小三嘅精英班,入唔到小三嘅精英班嘅小朋友就會被學校放棄, 喺精英班嘅學生亦要長期受壓力要保持成績, 否則就會被踢出精英班, 亦會被學校放棄。小朋友壓力好大，如果到六年班畢業之前谷唔死(小朋友和父母)，小朋友唔討厭返學，唔放棄，冇轉校，冇失去讀書興趣，就只有極少數受谷嘅小朋友，小朋友討厭咗讀書就大件事啦。陸慶濤小學唔使呈分，直上中學。

第四，津校不能選學生。但直資\私小嘅學生喺由學校選，學生質素差唔多；老師教的程度和進度上亦較易控制；大抽獎嘅津校有時會收到極差嘅學生時，老師都幾頭痕，又唔可以唔教，課堂上嘅秩序和敎學進度會大受影響而拖慢，同學之間嘅學習氣氛亦受影響；津校老師常被誤會為好惡，其實佢哋喺累死啦。

第五，小一派位制度, 是靠抽獎運氣和先天 (舊生世襲計分制).
而報考直資和私校, 可以靠後天努力, 如家長參加學校簡介會, 寫好份profilo, 記熟學校資料準備面試; 平時操練孩子學術知識, 參加興趣班, 禮貌等. 當然, 後天努力不代表一定成功, 但至少有嘗試過, 不是坐著等運到。

第六，一般津小\私小可以派得較好嘅band 1中學嘅學校都好谷，功課好多，敎得深啲，父母和小朋友都好忙。因為功課唔多唔可以滿足到家長嘅期望；家長認為唔谷唔深嘅就派唔到好嘅band 1英中。

第七，最好中學又唔太差，band 1 英中就最好，校風和學術水平差極有限。中學時期，小朋友又正處於青少年反叛期，最容易受朋輩/同學影嚮，到時入左啲band 2  or 3 嘅中學，近朱者赤，近物者黑，物以類聚，學壞咗點算？

第八，大嘅辦學團體質素較有保証。保良局嘅辦學團體有很多年經驗，差不多所有保良局學校嘅水準都好高，屬高增值學校，但要注意陸慶濤嘅校舍比較舊和细，如果可以接受嘅話佢嘅軟件喺唔錯嘅。

第九，一般有經驗嘅保良局學校嘅畢業生band 1 比率都在50%以上，有經驗嘅保良局直資學校嘅畢業生band 1 比率更高，原因喺直資學校可以選擇質素較好或同一水平嘅學生。

第十，直資一條龍中小學有較多資源可以小班教學、雙班主任制、教師同學生比例較高、照顧學習差異、拔尖補底、校本課程、活動教學、小组形式上課、同學關係親密、鼓勵學生多討論、多表達議見、培養閱讀興趣、培養主動學習、建立自信、建立批判思维和舉辦海外交流團和海外交流會等等….

而海外交流團和海外交流會可以增加學生嘅國際視野，對學生有益無害。你唔想去海外交流可以唔參加嘅，冇人會逼你參加。而參加這些學校搞嘅海外交流團費用不會好貴，主要是來回機票和交通费，入住對方家庭，唔使住酒店，對方家庭包食宿，大约幾千元，又可以真正認識當地人嘅文化和生活，一般津小\私小冇資源好難做到。相比一啲富贵學校嘅海外交流團，唔想自己煩，外判比代理/旅行社等等….動不動3 至6萬去一次，住酒店好貴、食嘢貴、導遊丶領隊費、再加上搞手/代理/旅行社要賺錢，請導師每日上幾堂課，又唔喺入住當地家庭，又唔知可唔可以真正認識當地文化及生活，值唔值就見人見智啦。

海外交流會更加喺唔使錢，因它只喺係學校通過視像會議即時同外國學校嘅學生直接交談對話，了解對方嘅文化和生活。

保良局陸慶濤小學比較全面，剛好佢又有一間band 1英中羅氏基金中學做backup，比一般津小\私小較有保障。但喺直資和私小喺要比學費，津小唔使比。

cutemama2010

升中選校嘅面試 比小一更難, 要求更高，要睇中、英、數成績和音樂、體育、視藝戓其他特別技能，普通話和英文oral表達能力要好。成績差一點可能連面試嘅機會都冇。升中選校面試難，band 1 英中面試更難。如果要喺直資一條龍中小學就較好，免除面試直上中學。

cutemama2010

神經父母痴線仔               


香港的教育制度，好處是人人有書讀，考試的制度建立在同一平台之上來作評核，絕對公平公正，但在同一時間，追求入讀所謂精英學府引伸出來的問題，不論是小學還是中學，那種高壓、恐怖以及驚人的學習氣氛，可以大膽地說，是十分的無良，根本就與虐待兒童沒有分別！

我認識一位家長，每天子女下課後，便會立即駕車接載他們前往補習，兒子在車內的時間則要繼續做功課。一個星期上學5天，每天補課3科，即是一星期共補習15次！到了晚上9時半，兒子帶着疲累的身軀回到家中，才急急地吃過晚飯，然後便要繼續忙着把各科的功課完成，直至晚上12時才能入睡。

別以為到了周末就可以輕鬆休息一下，反之竟是欺人更甚，既要補習，還要加上各式的課外活動，學柔道、學彈琴、學小提琴、學毛筆書法，學學學學…… 還要準備即將來臨的考試，生活竟然比我這個集團主席還要忙碌與辛苦！

每個星期，這位年紀輕輕的孩子，都要帶着疲憊不堪的身軀去完成這種種艱苦的訓練，學完又學，補完又補，日復日地應付沒完沒了的功課，在我看來，其實這小孩就有如一匹用來作賽的馬兒般，任由父母「操練」－ 阿媽是練馬師，朝早要晨操，中午又要午操，到了晚上又再跑多幾轉，總之天天都是操練，完全非人道！

每每到了家長聚會的時候，大家就會圍在一起不斷「晒冷」，炫耀自己的兒子有多少種技能，鋼琴又學到了第幾級，將聚會變成了一個競技場，讓孩子們互相角力。沒錯，練馬師對自己的馬匹一直作出嚴格的要求，不斷加以鞭策及磨練，許多時就是為了讓他們在這競技場中獻技和爭勝，而且只許勝，不能輸，連跑個第三也不行，最重要就是拉得頭馬，否則的話，家長會非常「無面」呢！

這種練馬師父母，我會稱之為「神經父母」，至於他們所教育出來的小孩，我則會叫他們作「痴線仔」。

有家長説如此軍訓式的教育只為讓孩子能「贏在起跑線上」，但事實真是這般嗎？孩童在高壓的童年下成長，到進入大學階段，即使成功考進最高的精英學府並取得最高分數，到最尾，還不過只會是個「高分低能兒」罷了，因為他們除了懂得背誦書本與準備考試外，便找不到一點個人發展的空間，也培育不到任何個人的興趣與獨立思維，人與人之間的溝通技巧就更加不用說了。

社會上待人接物的技能，孩子是需要透過家庭成長、與其他人接觸及玩耍時鍛煉出來的，可是現今的父母卻只着重考試的分數，也着眼兒女日後賺取的薪金，多於他們的心智及快樂指數，最後隨時卻只有得不償失。

我明白大部分家長都不希望自己的孩子比別人「執輸」，但我想告訴你們，這不過是短線的看法，需要着重的，反而該是長線的德智體群發展。

請用心想想，你們現在對孩子施以的「高壓手段」，是不是為了你們個人的面子，以及那種虛榮的感覺？抑或，你是真心為兒女着想呢？若然你真的希望孩子日後能得到幸福，就別要再當一位「神經父母」了！拜託，救救我們的下一代吧！

黃毅力