校中有男家長太熱情。。。。。

prettygirls

校中有男家長太熱情對幼稚園囡囡，你會點做？

熱情例子：
1。每見到我女兒，佢會捉住我女兒手臂，有問她這問她那（不過，都係無謂問題。）我女兒當然吾會答佢。不過，次次用手捉我女兒，我覺得好怪
2。我女兒同隔離班老師（老師是我大女兒以前的班主任）傾計，佢又走來搭咀及當然又係拉住我女兒手臂。  一來好無禮貌；二來先生你又吾識個位老師；三來先生你又接觸我女兒。你邊位呀！
3。小朋友交功課時，佢都未幫佢自已個仔交功課就一步走來問我個囡交左功課未呀！你的功課做成點呀！仲要話好靚!即時取手機想影相。。

我已經同班主任傾過計，原來，那個男人已經經常抱起另一個女同學。不過，個女同學有哭，所以，佢留意到！我唯有叫老師多加注意及同個男家長講一下（不過，老師話都吾知可以點講，佢想一想）

我現在唯一可以做就送囡囡返學時，要到最後打上課鐘才離開學校（因男家長只會送返學）

我同老公講，佢好
覺得有Ｘ騷擾

littlecook

我個人覺得果位男家長做法唔正常,唔恰當.
你可以考慮以下做法:
1. 同老師反映,表示你的關注及睇法,清楚表達你期望老師/校方可以點幫助你.尤其是當你唔再場既時候,你交個囡比佢地,希望佢地點樣保障你囡既安全.
2. 直接同該位家長講,請佢唔好用身體接觸你個囡.尤其是你都在場,你見到都唔鐘意,應該拉開自己個囡,同佢講清楚!否則,佢見你無反應,可能會變本加厲!
3. 教你個囡,咁樣係唔恰當.如果有人咁樣對佢,要大聲講唔好,仲要同家長/老師講返.如果你在場,連你自己都唔同個男人SAY NO,你唔保護佢,佢點識保護自己?佢以為媽咪都黙許,就可能會啞忍!

個人意見己而!你再諗諗可以點做啦!

原帖由 prettygirls 於 11-11-13 22:06 發表
校中有男家長太熱情對幼稚園囡囡，你會點做？

熱情例子：
1。每見到我女兒，佢會捉住我女兒手臂，有問她這問她那（不過，都係無謂問題。）我女兒當然吾會答佢。不過，次次用手捉我女兒，我覺得好怪
2。我女兒同隔離班老師（老師是 ...

NICOLE123

不如叫女女直接同佢講.你唔好掂我.
除左DADDY其他男人都唔應該掂我.
跟手你拉開自己個女.同女女講保護自己係岩架.
再同果個DADDY講.我估你都係唔好除便用身體接觸其他小朋友比較好.
一陣有咩誤會就唔好啦.

moonychan

係咪恨女呀??

如果你有唔 CONFORT~ 就自己諗下計仔, 岩岩好打鐘才到學校都係一個辦法.

Yanamami

你估班主任可唔可以call果位先生o既太太, 婉轉d講你對佢先生o既太熱情感到唔舒服, 請注意一下?

taidou

好有問題喎, 一定complaint, 咁多變態咾....

prettygirls

Thanks! littiecook,

我會同老師反應問題。不過，囡囡只有3歲大，又真係吾知點教佢say no. 但我都會嘗試。

Thanks! Nicole123,

我會嘗試教囡囡。不竟她只有3歲，真係希望囡囡明。

prettygirls

moonychan，

我估都係。

Yanamami        ，

老師話試吓講，比”說話“佢聽吾好抱囡囡，吾係太好。都吾得，就同佢太太講。

taidou,

佢講說話都有問題，估個腦更加有問題。

各位，Thanks!

misshoiyi

直接搵校長傾你既憂慮!!!!我覺得有d過份呀!!

vnghk0001

直接同個男家長反映問題，比佢知你有留意佢，佢會冇咁過分，人不可以貌相，小心為上，唔好怕唔好意思或日後見到會面左左，除非你想同佢做朋友。

coffei1

當面叫佢唔好再掂你個女啦!好變態呀!呢d人你都唔洗怕得罪啦,佢冇理你感受,你都唔洗理佢感受!一係叫你c6同佢講啦!

qqbabe

如果囡囡有k1以上, 可以叫佢自己講, 例如:"uncle, 你唔好捉住/抱我, 媽媽話女孩子唔可以隨便比人掂!", 跟住你順水推舟話而家d小朋友好細個已懂保護自己, 睇下得唔得~

evahui619

好恐怖. 一係直接同佢講囡囡唔鍾意比人抱同陌生人有親密接觸

littlecook

就係因為佢細佢唔識,你先要教佢!
你今日教唔識佢,咪試吓慢慢教!
你直情當住小朋友面前同個男家長SAY NO,就係身教啦!

原帖由 prettygirls 於 11-11-14 06:44 發表
Thanks! littiecook,

我會同老師反應問題。不過，囡囡只有3歲大，又真係吾知點教佢say no. 但我都會嘗試。

Thanks! Nicole123,

我會嘗試教囡囡。不竟她只有3歲，真係希望囡囡明。 ...

[ 本帖最後由 littlecook 於 11-11-14 16:02 編輯 ]

2Fats

我會再三同學校反映呢個問題. 你唔係第一個"受害人", 學校更加應該處理, 而唔係答唔知點做.

下次男家長再掂你個囡, 你認真同佢講囡囡太細個, 唔慣接觸陌生人, 同埋可以話佢知: "xx同學家長, 我個囡太細唔慣接觸陌生人, 而我作為佢媽媽都唔希望其他人同佢有身體接觸, 有咩誤會就唔好啦, 我諗你做家長都明白嘅! 囡仔好得意架, 不如你如太太考慮追個囡lor".

最好喺老師面前講, 就算唔得都要事後話番比老師聽, 叫佢地幫你多加留意. 同埋叫學校真係要認真處理...可唔可以同個位學生個'媽媽'反映一下呢? 咪話有其他家長反映o羅! 大家女人, 知咩事啦.

原帖由 prettygirls 於 11-11-14 06:44 發表
Thanks! littiecook,

我會同老師反應問題。不過，囡囡只有3歲大，又真係吾知點教佢say no. 但我都會嘗試。

Thanks! Nicole123,

我會嘗試教囡囡。不竟她只有3歲，真係希望囡囡明。 ...

Cutemom0808

其實有d男人好恨女但自己又冇，亦都唔知自己已過火。

我覺得唔先唔好假設個男人係壞人，但要直接同呢個男人講你好介意佢呢個行為。如果講到明重係o甘就真係要强硬d了

prettygirls

多謝各位家長比寶貴意見我。因女兒都只得3歲，我會更加保護她，教她不可以被其他人有身體接觸，要say no!

我要更加表明自己立場。

Yanamami

身同感受???

原帖由 awah112 於 11-11-14 19:21 發表
''其實有d男人好恨女但自己又冇，亦都唔知自己已過火。''

agree