20/01 自選明天DEAD LINE , 已交表的一齊入來聊吓交後感

kuromima

首先, 祝各位如願以償.

我交完表之後, 比朋友駡我浪費機會.
明明系2A料, 為何吾揀二間均是2A學校, 為何揀一間1C一間2A , 請問我系咪真系選錯了??是不是真的浪費了機會?

SUNWONG9861

回復 kuromima 的帖子

博1間正常。而且你都係2A去1C，唔算太博。

curryson

唔好諗咁多,最緊要適合自己的小朋友;
我當年幫小朋友也是保守的揀咗間2A的,結果名次差過佢的都入到3A,
D人又係話我太嘥,但是家下小朋友讀得好開心,輕輕鬆鬆的成績都係前几名,不用捱夜,不用補習,佢又開心我又放心,也許會有人話我冇上進心啦,不過我不介意,啱唔啱係自己知的,外人的諗法也只是她自己的意願,參考下就好.

maywei

回復 kuromima 的帖子

你咁填, 都係穏陣d, 你有你唸法, 如果萬一派得唔好, 都對得住自己, 隨心啦!  而且龍年出生率又多, 如果實力唔夠, 真係好怕有損失架!

kanlawts

我囝囝BAND ONE 尾，最後我都是揀二間均是1C學校，因為唔想佢太辛苦，最緊要啱讀同開心(最後一次呈分試唔知考成點)，但大抽獎係唔係選1B擺頭都仲心大心細(1A一定唔揀);但要話比小朋友知就算1C都已經好好唔需要同人比較;將來努力先最重要;

168148

我個女前幾年參予過, 的確係,但今年(千禧龍)佈局又好難估計

hw1115

我都是揀了1B&1C各一間(小朋友是1B),祝大家都入到心儀的中學一

eling_yeung

我個女係1C, 我都只是揀2間1C的學校, 無謂勉強, 一陣連保險的機會都冇埋仲衰啦!

kanlawts

減班最大影響，如果唔係仲有得博，呢個"正苦".....

csy_ma

回復 kswiss 的帖子

冇錯，自行有兩個選擇，就係俾其中最少一個機會你博。呢個確實係遊戲規則

龍舌蘭

表就交左啦,考好下一次呈分, 其它 由天決定啦.

真係一個好彩唔好彩, 入左b1學校, 點讀下去呢? 有冇人可以俾d經驗呀?

pschoolp

真係一個好彩唔好彩, 入左b1學校, 點讀下去呢? 有冇人可以俾d經驗呀?

吾洗驚, 很多中學都有精英班,會自動分流, 除非你小朋友與中學程度相差太遠就驚,點讀下去! 但你都放心自行時中學會收勁人除非你小朋友有特殊功能.

carchu12

希望在人間，唔好想太多啦﹗

worldpeace

阿囡band 2, 交2間都係band 2 a, 希望得啦!

terencewpf

其實, 我還不太明怎樣~博. 因很多學校在自行收生這階段 , 都希望能取錄一些質素較好的學生, 故此對申請的要求亦相對提高. 自覺 博 得成功機會亦相對降低
但學校老師又時常鼓勵要~博, 要進取一點. 這令我在選校初時, 有點困惑.

csy_ma

回復 terencewpf 的帖子

我諗係屁股位置影響判斷？校方既政策，梗係唔想band1中或以下既響自行揀相同等級既學校，因為咁意味住佢地放棄大抽獎。而大抽獎，響學校黎講又必須人夠多，先會多咗band1中至尾博到入band1頭之類既情況，咁佢梗係想你大抽獎啦。反正，老師又唔需要承受博唔到既後果。咁又真係唔少band1中至尾入到band1頭既情況……
不過，作為家長，我地重視既係某一個體而唔係整體數字，考慮就會有唔同。

其實都要睇小朋友性格。有d小朋友，本身就唔係好介意俾人省，對墊底又冇乜感覺既，如果係咁，博入高band既學校，學壞既機會就少d，博得過。另外一d小朋友，發現跑道上只係可以追住人地既背影既，咁跑跑下就會放棄，反而有機會響前頭帶放，佢會愈跑愈有既，咁就博唔過。

自行階段，家長希望博再好既學校，學校同樣希望收成績再好既學生（少部分例外），定律也。學校自然會盡揀成績排名前既，咁，band1中既學校，自然希望揀band1頭既學生，如此類推。這不過供求關係吧了。問題係，龍年band1位好唔夠，係求過於供既關係。響呢個時候，band1中既學生揀返band1中，都未必穩陣，何況揀band1頭？機率好易計啫？

不過，大抽獎就好有刀仔鋸大樹既成分－－假如你認為學校既名氣係獎品既話。其實好多小朋友同家長都情願大抽獎，因為相信成長中既人可以搓圓扌禁扁，成績唔好係一時既，入咗好學校既變數應轉好，又總認為好運屬於自己……我囡就話俾我聽，佢有d同學就相信自己一定抽中全區最受歡迎既學校云云，在結果未出黎之前，邊個可以話佢錯??

博定唔博，好睇決定果位既性格既？

pschoolp

信學校老師,就會遍地屍骸, 有個啊媽, 呀仔B1中,老師叫報區內兩間名中學, 結果派去B2中學, 當年徬徨無助去到處叩門,

今年個啊媽的細仔同樣是B1中, 老師叫報區內兩間名中學, 現過鬼中吾怕黑呀!!他好清楚自己應該報什麼中學, 結果報了區外B1中學校(勁人多係博)及區外B1尾學校(勁人不會多係實質的東西)
過來人的經驗直得分享,也解釋為何有家長願意將小朋友由B1中降低到B1尾, 徬徨無助去到處叩門未經歷過是無法理解及有共鳴

renewdanny

已有同學收到reject信了