有冇人既小朋友係冇學鋼琴, 學其他樂器學得好架?

yijing

有人話學琴係最基本, 將來學其他樂器都容易。但個女學左成年都冇咩主動去練琴, 好似唔鐘意鋼琴。 將來小學又唔計鋼琴, 咁起碼學兩種樂器? 如果唔學琴學其他, 會否仍是覺得很困難呢? 究竟先學琴有幾大幫助呢??

四隻貓

其實10個小朋友, 9個都唔鍾意練習. 練習有時係重複又重複. 唔剩止關樂器事, 就算游水操水,跑步練氣, 大人都未必有恆心, 更何況小朋友.

孩子是完全不喜歡彈琴? 還是只是不喜歡練習?

pooh仔

冇關係！我仔冇學鋼琴，小二時在校長笛，完全掌握到。
但有一奌喺學咗鋼琴睇高低譜將來考樂理會容易上手！
長笛只需高音譜，到佢將來要考樂理就要專登重新學低音譜！

小伊

原帖由 pooh仔 於 12-05-15 發表
冇關係！我仔冇學鋼琴，小二時在校長笛，完全掌握到。
但有一奌喺學咗鋼琴睇高低譜將來考樂理會容易上手！
...

綱琴與其他樂器在技巧上並無關係，有些說鋼琴是基礎等都是誤解。

hyatt

其實好睇小朋友，學兩樣樂器會有synergy effect，例如我囝學過鋼琴，再學小提琴真係好快上手，睇譜冇問題，知道邊個音但拉唔準係另一回事。

但學兩樣練習時間係另一個問題，如果分配不到時間，可能專注一種樂器會更好。

philipwai

"將來小學又唔計鋼琴, 咁起碼學兩種樂器?"
邊間小學?

lillymarie

yijing 發表於 12-5-15 16:26
有人話學琴係最基本, 將來學其他樂器都容易。但個女學左成年都冇咩主動去練琴, 好似唔鐘意鋼琴。 將來小學 ...

我大囝學琴學咗5﹣6年都唔會主動去練琴～～～因為練琴辛苦嘛！但每次問佢，佢都話好鍾意彈琴架！唔好理咁多，試下幫囡囡定一個每日練琴的時間，夠鐘就叫佢去練琴。如果佢次次叫都唔肯練先問佢是否唔鍾意啦！

我細囝無學鋼琴，只學小提琴。因為真係無時間，諗下每日練一個鐘，學兩樣豈不是要練兩個鐘？又或者隔日先練？隨你點睇囉！我傾向專心做好一樣。至於樂理，其實小提琴老師身邊多數會有部鋼琴，有時都會用來解釋下。再唔係搵個老師專教樂理。唔使為咗樂理，特登去學鋼琴，是兩碼子的事。

當然，若果為了報學校而考慮的話，策略會有所不同。但講返轉頭，報小學，即是小朋友未夠6歲，都係得鋼琴和小提琴可以揀喎！其它樂器一般都係7，8歲先開始學架！

anteater

從小開始學習鋼琴對其左右腦發育有良好幫助，因為彈奏鋼琴需要雙手協調，從而使腦部增強思考力、專注力、分析力和想像力 ,小兒未到4歲只學了鋼琴兩個月,但個人的發展進步了很多,拿筆寫字也有力很多,而且也學懂睇譜,如想他主動練琴,最好跟他一起學,當親子學習,佢又唔會悶,仲好開心呢

iamfansma

我認為你學咗一樣學第二樣樂器都易上手啲，但當然要練好兩種就要付出多幾乎一倍的時間了

cowmoon

回復 yukiwonghk 的帖子

同意啊，其實好似生仔一樣，湊過大的，到湊第二個，都覺得得心應手好多啦。

小木偶媽咪

我囡囡只學小提琴,沒問題丫

yijing

其實個女係懶練琴, 加上最近一首歌好難, 所以唔想練, 甚至話唔想學。我話左俾琴老師聽, 睇下點幫佢。老師叫佢寫左拍子於譜上。

個女9月六歲, 係可以試小提琴既, 我都驚學2種樂器好花時間。

叫佢彈第二d歌, 佢又ok喎, 唔知係咪因為我陪住。唉, 但唔係下下要我响一齊先彈嘛?! 人地話學琴己經係最易, 我驚佢轉小提琴又覺得難又放棄。