A仔應否參加"黃埔軍校"體驗下嗎

karenson

大家好!

A仔今年9歲! 有專注力不足, 無記性+自理能力差~好依賴。應該比佢暑假期間參加5天或7天團去體驗下嗎

想佢改善日常生活習慣~摺衫(唔係周圍放), 正常時間睡覺, 有規舉+禮貌....等等, 同埋與同齡小朋友建立溝通(人際關係)!

謝謝你們的意見~感謝

hktkomama

佢有無試過參加宿營的經驗?如無,第一次就要參加5-7天的話,好像對佢比較難.
坊間都有些3日2夜的活動,你比佢試這些先啦.

kelvin_hmlau

可能要先了解孩子可以做到的事 rather than 想佢做到的事。

karenson

hktkomama: 仔仔之前有去過學校宿營, 如"羅亞方舟"4日3夜, 回來時問他開心嗎? 佢話好開心, 下次要再去!
同埋佢有嚴重偏食, 一定要有汁/湯"撈"飯, 亦唔肯用筷子食飯, 所以問佢宿營時情況, 佢竟回覆同其他同學一樣食法, 仲話D"送"好好味!

kelvin_hmlau: 其實佢已9歲仔, E個歲數正常既野都唔太懂得處理, 可能因為以前既生活習慣無條理,事但求其,完全無責任心所致 到E+我先想佢去體驗,改變/改善返好佢!

2位, 可睇番我之前既留言板"萬分感謝各位幫忙^.^",便了解我個Background, 我只想盡力對仔仔好及幫助他日後將來的成長!   

hktkomama

你有冇同學校了解過，佢上次去camp的情況，是否跟到常規，是否同其他同學一樣。還有，你有冇了解過佢平時在學校吃飯的情況。如果佢在學校做到，只是在家做唔到，即是不是能力的問題，可能是哈你。
如果不是能力的問題，你都可以一試。另外你要考慮學校的camp全是熟悉的人物，他們都了解仔仔的情況，但黃埔則是全新的環境和人。

kelvin_hmlau

其實我不清楚黃埔軍校做甚麼，但聽名字好像很重視紀律，似乎對ADHD仔比較困難。其實唔介意label, 協康等機構都有好多夏令營可以參考。

karenson

有同學校了解過, 上星期先見完家長(我主動提出面談), 要面對1班主任,1輔導老師,1訓導老師,1中文科老師, 佢地4位都話係小朋友自己太有自我, 鍾意做時會好盡力做到好, 唔鍾意做點叫點迫都無用! 上學/LUNCH時間同其他同學仔大致無分別, 但不善於人際關係。功課又差, 永遠唔寫手冊, 又成日唔見, 又話唔知係要做咩?(因我每晚都檢查), 有時衰到唔肯做, 幫佢做埋比埋答案,叫佢抄返落去都唔肯.有時我都頂唔順,真係好勞氣,教到自己心情都好差~要喊,覺得唔識得點去做, 獎/罰/氹+講道理解釋都起唔到作用!

karenson

kelvin_hmlau: 我知對A仔係有困難, 但以佢日常(以往)咁既習慣, 唔比佢辛苦+磨練下, 我倆真係唔知點搞好. 可能人地話佢會聽, 我地就教極都唔聽! 因為由BB睇到A仔E+9歲既叔叔, 都叫我地咁做, 話以前(父母)唔教, E+再唔教返好,咁日後教唔到了! 叔叔都對A仔好失望, 由鍾意變到E+唔LIKE(叔叔親口同我講), 可想A仔個問題好大

kelvin_hmlau

回復 karenson 的帖子

其實都理解你的心情, 但有時急都急唔黎. 你都有話, 細個唔教, 但9歲突然想佢樣樣ok, 真係有d難度.
都想問清楚小孩係唔係自閉+ADHD?
坦白講, 學障兒係自己眼中係"珠寶", 係老師/導師眼中可能係"微塵"或"眼中釘". 我相信黃埔軍校個位導師都唔會識教佢啦, 只會"兇"佢吧.

karenson

佢係ADHD, 無自閉, 因為佢都係多咀果隻, 好鍾意同佢傾計, 但只係好睇對住咩人, 佢自己鍾唔鍾意同你講野
好開心~尋晚驗證左樣野, 佢其實真係唔太差既, 只係無人理所以放縱自己, 因為中文默書100分, 同埋真係寫齊手冊+整理好功課書包(希望日後繼續係咁啦!)
亦同爸爸再商量過, 究竟去唔去"黃埔軍校",因為真係驚一下子咁軍訓式, 佢頂唔到, 爸爸就話同佢講解下, 睇下佢又想唔想去~磨練下自己! 唔去既, 就報一D活動, 如: 打籃球, 球類(佢LIKE果D), 比佢充實D及可以群體學習

kelvin_hmlau

相信你心裡已有答案了。just do it!