如果你讀緊小學的孩子同你講,我鍾意左個同學,你會點?

moonchan

我成日叫讀緊小二o既仔仔講d心事比我聽,當朋友咁傾計!
某一天,佢話鍾意左個女同學,仲講左好多其他同學邊個鍾意邊個咁,我覺得都幾攪笑,依家d細路原來咁人細鬼大,但諗深一層,我應該比d咩態度去回應佢呢?
囉囉唆唆叫佢唔好諗,比心機讀書又好似勁老土!
怕佢以後怕左我煩,唔講野過我知,大家又會點做呢?
我現在只係當得啖笑,因為此終係太細,但佢再大一d,我又應該點做呢?

Sindy

比我老公就會話:係呀....你咁樣我會啜你架......   

bb2001

我個女K3時已經講邊個鐘意邊個、邊個同學同邊個同學結婚咁.....
而家啲小朋友真係早熟啲嫁。

Anka

我同呀女提早失戀 :cry:

moonchan

Anka:
提早失戀?講真定講笑架?
小學咋喎!

我個仔仔每隔兩三日就自動報告同個女同學D野,如....
今日佢指定活動時同一組呀!(佢好開心)
今日有同學笑佢地係男女朋友.....之類。
仲叫我唔好話比爸爸知tim

    

tomatowu

我囝囝都係咁,K1時已經講話鍾意邊個女同學,仲話買間屋等佢

waiyinmama

我囡囡3,4yr時中意1個表哥並且愿意同他結婚, 但是大她6yr的表哥嫌她"太年輕". 但是最近囡囡表示仍然喜歡表哥但是她不會和表哥結婚, 理由是 - 她希望一直和媽媽做一家人, 不想分開.   

不過我都很想知道到小學時, 應該同小朋友點樣溝通有關問題.

tkkmama

真係一d都唔出奇架~~~我三個女都試過啦,有d係人地示愛 ,有d係單戀人地 真係唔好太認真咯,有時係佢地十分喜歡同人玩架乍,唔識表達,米話想同佢結婚或鍾意佢咁咯,有時間米同佢傾下:點樣保護自己,唔好咁張揚會俾人笑,有乜野都可以同媽咪講下,你又要有接受既態度,最緊要~~唔好俾對方知道~~我女試過,有個男仔既亞媽居然好似想提親咁~~~ 之後兩個小朋友連朋友都冇得做~~~

titichu

我女Ｋ２已經同我講話同一個同學仔結婚，我當時笑佢，佢好認真咁唔准我笑佢，咁我又好認真咁同佢講，我話你咁快結婚，媽咪唔捨得你喎，你個同學仔都唔係好靚仔，佢就話佢覺得佢同學仔好靚仔咁話，又說有daddy陪休咪得囉，過左無耐又話而家唔鐘意個同學仔喎，又說同佢分手，都你睇電視睇得多原因，仲話甚麼叫分手。

moonchan

哈哈~睇完咁多媽咪o既留言,先至知自己太過緊張tim,
原來依家個個細路都係咁架!
  

Teresa

其實我覺得小朋友這個年紀說 “鍾意”，他們根本分不出 'like"和 "love"的意思。同學之間朝夕相對，一起學習一起玩，互相產生一種好感總是有的。只不過是我們大人看這事的角度不同 -- 異性+好感（"鍾意")+小朋友人細鬼大的表達方式，就足以令我們把他們的說話take it seriously.

都是一樣！不要看得太重，不要緊張，多向他們灌輸 "like"和 "love" 的概念吧！

Xanthe

我個囡返學唔夠2個月已經有男仔同佢講but我覺得家長唔需要太過緊張，只要話比佢知所有小朋友都要相親相愛，遲d大d就冇這個問題！