S.1照顧問題??

dlh525

希望大家可以俾一些意見我!!  
我小朋友今年小四, 英小, 家住新界西.  現在我已開始留意各中學既情況, 小朋友成績尚可, 未決定是考直資OR大抽獎(但選擇考直資的機會較大).  新界西都有不錯的直資中學, 但我一直都有留意不同的直資中學如KLN OR 港島區的.  如將來小朋友有能力及幸運地可考到KLN OR 港島區的好學校, 我就需要搬屋.  現在我與C6在意見上有少少分歧是在照顧問題上!!  由於我小朋友在幼稚園及小學階段都是親戚幫我照顧接送上/放學, 我放工回來就湊回小朋友, 晚餐都會在親戚家中用完才回家.  如果真是搬出KLN就沒有人幫忙看顧小朋友!!  請問大家會有否有一些好的提議給我呢??!!      

Yanamami

中學生好多都自己番/放學. 最大問題係晚餐吧.....惟有請工人.

hw1115

唔請工人都得, 不過, 自己辛苦一些,

dlh525

其實晚餐我都可以自己安排倒, 簡單些囉!!
我c6是擔心初中放學後沒有人看顧住...其實我都有擔心這個問題, 所以好矛盾!!!

杰杰媽媽

其實到佢地返中學定左, 就差唔多日日都5-6PM先放學,應該都唔早得你幾多返到屋企。(又學會又練習,一陣又要整BOARD)  

如果怕佢唔識坐車咪搵D一出MTR就到既學校lor.

dlh525

多謝大家留言!
請各位媽媽再提供多些意見及經驗給我, 謝謝!!

Meikin

不要擔心, 孩子升中後多接觸新事物, 會speed up成長.

我最初都擔心佢返學放學午餐等問題, 但發覺只要放手讓他試, 一兩次就上手, 有時放學工人姐姐已外出接細弟放學, 大仔都是自己返屋企, 自己做功課, 當然佢要定時報到啦.

況且中學放學後有時要留校活動, 我個仔跨區就讀, 放學後回家早則5:30, 晚則8:00, 獨留在家的時間不多.

dlh525

回復 Meikin 的帖子

謝謝你的回覆!

C6最擔心的問題就是冇人看管, 太自由自在就容易學壞!!

Yanamami

保持溝通la....去邊度做乜野幾時番, 都可以短訊等通知你. 話佢知你知佢大個仔, 但你需要時間適應, 希望佢俾到安全感你, 令你放心. 小朋友會同你合作. 有交帶就好.

其實趁而家P4仲听你話, 唔似青春期d細路, 你大可以洗定腦(唔好放學三五成群周圍逛/ 唔好掛住儲$唔食lunch.....etc), 同佢約法三章講明自已底線先, 免卻升中後好多磨擦.

ohnono

dlh525 發表於 12-10-5 12:06
回復 Meikin 的帖子

謝謝你的回覆!

太自由的確容易學壞，你先生的擔憂不無道理。但繼續留在區內就讀，繼續依賴親戚也不見得法。

最緊要揀一間喜歡的學校，因為小朋友要在這裡六年，這裡的同學和環境就會影響佢地最深。比少少空間佢地，大家都會生活得開心。

Meikin

回復 dlh525 的帖子

Keep住用電話保持聯絡, 要俾佢知你的出發點是關心, 不是監控; 解釋俾佢知你信佢, 但亦擔心佢, 所以得閒致電講兩句.

我和老公都要返工, 雖然家中有工人姐姐, 但我自小也是以這個方法 "睇"住佢哋.  即使而家阿仔中二, 佢返到學校 (在學校門前熄手機前)打來報到, 放學後又打來, 所以我大約估計到佢的行蹤和交通時間, 我也定時致電回家, 看看他回家未, 或在家做緊功課未, 有時也閒聊兩句, 問吓佢今日學校點, 多唔多野做.........而佢哋想睇電視, 想開機用電腦做功課也要打電話俾我問淮先, 聽落都好監控, 但自小也是如此, 佢哋暫時都好受喎,

我俾佢哋知道要父母相信佢哋, 要有自由之餘, 也要自律和遵守父母訂下的規矩.  等佢開始上軌, 我亦慢慢放手.

Meikin

回復 hw1115 的帖子

我都打算明年年尾等細仔升中後, 就不再和工人姐姐續約, 放工後自己做番屋企D野, 亦訓練阿仔倆自己幫手做番D簡單家務 (e.g.洗碗, 收衫, 燙衫), 到時我應該可以減到肥咯.

hw1115

Meikin 發表於 12-10-5 13:13
回復 dlh525 的帖子

Keep住用電話保持聯絡, 要俾佢知你的出發點是關心, 不是監控; 解釋俾佢知你信佢, 但亦 ...

唉! 我學校唔可以帶電話, 就幾煩.

hw1115

Meikin 發表於 12-10-5 13:23
回復 hw1115 的帖子

我都打算明年年尾等細仔升中後, 就不再和工人姐姐續約, 放工後自己做番屋企D野, 亦訓 ...

唉! 我由阿仔P.3 開始沒有請工人啦!
但是個肚腩愈來愈大, 就生得添啦!

Meikin

回復 hw1115 的帖子

咁嚴, 連帶都唔俾?  咁咪好易失去聯絡, 放學唔返屋企去咗邊都唔知?

阿仔學校俾帶, 但早上打鐘前要熄機, 直至放學.  若期間被發現取機出來看 或 手機響, 就會被沒收手機, 要家長親身前來領取.  所以佢未到學校就熄定手機.

hw1115

Why?是壓力太大狂吃乎?
>>>>>>>>> 一個字 "懶". (Not to do housework & exercise)

csy_ma

我係full time mum，囡囡初上中一。佢放學返黎都係自己顧自己，到中學，唔通仲檢查館本手冊同功課？咁唔係辦法喎？
我響屋企都唔見得管到。佢有時都會玩遊戲，但係功課堆了，就知死。細路，有時就要畀佢地試下誤入歧途既後果，等佢知驚。
不過，最重要既係，響選校同安排既整個過程，小朋友都有份參與，咁佢有咗自尊感，遇到困難就會想辦法一齊去解決，冇咁易放棄。

hw1115

Meikin 發表於 12-10-5 13:41
回復 hw1115 的帖子

咁嚴, 連帶都唔俾?  咁咪好易失去聯絡, 放學唔返屋企去咗邊都唔知?

咁咪好易失去聯絡, 放學唔返屋企去咗邊都唔知? >>>>>>>>> 咁我又唔擔心 WOR.
只係有時Daddy 想接佢就麻煩一點囉.

杰杰媽媽

我仔放學一定要佢開電話，打俾我。返到屋企又打一個電話俾我，我隔1-2 hr.就打一次返屋企問下佢做緊咩（口頭就問下佢累就休息下，但實則睇下佢有冇打機）

小學時已經開始咁做，完全冇問題。
我同我仔關係都算幾好，佢間中都講佢學校既野我知。

dlh525

好多謝各位MAMA的寶貴意見.  
我都會過濾一下看如何令小朋友明白要有自由就需要明白遊戲規則!  反而係我C6比較固執, 佢係最需要時間個個!!   
但我個個是女孩子, 請問有冇一些媽媽的情況像我?  你們如何安排呢??