真能入到DGJS, 又有何要準備?

momochiu

各位有2次面試機會的家長, 除了因DGJS欣賞閣下千金而興奮外, 其實又有沒有想過以下問題?
--學費除了所知的每月$5100, 還有嗎?--p.1會否很谷? 是否已經要學p.2或p.3的課程? 孩子能適應程度的轉變嗎?
--課程的功課是否project base? p.1孩子是否又能自己完成? 家長又有沒有時間和精力去陪跑?

cy664

你考倒先諗啦，未考先驚，又點會做得好呀！
DGJS正係要收一D有自信有能力肯受挑戰及考驗及永不放棄的女及家長！
如果你係依個type的人，你就會考倒！

edea

原帖由 momochiu 於 12-10-25 發表
各位有2次面試機會的家長, 除了因DGJS欣賞閣下千金而興奮外, 其實又有沒有想過以下問題?
--學費除了所知的 ...

如果P1已經學到P2P3既學校，不讀也罷

Mukchilee

P1—P3中文數學大约比其他學校程度高一年左右, 英文比較強, 超過一半P3同學有能力閱讀哈利波特英文版
P4開始比較難捱,乜鬼都深晒，家長要付出比較多時間

momochiu

我唔係未考先驚, 小女已有一個MCS在手,只是覺得各位家長在興奮之餘會否先想一想自己的小朋友的實力可否應付到DGJS所帶來排山倒海的質與量?
名氣當然很引人, 但小朋友不是個個可應付到深一年的課程, 被打擊自信和學習興趣就唔好。  

marcoli8

咁快已有MCS在手！

momochiu

很多謝Mukchilee的寶貴資料!
說實在的, 如真的收咗, 讀唔讀到是很重要的問題! 我覺得家長有責任一早想清楚,而唔係一味只考慮到名氣。
我希望小女能一直在一間能力可以輕易應付的學校。
已有一個大女, DGJS又咁勁, 很怕到時自己辛苦, 個小朋友又辛苦。
再想請問Mukchilee: P.1 是否已開始谷? 功課是否project base?
Thank you so much

Mukchilee

至於谷唔谷就應該咁講,學校只係不斷做評估，即係大量微型測驗, 每次只佔全年嘅少少分數, 搞到家長好唔得閒·
我諗學校原意係令到學生恒常温習而唔好臨急抱佛腳,不過呢一代同上一代唔同,怪獸家長虎爸媽一大堆, 搞到你唔落手落腳幫埋一份都唔得,剩靠小朋友自己温習始終唔夠，所以我覺得主要唔係學校谷，而係家長自己谷o

另外, 功課很傳統, project 比例在P1至P3佔很细

sampapa

原帖由 momochiu 於 12-10-26 發表
很多謝Mukchilee的寶貴資料!
說實在的, 如真的收咗, 讀唔讀到是很重要的問題! 我覺得家 ...

主要是家長想想便知道了。
壹線名校，中等生，每天互相角力或補課，減少親子関係。
換回來是名聲和將來的人際網絡，苦了孩子。
當然有能力和實力的孩子和家長除外。
我只知勉強無幸福，不用每天為分數而互相追逐。

momama

我阿女冇考過DGS，但我相信入得去嘅唔係全部都咁勁，所以非常同意及感謝樓主嘅善意。唔計學費程度，我都經常提醒d媽咪要留意接送嘅問題。用盡成家人嘅資源係好難長時間堅持。

Mayandrew

The world is really dynamic and perhaps it is true the new generation is facing much higher challenge than our age. When we look around the alumni of those (so-called) first tier schools, we do see only 10-20% are really exceptional strong in terms of career achievement. Interesting but true that many alumni of these schools are not sending their kids to their mother schools (but equally true that some of their kids could not even get into 2nd round interview :) Enjoy the application process!

CoffeeCake

我有一友人曾是DGS TOP GIRL，而家當然事業不錯 ＜－－－佢正正係用實力爭取到唔洗在校內做隱形人果種，但當然過程難捱！
她有勸過我不要為虛榮心送女兒入去（看穿我女兒唔谷得，我又懶送佢過海）
但我有報，只純為日後對女兒有個交待。
其實佢入唔到圍我還好辦事，入左我同佢一定關係破裂！

momochiu

Mukchilee, 很多謝你的無私分享, 因為BK真的太多家長 收信報喜, 但很少有人提在校內的實戰情況!
那些微型測驗是否指根據日常功課而出的呢?還是未教就測?有些人說老師上課時只粗略教吓, 要依靠家長在家惡補, 有這情況嗎?
本人覺得每個家長都希望小朋友一方面可入到頂尖名校, 但另一方面又奢望佢地能有一個快樂童年, 如果家長一味只望名氣選校, 不深入了解自己子女的程度是否可以跟上, 萬一到時收了, 但家長和子女卻陷入長期互相折磨的景況, 又可必呢?

marcuscyrus

我路過，我的全是仔，其實唔關我事，不過我覺得如樓主女兒已經有mcs 在手(confirm 下先，是maryknoll convent吧?)也去考dgjs，應該都真的很心儀，如收了就去試試吧，另外，妹妹有否表達想跟姐姐一起上學?我覺得也要顧及她的意願

momochiu

小朋友唔識選擇, 亦唔會考慮深淺程度問題, 所以我不會以她的作指標, 只會以她的個人實際能力作考慮因素。
MCS(Maryknoll.C.S)是一間很好的學校, 但程度可能不太合適我個女, 但女拔我未了解清楚, 又怕會太深, 要求太高(比如說, P.1已能自己寫一篇完整文章)家長和小孩都會追到人唔似人!
小一對一個人仔來說, 意義很大,亦影響他日他們對讀書的態度。
考女拔除了是給小女一個能力的肯定外,是想她多些選擇和美好回憶

momochiu

不過程度深淺問題, 有時都可能係我自我淘醉, 只是自己主觀覺得佢得也不一定, 所以都等天父決定

A-Mum

Momochiu, I borrowed DGJS HW and test papers from my friends to have a general idea before I decided. Any friends can help you?

momochiu

No, not at all. 所以只能在BK問, 如果可以的話, 希望A-Mum可以在消化內容後在這平台公開分享一下, 等大家心中有個底, 唔會害咗個女, 又唔會浪費人才, 拜託,拜託

dwkw333

其實你不如想想你女兒是否適合就讀於傳統學校,間間差不多的。如與姐姐返同一閒學校,接送、考試、放假等都易就D。

LingYiYi

我認識在dgjs就讀的女孩今年都只是小二，未有很多參考資料可以分享，過往一年，功課不算很多，節日相約一齊玩每次都可以出席，除非有其他朋友聚會。不過，需要大量閱讀，書的種類很廣泛，誇張講句上至天文下地理都有。亦有很多quiz,　小朋友有時返學時都會有些擔心當日會有quiz,　但小朋友都是很bright很好學那類型，所以都好用心學習。
我相信入讀前一定要有良好閱讀習慣。