F4 學生係唔係要比自由度呢?

Ahling2004

個仔升上F4後多左好多要求及自由.
例如: 想出街同的同學溫書. 有時男男女女, 有時單女........
          唔會即時交待會幾時回家, 只係話適當會通知.......
           成日話, 你唔好成日提我啦, 我會知架啦. ........

係唔係真係當自已成個大人咁, 我真係唔明.....

cy101

ok 都要開始俾自由佢, 出去溫書ok, 但幾時返, 呢點我會堅持!!!!

瑄婷

嘩!F4你仲想困住佢？

Meikin

我記得以前有些同學都鍾意約埋一齊温書, 當然你預咗唔係全部時間用來温習, 否則留在屋企温都得啦.

F4大個仔都應該有自己的空間和自由.
若果是我, 我會俾阿仔去, 但要約法三章, 要求佢交待同邊個去, 去邊度, 及大約行程和回家時間, 也要限定外出次數, 同時跟佢講明若發覺外出(温習)後成績/行為大倒退, then自由度就要收緊了.

Meikin

我而家發覺原來生兩個小孩在某程度上也有好處, 尤其是當阿仔日漸長大, 有時跟佢話題都冇咁多, 但屋企多個細佬, 佢哋多D交流, 我們父母也可以加入傾吓.

好多只生一個孩子(尤其是仔)的同事, 他們都說中學的孩子已不願跟他們去街去旅行了, 阿仔多愛外出約同輩朋友玩, 啱feel D喎.

Ahling2004

生一個真係太少了. 我都好後悔當初唔跟住生多個. 依家個仔已15了, 我地又老唔的哂(40), 佢唔同你傾計時,屋企有時真係好靜架.
佢要出去同朋友玩都係正常. 佢每次出去都會同我講同邊個朋友/同學出去, 去邊, 做咩,約幾時回. 不過睇的出係好是但講, 回來時間次次都遲.  
但有時問: 咁總想點?

Meikin

回復 Ahling2004 的帖子

男仔好多都係咁, 做事冇女仔咁細心, 佢哋一有得玩就全情投入, 唔會睇住時間, 又或者佢D friends都未走, 自己好似唔係咁好意思話走先.  我大仔幾次去同學屋企玩, 都是要我用"追魂call"追佢番來的.

你個仔肯話你知佢同邊個去玩, 去邊度玩都已經唔錯了.  若事後佢肯講肯分享吓佢和佢朋友的事, 你一定要聽, (以佢哋後生仔的心態)投入傾吓, 一來可以keep住親子關係, 二來可以知道佢交了那類朋友.  對於獨生子女來說, 朋友如兄弟, 朋輩的影響可以很大㗎.

matthewl

F4才到這個問題，哈哈，不知是還是不好

Ahling2004

有, 我每次都有聽佢講事後感, 佢講的興奮時, 我都由佢講, 講到佢自已收為止.
以前的人話, 女人心海底針. 依家男仔都係咁.  佢唔出聲真係唔知佢想點, 不過真係沒開HILL, 總係好BB思想. 自視過高,又無實際的行動.  比佢激死了.

Meikin

咪以為佢哋有番咁上下係大個仔, 有陣時都要當佢哋BB咁氹吓, 等於老公成4x歲人, 好多時都要氹.  都係個女好D........

142526

生兩個對小朋友的教養真係好d架,我阿仔真係好驕縱架,

netdordor

其實, 將心比己, 可能我地以前都希望父母給多些自由, 所以有時候同他們相處, 就要回到舊陣時.

Meikin

我都覺得而家父母過份關注小朋友, 我有時也不自覺地這樣做.

回想自己中學時, 都是自己做自己野, 父母不會問你功課做成點, 考試考成點.....總之自己攪掂就可以, 到派成績表父母先會出聲.  相對而家的孩子, 他們的自由度真的少了很多, 而壓力則大了很多.

Chau444

年代已經不同了, 我們一代兄弟姐妹平常都有四個以上, 照顧生活起居後, 都未必有能力心思關心那麼多! 現在我們多數只生育一個起, 兩個止, 而且經濟已轉為智識型經濟模式, 豈容我們不緊張呢!

小朋友當然要給予適當的自由, 但也跟他是否自律, 小朋友的行為是否值得信任有關. 記錄及朋輩品行良好, 自然可給予較大的自由度, 反之, 他們爭取的自由, 只是美其名, 實則是叫家長不要管束吧了!

smallfoothk

路過,個仔仔可早點放手,眼見很多長大結婚後,變成了老婆奴,

Meikin

小時阿媽管, 拍拖後女朋友管, 結婚後老婆管......真慘!