家長們放鬆點啦

albb

你地想好似自己細個讀小一咁樣少默書少測驗一年次考試?

成日見到家長又呻又投訴多默書多測驗, 咁你地點解會揀你咁多怨言的小學比個小朋友呢? 搞到自己同個小朋友都辛苦, 我仔都係讀小一, 功課唔多3~5樣(大部份學校完成), 其他班別既家長就話好多,  但差唔多日日都梗有默書或小測, 近月仲加埋正測, 考試又仲就快到, 你話自己無壓力就假既, 不過小朋友咁細, 佢地都唔知咩事, 壓力多數來自老師和家長.

我個人就覺得如果揀得比自己小朋友讀呢間, 唔多唔少都要知道學校既辦學模式架啦, (簡單D講既係自己揀既, 無得好怨囉), 如果在成績表內所估的分數比例不多, 其實多默書同測驗, 可以令自己和小朋友知道自己邊科唔掂, 又可以溫故知新,  總好過1~2次測驗考試就要定生死啦.


而家先小一, 咁快就驚(皇)失措, 咁點長期作戰呢? 就算比你科科100分, 咁點呢? 如果稍一失手, 跌分數, 個家長又會發狂咁, 大人返工都識蛇下抖下氣, 咁小朋友呢?

我個仔默書, 分數高我無讚佢, 係佢面前無特別開心(其實不知幾開心),  到測驗分數低時, 我反而家話, 測驗寫字靚過你平時做功課好多倍喎, 跟住就大家一齊笑, 我見佢真係開心咁笑架, 然後就話測咁多張紙, 你都識好多喎, 佢又微微地笑, 好似唔好意思或唔慣咁樣被我讚, 因為係學科分數上我真係好少讚佢, 最後仲話, 之前用心努力過就得架啦, 媽咪細個讀小一都無咁多咁深既試題, 你真係好叻喇.

個仔如果科科都真係90幾100分, 我真係會對佢有好高期望囉, 我唔係對佢無要求, 而係要量佢能力而為, 暫時比上不足, 比下有餘, 我已經好滿足架啦 .


不喜勿插

karenmummy

:loveliness:Agree

manwaimail

同意， 唔好因為考試成績， 握殺左佢地應有的童年。

適當緊張係要有， 但過份左， 會好影響家庭和睦。

mietwins

Hard work,hard play!知識係累積嘅!打好根基係一定的!但父母一定知道仔女嘅級數去到邊到，然後再後面推一推，人才有進步!

maylomaylo

heidi0653

Agreed 絕對同意！

momama

早日阿女話:想快d考試，要挑戰自己！阿爸答:你想挑戰零雞蛋呀？

放輕鬆d！

smallfoothk

回復 momama 的帖子

拿零雞蛋很容易,老師改得快,但要見家長

bb86

agree

esmehouse

picture

Hi albb,

I completely agree with you.  I am not sure about you but for me my goal and direction for education planning for my children is simply to nurture their interests to the fullest and encourage them to improve on areas they are lacking behind.

I would most certainly avoid using drilling i guess with the exception of learning chinese characters la

mandy304

回復 albb 的帖子


請大家用心分識, 請不要人云亦云.


唔知大家有無留意到.  學校一星期總有一至兩次小測或默書, 我覺得是件好事.

第一. 通常每教完一至兩課. 老師來一個小測. 目的希望你們及家長認真了解課文內容, 如唔test. 家 長及小朋友是不會花時間認真詳細地閱讀, 故此, 盡早知道小朋友有不明白地方, 及早跟進是件好事.

第二, 若果老師教到十課八課時, 才有一次小測, 問題就出現了.   一來要一次過温晒十課, 我想我會嘔血.  因為唔明白的地方經已累積了一段時間, 部份也被遺忘了.   試想想, 消化文章內容都需要時間.

第三, 因為小測多, 每次範圍只係集中在一至兩課為主. 出卷問題可以更集中, 更深入探討每課要點.  無疑對課本有更深的認識.


第四, 每次測範圍少, 容易掌握, 更易達到好成績. 增加小朋友的自信.


斬件式的小測及默書, 我覺得無形減輕了小朋友及家長的負擔. 也能就每次一兩課輕鬆學習.  何樂而不為呢 ?

JJDBB

回復 mietwins 的帖子

好讚成玩時盡情去玩，上課時要專心，溫習時要努力，做什麼事都要盡力！這也是我老公常常對小朋友講的說話。

某程度上會比小朋友跌一跌，讓他好自己調節一下自己，繼續努力！

clching117

小一生要用幾多時間適應,

他們已沒有了那份童真.

albb

回復 mandy304 的帖子

Agree