報面試班真的有用嗎?

kikigloria

小兒今年K2, 本人對於選校方面已感到很煩惱了, 直資 / 私校?  還是大抽獎?
方間的面試班都標榜能升到心儀學校, 學費起碼要過萬, 真的有作用嗎? 請各位指教!

傑西

回復 kikigloria 的帖子

我女沒有上面試班, 只找老師個別訓練講故事, 因好多學校都考講故事, 亞女都有好多間收

universe2012

自己培育效果更好！

DwarfMaMa

唔用面試班，但要選定心儀小學，上網check下佢嘅面試題目，然後續一讓孩子試做。
例如，看圖講故事，聽故事答問題，數學推理題，常識，中英數題目，我囡曾經講話考普通話題添，兩幅圖畫找不同，網上亦有面試通常見的100題，download落黎問下小孩友睇下佢點答。
畫創意畫(e.g.即畫紙上有個三角形,
小朋友要利用這個3角形加點創作，完成圓畫。)
網上資訊應有盡有，K2暑假便開始教，到K3面試時應能應付。
希望幫到你！

DwarfMaMa

現在網上已充滿了今年面試題目，你做點資料搜集，便可每天15分鐘，幫孩子腦部添補品。
當每天有點不同的親子課題！

Parisienne

好難講。
睇你想入邊種名校？小朋友什麼性格？平時有無時間身教？只是簡單想給小朋友見多d人，習慣面試模式？還是催谷型十項全能的面試班？

中肯d講，如果面試班呃人，第二年都應該執笠。仍有人報，即代表對某類型孩子起到作用。所以我覺得，如果報，就要睇口碑同戰績。

但長遠d諗，孩子真正性格先最重要。
就算比你參加面試班技術取勝，入了學都未必等如好事。
只有自己先最清楚仔囡真正性格，和家庭backup。

利益申報，我囡無面試班無獎無特異功能，但仍有多間offer及2nd in，相信原因唔係佢特別叻，而係配對成功。

maniris

我無，但小女已有兩個offer

悠揚

面試班係捉中家長害怕的心態, 讀左心安d, 咪報囉.

DwarfMaMa

我都無幫囡囡報，自己教咖，囡囡只有一個reject, 其餘的全中/2nd&3rd in左等result!!!

windyan

個人意見就覺得作用不大, 常識問答, 自己同佢train都OK, 如果想考名校, 反而上學術班加強訓練下中,英,數

Joechengck

個人覺得上面試班會有反效果，因為會令小朋友記住一大堆Q&As，若然係問一D 與Q&As有關嘅問題，小朋友當然懂得回答，但係如果條問題係冇學過的話，我相信小朋友會好驚，可能會唔識得回答，效果可能比冇上面試班的學生更差！

其實我都幾認同DwarfMaMa的意見，即係倒不如妳用多點時問去策劃/預備一D面試會考嘅題目去教囝囝。

我係過來人，兩年前我囝囝考小學嘅時候，我係用非常多嘅時間去預備同教佢，我由囝囝K1開始就訓練佢反應同對答，同時會訓練佢同多D陌生人講話，係講話嘅過程之中，學識應有嘅禮貌同有能力去作一D新話題同陌生人講話，這樣會令小朋友自小就不抗拒同陌生人講話。

除此之外，不同嘅小學有着不同種類嘅問題，例如DBS與SPCCPS，妳應該去教囝囝一D例如”玩遊戲時嘅禮儀，看圖講/作故事，聽故事答問題，兩幅圖畫找不同等等，” 係表達技巧同解難能力嘅要求相當高，反而冇乜考學術嘅問題。

但係，如果想考SFA, TSL, KTS, RC, APS，妳就需要在學術多加注意，佢哋會考一D例如簡單嘅加減數，英語題，英文單字，同一D趣味性嘅推理題，我就記這幾間沒有考普通話。

而YW，妳一樣需要在學術方面多加注意，但係妳還需要訓練囝囝嘅記憶力，特別是遠程記憶，因為校長會詳細地問返幾個月前考過嘅細節。佢嘅要求比上面五間更高。

當年我囝囝有這八間的offer，其它唔收我囝囝嘅學校我就不便比意見！

我個人應為自己教可以去考慮每個細節，比上面試班更好！

kennisgf

如果當學野是好的, 最初時會係教基本的知識, 到9月份左右才正式模擬面試, 不是外間傳的 "硬性" 答案, 而是要小朋友去思考, 如果都答不到, 是要家長去配合的! 但, 如果小朋友性格的問題, 就未必可以改到, 尤其是 "害羞" 的一類! 但, 請您記著, 面試班只是幫一把而已, 最終學校都同時關注成績, 有公開試的証書會較著數!

awowo

對我小朋友來講就幫助好大啦！我上了兩個面試班！第一個好廢，第二個好好！每堂會比家長觀課15min,可知道小朋友（compared with others)的優點及缺點，加以改善！我初初都無打算報！但k2班主任話小朋友較慢熱！結果報了上面試班！so far,都有好幾間offer及2nd interview !最終個句，你可以問下班主任意見！

paklong118

回復 awowo 的帖子

可以pm我面試的資料嗎？謝謝！

carbeing

My daugher hasn't attended any interview course, she got GH and St Johannes' offer and is waiting for DGS 2nd interview result.  I do agree that it should be parents to help kids develop.

enquire

沒有上過, 但學校自己本身有; 最後有幾個OFFER

DwarfMaMa

My daughter told me that in SFA 2nd interview, she was asked to speak Putonghua. (one sentence, I forgot the details, something like |哥哥和妹妹在?? 踢球")
我們不是普通話專才, 起初爸爸還說.. 什麼?? 做體操, 孩子更正我們, 是"踢球", 不是體操.

& we are accepted by SFA.

smartcash

我覺得如小朋友慢熱同驚青類就有幫助, 如小朋友主動健談就唔需要啦

DwarfMaMa

我囡都係慢熱，你問一句，佢答一至兩隻字，於是，帶孩子多上街，跟陌生人對答！
從中學習與人溝通！