「有教無類、因材施教。」

Jen123

不知不覺在這裡討論已有多個月，總結而言，各有不同背景、不同經歷，有人手持多間取錄，有人手上一間也沒有，報考之前，無為女兒做好面試準備，現在，心情焦急起來，耐性亦已經失去。其實，教育本身目的係乜？是不是只求書本知識，以便日後考取優異成績，進入大學！還是，培養一個良好、健全人格以面對日益複雜、多變的社會呢？在這裡認識了一些志同道合的人，她們各有不同的故事，部分願意真心分享各自的經歷，客觀有用；對於一個已經離開校園十多年，又不是從事教育工作的我而言，確實十分有用。尤其是既要工作，又要照顧女兒，一身兼幾職，實在心力交碎，有時真的不能自己。因此，偶然在討論區見到一些意見不同、甚或立場相反的人，居然軒起罵戰來，實在可笑。人們在問？誰最有資格批評誰呢？我個人認為！實在，誰也沒有資格批評誰！因為，這裡不是學校，我們不是老師，也不是學生。無論小朋友來自什麼樣的家庭？家境富裕、貧窮，父母職業是醫生、律師；或是售貨員、清潔工人，不論高、低，也一樣享有 9 年免費教育吧！這是教育政策，全部香港人也能夠受惠。我明白一個社會的建立，需要眾多不同的元素，或許，任何崗位都需要有人工作，社會才能有效運作。今天，十分感慨！因為，確實現行的小學教育，將小學分為私小、直小、津小、官小四大類。似乎一開始就將小朋友分開了 4 批不同的人。近年，部分傳統名校亦有走向直資、私立的路，大家的競爭是否將會更大呢？加上，政府估計的 17 萬雙非兒童，大家的矛盾是否只會更深呢？5 年前，因為小朋友的出世，第一次感受孕婦床位、醫療問題；今天，又要徬徨升小問題，甚至可能因此需要搬遷，改變生活環境！究竟為什麼會這樣？自己小時候，有書讀就已經十分開心，同學之間沒有什麼比較，哪怕是大家也是百無的人，所以，無需比較。現在，哪怕是走入校園準備排隊面試一刻，大家就已經互相打量、互相估計。互相評估大家來自什麼神級幼稚園？自己子女的機會。哈哈！實在，自己曾經接受高上教育，反而不明白小學只是人生一個細小的階段，將這個階段看得過大了，可是，考不進良好的小學，沒有強勁的學問根基，又如何應付中學呢？在這個教育這麼普及，到處都是擁有大學學歷的人，沒有學歷，如何在現實的社會生存呢？難道要好像一些青年哪樣，18 歲就走去排公屋、拿綜援嗎？所以，這說明為什麼在這個初始的階段，大家的競爭和討論就這麼敵意和激烈！因為，彼此都十分明白，小學的階段十分十分重要。大家都各自為自己的下一代忘記了一些過去我們曾經在學校裏學習過的禮貌、尊重、體諒和包容！

cautionchan

讚！真的不知道點解會有罵戰！其實各方家長細心閱讀，了解，我始終相信，正確的觀念終究有人明白，多講歪理都不會成事實！

cautionchan

不過沒有大學學歷不是什麼大不了的事，有就當然好，也不用標孅他們！大家家長只是努力去迖標！

Jen123

dannyyau302

自問千禧年後，幾多人還會相信這道理

hktbaby

當最近看到報章上說某位會考全蛋抄家，數年內已過千萬身家, 又再回看以往身邊某些讀書唔叻的同學仔, 現在都發左達 (最少過千萬身家).  

長大後, 發覺看來把握機會+一點運氣, 似乎比讀書叻重要得多.
讀書叻可能只是保護到一份平穩的工作吧了 (除了讀書最 TOP的一群）

mickfan

cowboy2007

原帖由 hktbaby 於 13-01-07 發表
本帖最後由 hktbaby 於 13-1-7 18:18 編輯

當最近看到報章上說某位會考全蛋抄家，數年內已過千萬身家,  ...

把握機會+一點運氣, 比讀書叻重要得多.

dlee_ca

原帖由 hktbaby 於 13-01-07 發表
本帖最後由 hktbaby 於 13-1-7 18:18 編輯

當最近看到報章上說某位會考全蛋抄家，數年內已過千萬身家,  ...

美國QE下, 過千萬，不算是發達。

elizatyy

做生意才會發、進取啲

xxariesxx

樓主，無準備考小學，無獎無cert唔等如輸定了。始終覺得，大多數學校唔係要18般武藝，是希望可以收到能自理自律有禮貌及正常iq的學生，唔識加減乘除唔緊要，最緊要唔好收到怪異家長，例如五六歲仲cut碎食物俾佢轉頭又怨學校教唔好個仔講嘢唔清既問題囉。

sukitelfold

原帖由 dlee_ca 於 13-01-07 發表
美國QE下, 過千萬，不算是發達。

有見地，資產上升造就很多千萬富翁，當美國停止印鈔、日本退巿，那資產泡沫爆破，富貴浮雲便已成過去，但知識是無人可搶走你的。

little_yolky

xxariesxx 發表於 13-1-7 22:10
樓主，無準備考小學，無獎無cert唔等如輸定了。始終覺得，大多數學校唔係要18般武藝，是希望可以收到能自理 ...

係, 就係呢個問題前兩日同C6嘈交, 囡囡已經5歲, 仲成日怕死驚鯁骨, 連豬骨湯都唔敢飲。C6就同佢講, 再咁怕死, 以後就乜都唔准食, 剩係食粥。我就話, 應該要日日吃有骨的食物, 要佢習慣lue骨, 唔可以逃避, 這是學習態度的問題。C6就係慈父多敗兒, 依家仲日日幫佢換校服, 提佢做功課。

xxariesxx

原帖由 little_yolky 於 13-01-08 發表
係, 就係呢個問題前兩日同C6嘈交, 囡囡已經5歲, 仲成日怕死驚鯁骨, 連豬骨湯都唔敢飲。C6就同佢講, 再咁怕 ...

同你c6講，我女兩歲識吐魚骨，識食燒鵝切雞點樣只咬d肉。兩歲後未用過較剪cut食物。兩歲半識自己著褲著衫拉拉摙著鞋。我女都係剛過5歲

四隻貓

sukitelfold 發表於 13-1-7 22:16

富貴浮雲便已成過去，但知識是無人可搶走你的。



對極了.知識是自己的.
難道學學問是為了搵大錢???
有不少沒有大學畢業的人也能搵大錢,
搵錢同讀書係兩件事來的.

四隻貓

xxariesxx 發表於 13-1-7 22:10
樓主，無準備考小學，無獎無cert唔等如輸定了。始終覺得，大多數學校唔係要18般武藝，是希望可以收到能自理 ...

學校其實最怕收果d被縱慣了的公主王子, 也很怕那些大條道理下下喜歡投訴同埋怨的家長.
我見到不少朋友的孩子無獎無cert, 個人履歷表都無做, 一樣有幾間熱門直資收左.

話時話, 除左有五六歲仲需要cut碎食物, 仲有d五歲仲用奶樽飲晚安奶, 個奶樽仲要用蒸汽消毒,有d 四五歲仲係要著夜片.

xxariesxx

原帖由 四隻貓 於 13-01-08 發表
學校其實最怕收果d被縱慣了的公主王子, 也很怕那些大條道理下下喜歡投訴同埋怨的家長.
我見到不少朋友的孩 ...

無錯，成日見人討論話唔明收生準則，明明乜都識做點解唔收，其實有機會學校多左選擇梗係想揀d易招呼架啦。不過咁講又會有人話in果十幾分鐘又點會知?其實負責in既老師好有經驗，十分鐘已睇到真性情。

四隻貓

xxariesxx 發表於 13-1-8 11:41
無錯，成日見人討論話唔明收生準則，明明乜都識做點解唔收，其實有機會學校多左選擇梗係想揀d易招呼架啦。 ...

我師奶一個, 有時同其他師奶傾兩句都已經知對方大約係咩類型既人.
何況d老師日日見0甘多學生同家長, 傾幾句已經知道對方係咩類型啦.
公主王子類果d小朋友更加逃唔過老師同校長雙眼, 識答晒問題, 學術好好都唔收, 總有原因既. 不過如果將學校唔收既原因推想成係學校只喜歡收大仔, 有錢人,名幼.....家長個心可能會自我感覺良好d, 都可以係好事0黎既.

ngokwan

原帖由 四隻貓 於 13-01-08 發表
學校其實最怕收果d被縱慣了的公主王子, 也很怕那些大條道理下下喜歡投訴同埋怨的家長.
我見到不少朋友的孩 ...

我識一個小朋友，4歲半，識3位數加法，英文考了XX試，但。。。夜晚仲用奶瓶飲奶，仲要餵飯。
我回望我個囡，雖然未識3位加法，亦冇去考XX試，但至少1歲半介片，2歲連夜片都介，2歲自行食，2歲半介奶瓶。