戒奶嘅意外收穫

jjcow

係仔仔兩歲確診後，我參考咗生物療法嘅資料，決定立即戒奶（只係戒咗食藥咁食個支，無完全戒絕奶製品，但也不常吃）。也好在仔仔當時已不太飲奶，好鍾意食固體，所以可以即戒。

早兩日同醫生傾開，我問奶係咪真係咁毒？我當時一戒咗，阿仔啲反應即刻返嚟。不過醫生話可能咁啱得咁蹺。

姑勿論點都好，阿仔戒奶後，到依家四歲，但望落仍然好似三歲，比普通小朋友奀廋，又矮，三歲時仍然好似大BB 咁，依家四歲好少少。外人覺得我兩公婆都唔算矮，何解個仔咁細粒，我都估係因為無食奶粉嘅緣故。

不過雖然係咁，但卻帶俾我三個意外收穫：

一，佢細粒，佢最難搞嘅時期，我好容易便能夠捉得實佢，用強硬嘅手法迫使佢冷靜，迫佢面對現實。漸漸佢啲固執野都越嚟越易搞。

二，佢進步好快，我覺得有番個仔，雖然之前錯過咗好多 BB 時期嘅溫馨時刻，但因為佢細粒，仲有個 B 樣，我成日當番佢 BB 個陣咁攬抱錫，補償番以前曾經失去嘅關係和感覺。

三，我唔駛愁撲奶粉。佢係細粒啲，但好健康，不常病，所以差唔多上足堂咁滯，無影響訓練。

忽然有感而發，多謝收看

Vichang

我都想幫個囝介奶，佢下個月兩歲，有諗過飲下荳奶或杏仁糊。好懶去實行，因為太多嘢要幫佢改善.....

myson727

回復 jjcow 的帖子



〝不過醫生話可能咁啱得咁蹺。〞
其實，要試真系咁啱得咁蹺好易姐，戒清100%兩至三個月後，比番少少佢食，即刻打回原形，米知有無用。

建議同時戒小麥，因小麥會刺激條腸，影響小朋友營養吸收。

Joba

我囝囝出世吾足4磅早產，滿兩歲就戒奶，而家咪有係全班最高果個。只要三餐均衡，睡眠充足，吾覺得要奶作補充。

myson727

麵包、意粉、麵條、麵粉、pizza、大部份醬油等等

au2109

戒奶真糸會有用?
我B女就黎4歲都未識講野
佢一日都飲2枝奶有冇關?

chynnamama

生物療法係咩 ? 我個 係 a 仔 ? 同飲 milk 有 關 ? milk 同 高度有關 ?

jjcow

chynnamama 發表於 13-5-8 02:18
生物療法係咩 ? 我個 係 a 仔 ? 同飲 milk 有 關 ? milk 同 高度有關 ?

其實我都唔知，但感覺有食奶個啲大隻啲...
生物療法好複雜，呢度都有會員行緊呢條路，我只取其皮毛... 你可以係度開個 Post 問下，或者上網 search。

jjcow

au2109 發表於 13-5-4 18:45
戒奶真糸會有用?
我B女就黎4歲都未識講野
佢一日都飲2枝奶有冇關?

其實都 4 歲，正常小朋友都建議從一般飲食吸取營養。你可以試下，反正唔飲奶又唔會有大問題。不過聽好多媽咪講，戒咗奶真係無咁遊魂。

myson727

回復 chynnamama 的帖子


FYI

http://www.autism.hk/biomed/food-allergy.htm

bauhiniakan2000

我这個爸爸和你感覺一樣
一，佢細粒，佢最難搞嘅時期，我好容易便能夠捉得實佢，用強硬嘅手法迫使佢冷靜，迫佢面對現實。漸漸佢啲固執野都越嚟越易搞。

二，佢進步好快，我覺得有番個仔，雖然之前錯過咗好多 BB 時期嘅溫馨時刻，但因為佢細粒，仲有個 B 樣，我成日當番佢 BB 個陣咁攬抱錫，補償番以前曾經失去嘅關係和感覺。
我兒子玩玩具車衹會轉車轆.細個時人人都跟,任何人都可照顧,不怕陌生人.一歲時發覺對人叫佢不回應,與其他人沒眼神接觸,但和我有,因工作太忙也沒有上心,這都是我的錯,攪到佢而家追得甘辛若苦.他想要去的地方一定要你帶佢去,每次從床爬下來都用從祿架床爬梯的最底一格捐岀來,用力扯耳仔扯到紅哂,換片時用力扯下体,痾了大便用手去攪四圍搓,用頭撞玻璃等自我刺激行為,喜歡你轉東西給他看,很喜歡看電筒的光,會追,大笑及很興奮,喜歡放東西在地下轉.攪門鎖,開關衣櫃門,所有家私櫃筒達一兩小時.經常拉著你的手行來行去,很心急沖奶慢D都發脾氣哭鬧.兩隻手不停四圍攪,德不懂叫佢唔好做.沖涼時又扯下体及不肯讓我洗頭,喜歡你抱他看上面的東西,爬上我電腦檯攪顯示哭,不停開關我的電腦.除了飲奶和食粥仔,什麼都不吃,最初給他吃香蕉,要夾硬塞進口才肯吃.15個月時要你帶他在公園拖著手同一個石級及樓梯行來行去1個鍾.不肯同我玩玩具只會扔,教他玩他就發裨氣哭鬧走左去.不肯拿著食物來吃,唔識用牙咬野.20個月試過自己拿蕉吃過一次,跟著幾個月都沒有了.仲什麼也不識用語言或身体語言來表達.不懂用飲管飲水,經常哭鬧,開始怕陌生人.這些情況持續到2012年3月兩歲,兩歲評估時很傷心,語言 9-12個月,大肌肉,小肌肉 9-12個月,智能 9-12個月覺得佢好像什麼希望也沒有.兒子2012年8月尾已識很多單字,部份情境能說出來,如落雨濕哂,9月決定讀主流N班附有兼收位但我的是普通位,到現在能說完整句子表達需要,辦別十多種顏色及形狀,数目字1-99,大細皆A-Z,用學习筷子夹食物,讲到每星期那天去做 ST,ABA,及每次去醫院做什麼,讲得出所有在路上行的车,家中所有物品名称和大部份知用来做什麽,回来唱到学校所有儿歌,巳開始懂得问问題,只可給惜仍跟不上及固執,本來今年可轉I位不用轉校,但學校社工及老師都建議讀s位,因為兒子不肯主動要更多協助,學校的I位及人手比例不適合兒子,今年又派唔到S位,我現在已沒有工作靠積蓄生活,很是吃力,但兒子在2013年4月30號的評估給我好大鼓舞,小肌肉及手眼協調超越 3歲,語言能力,智能 33-36個月,大肌肉34個月,真的很開心,我這一年每天努力都沒有白費.