我仔有專注力失調......

sandwich

小二,已評估,排兒童精神科要到2014,唉......日日放工後仲要同佢在功課上角力(唔多功課),我真係身心俱疲,成績更加唔使講

Ms.Mak

sandwich 發表於 13-4-24 19:52
小二,已評估,排兒童精神科要到2014,唉......日日放工後仲要同佢在功課上角力(唔多功課),我真係身心俱疲,成 ...

請問評估過情要幾耐?係邊度做?

mic823

原帖由 sandwich 於 13-04-24 發表
小二,已評估,排兒童精神科要到2014,唉......日日放工後仲要同佢在功課上角力(唔多功課),我真係身心俱疲,成 ...

加油，要多鼓勵，我仔都有ADHD ,有時小朋友真係控制唔到佢自己，佢哋都唔想架，其實佢哋日日俾人鬧，話佢甩甩漏漏，比佢每做1-2份功課，休息5分鐘，買個計時器俾佢，要佢每份功課20分鐘完成，因為專注力失調小朋友對時間方面較弱，試吓用儲印仔方法作獎勵。希望幫到你同你小朋友啦！加油呀！

mic823

原帖由 mic823 於 13-04-25 發表
加油，要多鼓勵，我仔都有ADHD ,有時小朋友真係控制唔到佢自己，佢哋都唔想架，其實佢哋日日俾人鬧，話佢甩 ...

唔好意思，打漏咗，因為佢哋控制唔到自己而成日俾人鬧同罰，其實佢哋內心都好自責，想做好，但做極都做唔到。屋企人對佢哋嘅鼓勵同體諒係好重要架！媽媽，明白你係功課上同小朋友嘅磨擦及糾纏係萬千般痛苦，我以前晚晚同我仔都糾纏到兩，三點，依家佢食咗藥，成個唔同哂，所以你要同仔仔一齊加油呀！佢哋其實好聰明，個腦轉得好快，好可愛架！加油呀！

sandwich

原帖由 Ms.Mak 於 13-04-25 發表
請問評估過情要幾耐?係邊度做?

第一次约1 hr,第二次就3hrs,我在政府做,第一次排左四個月,再排兩個月做第二次

sandwich

原帖由 mic823 於 13-04-25 發表
加油，要多鼓勵，我仔都有ADHD ,有時小朋友真係控制唔到佢自己，佢哋都唔想架，其實佢哋日日俾人鬧，話佢甩 ...

我巳有用上述方法,奈何我仔......
謝謝你鼓勵

perpermom

要比多D愛心比有ADHD嘅小朋友, 因為佢地成日比人理解為唔聽話, 攪攪震, 其實佢地都控制唔到嘅.  我阿仔由playgroup開始我已經懷疑佢係ADHD, 用盡各種方法,佢都係成日魂遊太虛.  一升上小學就成日比老師投訴唔聽話,唔留心, 母子經常角力, 大家都唔好受.  最後四年班暑假正式去做評估, 確診係專注力不足, 醫生開concerta比佢, 開始時佢都好慘, 副作用攪到佢郁d就喊,脾氣暴躁, 無胃口, 我地做父母嘅心疼之餘, 只有盡量配合,經過一年大家努力,佢係學校嘅表現好似脫胎換骨咁, 操行由C級變B級,成績一年內升係全級排名升40名,終於考到全班10名內.  而家我個仔仲KEEP住食藥, 但一放假我地就停藥, 等佢唔使成日依賴D藥
其實個小朋友自己都知自己有問題咖, 多D理解, 少D責備先可以一齊共渡難關咖

sandwich

原帖由 perpermom 於 13-04-29 發表
要比多D愛心比有ADHD嘅小朋友, 因為佢地成日比人理解為唔聽話, 攪攪震, 其實佢地都控制唔到嘅.  我阿仔由pl ...

多謝你的分享

polly0503

原帖由 mic823 於 13-04-25 發表
加油，要多鼓勵，我仔都有ADHD ,有時小朋友真係控制唔到佢自己，佢哋都唔想架，其實佢哋日日俾人鬧，話佢甩 ...

我都用緊呢個方法好有用，各位媽咪可以試下