沙田區BAND3, 可選那間校風較為好!

yankaka

朋友兒子學校已講明佢係BAND 3, 仲有過度活躍!
沙田區有咩校風好D中學可選擇, 學校成日叫佢去"他區"的佛教志蓮中學, 但這間是主要FOR有特殊需要的小朋友, 佢又唔想!
希望各位JM比吓意見, 謝謝!

貓大姐

可以留意下 五育

yankaka

貓大姐 發表於 13-10-9 23:42
可以留意下 五育

THX!

tracy668899

原帖由 yankaka 於 13-10-10 發表
THX!

很同意貓大姐意見，五育係band three中校風比較好既中學

lucia6119

台山 好似比五育 好..

fat媽

回復 貓大姐 的帖子

貓大姐,

請問 BAND 2 頭, 又有邊間校風好呢? (不想要馬鞍山區, 因本人住大圍區)

fat ma

pineapple0983

貓大姐 發表於 13-10-9 23:42
可以留意下 五育

貓貓，b3 我覺得台商、馮堯敬、5育均是不錯的選擇。
但是，b3 生不一定要選 b3 學校第一，因為 b3 已經是 3 個 band 中最低的，派得差極都是派番 band3 而已，所以，我覺得可以一博！
我建議是博 band2 中至尾的學校，博一些冷的，就可能有機會。但之後就要填些穩陣的 band3，機會和風險並存呀！
band1 尾其實是咁多 band 中最難填的~

tracy668899

原帖由 fat媽 於 13-10-11 發表
回復 貓大姐 的帖子

貓大姐,

如果你吾肯去馬鞍山，真係只有基督係band two頭。我仔都係band two頭我地又係住大圍，而家響胡忠讀緊中一，返學坐馬鐵（由屋企行去馬鐵10分鐘）車程又係10分鐘到行返學校5分鐘，半個鐘內一定到。穩陣吾會遲到，開學到而家對學校同車程都非常滿意。

fat媽

tracy668899 發表於 13-10-11 15:45
如果你吾肯去馬鞍山，真係只有基督係band two頭。我仔都係band two頭我地又係住大圍，而家響胡忠讀緊中一， ...

我個囡係一個好容易受其他人影响的人, 我自己要返工, 如要在馬鞍山返學, 我驚很易學壞.

係啦都八掛下先, 胡忠ok嗎? 你仔仔開學適應嗎?

tracy668899

原帖由 fat媽 於 13-10-11 發表
我個囡係一個好容易受其他人影响的人, 我自己要返工, 如要在馬鞍山返學, 我驚很易學壞.

係啦都八掛 ...

我都係兩公婆要返工，阿仔放左學自己返嫲嫲到（沙田），反而我吾選基督係因為週邊環境，屋邨太舊重怕容易學壞（我同老公都住左沙田好耐，我中學都係沙田讀，太熟悉了），我初頭都怕馬鞍山遠，但睇過其他中學都係覺得胡忠不錯（老師及其他朋友都推薦）。
其實我心儀郭得勝（1C），自行我就博左佢（第一志願同博高一級）同胡忠（第二），大抽獎就放胡忠做第一志願，結果就入到胡忠。
開學到而家我都好滿意間學校，好嚴謹，雖然阿仔入吾到英文班，入到其他班，但就係因為佢係屬於比較好d個一批，我見佢好有自信讀得好開心，老師又讚佢，每次黙書同測驗都高分（好肯溫習因想老師再讚佢嘛）
真心覺得始終讀返同level既學校會另小朋友冇咁大壓力，初初成日都諗大抽獎點解吾博一博郭得勝始終係英中band one,學習氣氛會好d（而且學校有同學band two頭都博到）。但而家諗返去到郭一定係墊底果d，反而而家佢重開心，我好開心冇揀錯學校。

tracy668899

原帖由 lucia6119 於 13-10-11 發表
台山 好似比五育 好..

有朋友女在讀，今年中二，阿女完全冇心機讀書，成日吾返屋企。佢都吾推介，雖然知阿女係差，不過而家更差。

sumyiuma

我也識朋友三個女兒讀台山，三個都好乖，好有歸屬感，分別中三及中一，老師好有愛心。

每間學校也有其可取之處，想了解可直接到學校觀察，甚至跟老師傾談，勝過盡信網絡討論結果。

yukimum

沙角佛教覺光或大圍梁文燕2間都2B , 或可考慮。
鄰居2個小朋友（大女覺光，細仔梁文燕），很純品有禮。

fat媽

tracy668899 發表於 13-10-11 22:06
我都係兩公婆要返工，阿仔放左學自己返嫲嫲到（沙田），反而我吾選基督係因為週邊環境，屋邨太舊重怕容易學 ...

多謝你的資料.

貓大姐

fat媽 發表於 13-10-11 09:55
回復 貓大姐 的帖子

貓大姐,

有朋友囡囡讀 楊葛小琳, 讀得好開心, 又發揮所詳, 唔知大家有咩野意見