有關買琴

幸福黃太太

大囝剛開始學琴，未知有冇心機長學，但又想買個琴比佢練習，唔想太浪費，有冇好提議?? （老公考慮買電子琴，慳位價錢又唔貴，但我想知對初學者，分別有幾大）

csiusin

回覆 幸福黃太太 的帖子

我同你一樣. 我都打算買個電子琴先呀, 因為我朋友仔仔都學緊佢話佢係琴行買一部, 大約一千蚊到已經好好, 同埋可以練琴.

小J媽媽

向琴老師介紹下,  我地十二月向通利買左個數碼鋼琴。


雖然好多人話真鋼琴先好,  但數碼鋼琴慳位(好重要!!), 保養又容易, 價錢OK, 有平有貴, 我自己果部9千左右

我地要返工的唔得閒成日帶囝囝去琴行練琴, 而且練一節半小時都十幾二十蚊啦, 志在俾佢有得練吓, 於初學的小朋友來說已經不錯。

小朋友初學, 真係唔知佢都有無恆心學下去, 買部平平地的數碼鋼琴玩下, 如果第日真係考得上5, 6 級, 到時至一次過買部靚D 的真鋼琴給他

肥面媽媽

回覆 effietly1125 的帖子

請問 1萬蚊部二手琴大約可用多久? 另是否在租琴的地方買? Thanks

rilakmusik

幸福黃太太 發表於 14-1-12 04:18
。。。又想買個琴比佢練習，唔想太浪費，有冇好提議?? （老公考慮買電子琴，慳位價錢又唔貴，但我想知對初學者，分別有幾大）

我是鋼琴老師，很明白又想學好又要顧及預算。不過市面的琴，無論是電子琴、數碼琴還是傳統木鋼琴，都是「一分錢一分貨」





以下是鋼琴價格與品質的比對：

$1xxx  - $2xxx  電子琴手感  像電腦keyboard的輕盈膠質感，太習慣輕飄飄的力度，不利學琴

$3xxx  - $5xxx  電子琴手感  好一點，但還算輕，雖不致於不利學琴，但.....好過無 :-I

$5xxx - $ 9xxx  數碼鋼琴

優點：手感上開始接近傳統木鋼琴、不用每隔一段時間花數百元要人調音、有volume 調教晚上練琴唔會嘈
缺點：太依賴volume調教，彈其他鋼琴就未必控制自如（eg 大細聲，因為要靠手感和聽力判斷），
而且trade出去市場較細


$1xxxx - $3xxxx  傳統木鋼琴，
優點： 手感不錯（初學者而言）、有「出世紙」的鋼琴可trade 去二手琴行（當要保養防潮做得不錯）、貴買平用
缺點： 每半年左右要花數百元調音，要防潮，否則走音/影響手感






對初學者分別大嗎？


我認為手感只影響其次，最重要是....




＊＊＊＊恆常每天練習＊＊＊＊＊






我相信我自己7成學生可以透過多練琴而進步，而不是把家裡的鋼琴換掉






但⋯⋯如果你的老師對你小朋友的評語是『學得很快喔』『一堂學到很多歌』『進展良好呀』


而又有恆常練習的小朋友，就算是頗有天份的學生，那家裡的鋼琴品質就相對重要了，


他日在音樂路上發展迅速，孩子會感謝你！

mcf12345

或者做個比喻，我想個仔學大提琴，但大提琴太大舊，所以諗住買個小提琴學住先。因為平啲慳位啲。
你睇完可能會話： 根本就唔同。兩樣野黎。
所以我都可以話你知根本都係兩樣野黎。鋼琴，電子琴，數碼琴根本都係唔同嘅野，唔好諗住都係琴就可以混為一談。佢地結構唔同。大家都"唔係"
用同一個原理發聲。
希望你明白不喜勿插！！(但我都明白你地所憂慮嘅地方)

786

原帖由 mcf12345 於 14-01-15 發表
或者做個比喻，我想個仔學大提琴，但大提琴太大舊，所以諗住買個小提琴學住先。因為平啲慳位啲。
你睇完可 ...

我鐘意你的比喻

不過唔學大提琴，學著小提琴都ok,因為弓的握法一樣，有3條弦一樣；長號唔夠手長，學著小號都ok,吹法一樣。但雙簧太貴，學單簧就唔太一樣，雙簧同巴松差不多，而單簧同色士風差不多

mcf12345

原帖由 786 於 14-01-15 發表
我鐘意你的比喻

不過唔學大提琴，學著小提琴都ok,因為弓的握法一樣，有3條弦一樣；長號唔夠手 ...

你也講得岩，你話買小提琴可學小提琴等等，咁買電子琴就應該學電子琴，買數碼琴就應該學數碼琴囉。

mcf12345

原帖由 mcf12345 於 14-01-15 發表
你也講得岩，你話買小提琴可學小提琴等等，咁買電子琴就應該學電子琴，買數碼琴就應該學數碼琴囉。

:wahah ...

所以我都唔明其他樂器都唔會咁撈埋黎用，點解學鋼琴(話明學"鋼琴")  又可以買個性能完全唔一樣嘅野黎用。(樣似但唔代表係一樣)

yeungph

囝囝四歲學琴，六歲考皇家4級133分，一直用Yamaha最平P95數碼鋼琴，現時7歲換了Yamaha二手琴。我贊成初學未知會唔會學落去的小朋友，可以用數碼鋼琴。

小J媽媽

我地呢D初學者家長, 買琴在家無非想小朋友方便練習啫,

我知數碼/ 電子鋼琴有其不足之處, 但真係一定不可取?? 奇怪有媽媽會覺得係一定係錯咁

係父母都想俾最好的小朋友, 買部二手平價木琴, 有人會話質素唔夠好, 功欲善其事, 必先利其器....最好買部XX大牌子的....跟住可能有人會話三角琴先係標準, 音色先完美,

好認同有媽媽話, 有認真學習, 勤練習先係成功的法門, 無心學習俾乜佢用都無用

longlokma

原帖由 小J媽媽 於 14-01-15 發表
我地呢D初學者家長, 買琴在家無非想小朋友方便練習啫,

我知數碼/ 電子鋼琴有其不足之處, 但真 ...

如果是年幼及想先看孩子有冇興趣，用电子琴無妨，但当你肯定孩子有興趣及会繼續学下去后，便要買或租用鋼琴練習了

小J媽媽

一大琴行，尖沙咀show room地下當眼處 擺放了廿幾部數碼鋼琴價錢幾千至幾萬都有，YAmaxx呢D大牌子佔不少。如果數碼鋼琴係甘差，冇市場，斷估製造商同琴行都唔會生產同放在地下買啦

或者呢度好多家庭屋企好大，又唔介意小朋友隨時唔想學，又介意要洗$，花時間揾人保養，甘買真木琴梗好格

bebebe12345

有心讓孩子學鋼琴的、儘早考慮給她/他們接觸正式的鋼琴!

小J媽媽

請教小朋友適宜學左幾耐琴才買座鋼琴回家？
三個月？
半年？
應買幾多錢範圍的鋼琴？
如果小朋友N個月後話吾想學，部琴怎樣處置？
如果買部平平地的鋼琴回家，到小朋學到4、5級時又要換琴？

bebebe12345

各有不同,沒有一定的時間,有人一開始就買,有人租,基本上一年大局己定、還看家長的要求而己!
放心,如果不太差的琴,一定有人要。送給朋友也非沒可能。
小朋友換琴那就恭喜你,孩子又上一層階了!
相對於學費和所花的練習時間.....,老師才是我所關注的!
將來雙手彈盡天下琴,不用帶自己的琴。
最重要是養成孩子練琴的習慣!否則很容易便會放棄。
家裏長時期是放著二個琴、現今則是一個也沒有,
最清楚需要還是做家長的你,其他的都是作為參考。