演藝學院..... 失望！

dimsumsum

同個女參加演藝學院的音樂啟蒙種子課程﹝親子班﹞，有朋友個仔幾年前參加過話幾好，所以都有所期望，但so far上左8個星期，真係失望！
1. 課堂沉悶、鬆散

- 老師每個星期都係彈同一個tune，同埋佢唔識帶動氣氛，阿女同埋有D小朋友每隔一陣都會走去大門口拍門想走。
- 上左咁耐，暫時未feel到佢每堂有冇特定主題，都係比小朋友周圍走下、試下D樂器、聽音樂跟節奏.......

2. 老師經驗不足

- 要求家長不斷舉高放低小朋友時間太長，有D爸爸都頂唔順開聲話好攰，老師先講「我冇抱住BB，唔知道咁攰添，嘻嘻！」

3. 設施唔配合

- 上堂前冇幫小朋友探熱
- 全個演藝冇一個洗手間有換尿片板﹝冇辦法之下就係走廊D軟墊上席地換片，我都唔想，唯有去偏僻D角落！﹞
- 樂器道具隨便放地下，有D有敲擊長杆隊晒出黎都幾危險

4. 隨意更改課堂時間、臨時取消課堂

- 因為老師病左就臨時取消課堂﹝佢地有打電話比我，但係35分鐘前，都已經出左門口﹞，會有補課
- 有時會因為學院其他活動或audition而更改時間
- 可惜撞晒我女schedule，問左可否就相關課堂退款，佢地話有權取消任何已開辦的課程，或在必要時對已開辦之課程內容、導師、上課日期、時間、地點及節數作出更改。


本來想投訴，因為我唔係佢地全日制學生，唔係anytime都可以上堂；興趣班通常係周末，時間咁limited，我都有自己planning或一早安排其他課堂啦！我覺得唔合理架，不過C6話無謂咁谷氣，興趣班啫。而家我 BK & EK post出黎，等其他家長多個參考！

Sindy

dimsumsum 發表於 14-5-22 02:07
同個女參加演藝學院的音樂啟蒙種子課程﹝親子班﹞，有朋友個仔幾年前參加過話幾好，所以都有所期望，但so f ...

你呢個應該係excel辦既課程, 係校外進修果邊的, 所以佢地係無乜話事權

jandtfamily

原帖由 dimsumsum 於 14-05-22 發表
同個女參加演藝學院的音樂啟蒙種子課程﹝親子班﹞，有朋友個仔幾年前參加過話幾好，所以都有所期望，但so f ...

其實上呢類啟蒙班作用不大，只不過是親子活動，自己在家都識教啦！只係浪費金錢！不如大D時，正正經經上APA嘅pre junior music course好過啦！之後可上Junior music course，咁仲有價值和質素啦！

dimsumsum

原帖由 jandtfamily 於 14-05-22 發表
其實上呢類啟蒙班作用不大，只不過是親子活動，自己在家都識教啦！只係浪費金錢！不如大D時，正正經經上APA ...

真係做唔到啟蒙，我係屋企同阿女彈琴跳舞佢仲開心！

jandtfamily

原帖由 dimsumsum 於 14-05-22 發表
真係做唔到啟蒙，我係屋企同阿女彈琴跳舞佢仲開心！

因有部分家長以後去APA上呢類BB班會好專業，加上肯花錢係自己寶貝身上，得不其所，反而弄巧反拙！
如果想係想小朋友學好音樂，最好方法就係日常生活多接觸音樂，如多去聽音樂會，帶佢哋參加音樂活動，大點找資深專業導師教授樂器，才計畫投考APA正式嘅音樂課程，咁作用才會大，而且水準才高！

jandtfamily

原帖由 jandtfamily 於 14-05-22 發表
因有部分家長以後去APA上呢類BB班會好專業，加上肯花錢係自己寶貝身上，得不其所，反而弄巧反拙！
如果想係 ...

Sorry！更正：以為去呢類BB班......

四隻貓

jandtfamily 發表於 14-5-22 10:17
因有部分家長以後去APA上呢類BB班會好專業，加上肯花錢係自己寶貝身上，得不其所，反而弄巧反拙！
如果想係 ...

Agree, 其實自己同bb 唱下歌, 聽音樂身體律動下可能仲有效果.

我女細時都上過APA EXCEL 既兒童音樂班. 我當時都以為係APA 學音樂班會有質素保證, 之後先發現其實都係要睇邊位老師教. 同一課程唔同老師都會有好大分別.
果年我報左兩個course, 一位老師好有愛心又識教, 全部小朋友都好有心機上堂, 我女次次好雀躍0甘去上堂; 另一班果位老師無咩耐性(睇到佢唔多喜歡小朋友)又唔會留意學生反應, 我女唔多願去上堂.

chunchundaddy

Same as playgroup at BC, 以為大機構，質素有保證，點知遇著個黑面同超 hea 慨老師

titibaby

D studio 地板肯定不常清潔ga 啦，其實不太適合辦幼兒活動。

queenmiffy

原帖由 titibaby 於 14-05-22 發表
D studio 地板肯定不常清潔ga 啦，其實不太適合辦幼兒活動。

同意，衛生唔太好，因為係主要比成人學，好多雜物