急問，直資收了，要去派位的津校先註冊嗎？

nina_nina

有直資剛收了，我仲未去中央派位的學校註冊，直資學校叫我星期五去註冊，帶埋註冊証，咁我還要去派到的學校先註冊嗎？還是去直資學校註冊就可？
我見人人都話中央派的一定要先註冊，如轉校的話，取回註冊証再去新學校註冊
請指教

nina_nina

有人可解答嗎？？？

wai406

如果你一心讀直資, 就不用去註冊了, 請問邊間直資call waiting?

cellon

nina_nina 發表於 14-6-10 20:23
有直資剛收了，我仲未去中央派位的學校註冊，直資學校叫我星期五去註冊，帶埋註冊証，咁我還要去派到的學校先註冊嗎？還是去直資學校註冊就可？
我見人人都話中央派的一定要先註冊，如轉校的話，取回註冊証再去新學校註冊
請指教 ...

首先，恭喜你！

你想子女讀哪一間呢？

若想讀直資（即放棄派到的官津），直接拿註冊証到直資學校註冊。

若想讀中央派位的官津（即放棄直資），拿註冊証到派到的官津學校註冊。

只有在註冊的deadline前未有更好的offer，你唯有先到派到的官津學校註冊（未有任何offer，不註冊驚無書讀），以後收到更好的offer，才取回註冊證到新校註冊。

nina_nina

其實情況有點复雜，有直資收左，但老公又想繼續叩津校門，所以我担心，我直接去直資註冊了，萬一叩門的津校有收左，咁我只要取回註冊証就可以？

cellon

nina_nina 發表於 14-6-10 20:49
其實情況有點复雜，有直資收左，但老公又想繼續叩津校門，所以我担心，我直接去直資註冊了，萬一叩門的津校有收左，咁我只要取回註冊証就可以？ ...

假設派到A校，若註冊deadline前未有更好的offer，先交註冊證到A校。

之後若心儀的B校叩門成功，先到A校取回註冊證，交註冊證給B校註冊。晚上食一餐好的慶祝！

之後若更心儀的C校叩門成功，先到B校取回註冊證，交註冊證給C校註冊。晚上食一餐更好的慶祝！！

之後若更更心儀的D校叩門成功，先到C校取回註冊證，交註冊證給D校註冊。晚上食一餐更更好的慶祝！！！

之後若更更更心儀的E校叩門成功，先到D校取回註冊證，交註冊證給E校註冊。晚上食一餐更更更好的慶祝！！！！

.... 如此類推，遊戲可以玩至九月開學。

（以上的學校可以是官、津、或直資學校。註冊證可以取回，但註冊費等費用一般不可以取回。）

nina_nina

嶺小直資

nina_nina

謝謝你的解釋

Monstereasy

原帖由 cellon 於 14-06-10 發表
本帖最後由 cellon 於 14-6-10 20:49 編輯

首先，恭喜你！

但想問下，直資已交留位費，仲洗唔洗注册？

cutekiddy

咁如果派到一間一定唔會讀嘅,唔註冊仲可唔可以叩門?

Sindy

cutekiddy 發表於 14-6-10 23:35
咁如果派到一間一定唔會讀嘅,唔註冊仲可唔可以叩門?

如果你好確定唔會讀,  可以唔去註冊, 仲可以叩門, 咁仲快, 佢話收你, 你即時可以交註冊證, 但切記, 你既最壞打算係第時求其讀一間(無backup既話), 如果係一間差到無得再差, 返轉頭都唔驚無位, 都可以唔註冊...

cellon

Monstereasy 發表於 14-6-10 22:44
但想問下，直資已交留位費，仲洗唔洗注册？

應該要，因為直資學校要收回你的《註冊證》正本。無論是官、津、直資學校，「正式註冊」時要收入申請人的《註冊證》正本，以保證放榜後每人只能hold 一個學位。（私校會否收《註冊證》正本呢，間間私校的處理方法不一樣。）

之前向直資交留位費時，若未交上申請人的《註冊證》正本，應該只算留位和臨時註冊。

當然，最好問問學校。

cutekiddy

Sindy 發表於 14-6-10 23:43
如果你好確定唔會讀,  可以唔去註冊, 仲可以叩門, 咁仲快, 佢話收你, 你即時可以交註冊證, 但切記, 你既最 ...

咁唔駛註冊啦!沙田四寶之首!