苦惱...執筆問題...(有圖)

IwanBB

女女就快4歲, e+讀k1, 大半年前, 我發現佢拎筆時手腕會舉起唔貼枱面, 好似寫毛筆咁, 同埋手指拎筆姿勢唔岩, 當時已經立即同老師講, 但老師覺得無問題.

之後我特登俾2b粗三角鉛筆俾女女用, 每一次功課, 我都睇得好緊, 後來拎筆手指姿勢好左, 但手腕依然會舉起唔貼枱面, 線條好震, 易出界, 而且油顏色時大力, 容易手倦. 有時右手倦, 會換左手.

我已經時時俾女女元泥膠, 穿朱仔, 蓋印仔, 扭樽蓋, 執豆....希望手仔肌肉好d... 但...無起色

其實我有少少懷疑女女係左手, 因最初係自己用左手先, 但n1時老師一直教佢右手拎湯匙&筆, 整整下習慣用右手

見到好心痛, 老師又唔認為有問題...

希望各位bk媽咪可以指教下我. 萬分感激!!!!

IwanBB

在網上找到類似女女執筆模式的相片, 請大家多多指教!!! 謝謝!!!

麥兜MaMa

會不會小肌肉未夠力?

麥兜MaMa

仔以前未夠力都成日係似甘，E十慢慢改善。

picture

2.5 嵗已要楂筆?

MrBeast

可能怕看不到自己寫乜，試下買塊black or white board (直放），會較容易做到正確姿勢

BumpDaiJoh

我女都係4 歲k1， 佢揸筆都算ok.  除左你提出既小肌訓練，亦可以多d 比佢響地下趴響度畫野，因為咁佢個前臂會有力d.  另一方法係比塊白板(打斜/直) 等佢食到力。

幅圖除左有手扭曲既問題， 仲有唔係前3指揸筆。

呢d 方法都係我之前聽一個社工分享既方法， 可以試試。亦可以參考write dance 既方法睇下有無改善。