請教各位：自行的20分，用在31網還是91網較穩陣呢?

summertown

第一次在EK發帖，想請教大家如何善用手上20分，多多指教！
背境：我是基督徒，小朋友已洗禮。小朋友是活潑多言型，現返學券幼稚園，有一弟弟跟尾。雖然我地都會試下報私小，直資；但由於有細佬跟尾，我都傾向讓孩子在津小讀。今年開學就要填自行form。

兩難：我可用舊生分去報31網的舊油天（共20分）；亦可用宗教分（也是合共20分）去報31網或91網熱門的基督教學校（循道和培基）。困難的是，呢三間心儀學校，應是地區一線學校，而升中的校網都不錯（可能31更勝一籌?），20分都唔會有好大機會抽中，煩惱中......

其實我已買了一些參考書和勤上EK做功課，請問係咪要直接打電話去學校問今年20分抽中的有幾多？除此之外，仲有乜嘢途徑可以知道相關數據和資料？請問我考慮自行點放時，仲有乜嘢要考慮呢？

請各位前輩賜教，謝謝！

summertown

mrkokubo 發表於 14-7-15 10:30
91循道未係一線培基20分墜馬比比皆是。
睇落三間循道机会大啲。不過你住边先。。



...

唔好意思，我意思係，若用宗教分，我係想試31網的循道，或91網的培英。


以上呢兩間都話20分都要抽呢！


而我自己係住沙田91網。

lovebb2

培基，油天，循道，20分抽，坦白講，要預咗唔得，得就好好彩。good luck!!!

hkpapa852

summertown 發表於 14-7-15 11:58
唔好意思，我意思係，若用宗教分，我係想試31網的循道，或91網的培英。

你預咗如果3間都唔得, 咁你係咪係91網抽獎先?
91網抽獎時係咪揀番培英先?

今時今日20分去抽熱門, 只係有機會...... 要諗定唔得點樣會對叩門較方便

summertown

hkpapa852 發表於 14-7-15 15:13
你預咗如果3間都唔得, 咁你係咪係91網抽獎先?
91網抽獎時係咪揀番培英先?

自行我諗我會三間裏面選一間，宜家就係諗緊將20分「押落」去邊間。
唉，其實我都明，20分根本唔係乜嘢高分數，大把人有，20分去選揀熱門小學，其實同抽獎無分別。

由於住91網，所以若自行不成功（無論選邊一間），甲一同乙一都會選培基了。不過咁樣放，咁即係自行一定要選培基，先至做到1-1-1?我都仲未係好識呢個game點玩，唉！

lopoto

你係基督徒，會唔會想小朋友都係基督教學校讀，如果係，不如唔好諗舊油天，只係循道同培基之間作出決定

summertown

lopoto 發表於 14-7-15 17:22
你係基督徒，會唔會想小朋友都係基督教學校讀，如果係，不如唔好諗舊油天，只係循道同培基之間作出決定 ...

多謝你的建議，我們都會從宗教以及教學形式再作仔細考慮！

hkpapa852

Annie-b 發表於 14-7-16 16:44
91循道
不是91熱門學校,有20分自行9成以上入到
培基20分都好難入

佢地講緊31網既循道喎!
31網既循道係熱門之一

littlecook

回覆 summertown 的帖子

三間都唔駛111都可以叩.
油天,培基人人有份見,循道今年選人見.
後兩者今年有收叩門000,油天最終取錄既係咪111我就唔清楚啦.
91網選大熱第一志願,做好心理準備,唔係天堂就係地獄.
如無私校BACKUP,又有個細跟尾,可能要調整策略啦.

summertown

littlecook 發表於 14-7-18 02:55
回覆 summertown 的帖子

三間都唔駛111都可以叩.

多謝資料提供，我都會考直資和私校，但係十月自行填表時，都應該未知有無直資或私校收小朋友，所以就真係要格外小心選擇！