活在夢中的女兒

bonniehoila

我個女7.5歲讀P.2算係個文靜個類, 由K.3我地發現佢愛發夢, 做事慢條C理起初我成日叫佢"豬油包" 但我都有KEEP住PUSH佢快啲..慢慢日日過小姐發夢既次長亦都越來越密.  無論做功課, 行街, 都會忽然夢起來!!!

直至P.2開始就因為佢成日發夢我同亞女個關係一漸變差, 我知問題已經開始到頂了!!

例證: (1)   等車時呆所有人上晒車, 佢仲企係到
         (2)   計雙位加數時, 會個位計 "加" 十位計 "減"
         (3)  成個鍾先可完成1樣功課

學校方面, 問過老師的確係上堂成日發夢, 同一樣野都要對佢講多過3次, 但校方話未有資源可以提供到比我, 因為太多人有問題!!

屋企方面, 我地試過估勵佢做好啲, 問佢有咩困難! 軟功唔得就用硬巧就係 "鬧" .... 慢慢佢開始變得賴皮你有你鬧佢有佢夢.... 真係激到嘔血

究竟我仲可以用咩辦法呢? 又好似ADHD既病徵... 出面方間既評估係唔係真係有用呢? 評估左如確診又可以點FOLLOW UP 呢????

Carriecheun

好明顯係ADHD病徵啦, 我囝係協康會做評估. 之後俾refer letter去瑪麗排期, 幸運地, 上一年班前有得睇, 依家食緊藥, 食咗藥好好多.

virgokaren

Carriecheun 發表於 14-10-30 12:17
好明顯係ADHD病徵啦, 我囝係協康會做評估. 之後俾refer letter去瑪麗排期, 幸運地, 上一年班前有得睇, 依家 ...

其實食左藥會點架？懶，沒興趣，同專注力不足，點分辨？

pinkdoll

bonniehoila 發表於 14-10-30 11:43
我個女7.5歲讀P.2算係個文靜個類, 由K.3我地發現佢愛發夢, 做事慢條C理起初我成日叫佢"豬油包" 但我都有KEE ...

因為佢哋控制唔到自己, 要接受訓練治療, . 你聯絡學校社工, 同佢講你既擔憂, 學校可以幫你轉介的.

964000

肯定是ADHD呀,同我朋友個女一模一樣，她七歳時確診，食了藥好好多

I_O_U_baby

virgokaren 發表於 14-11-15 11:35
其實食左藥會點架？懶，沒興趣，同專注力不足，點分辨？

"懶,沒興趣，同專注力不足"唔同的,

懶--> 係你鬧佢佢會驚, 可以做返好的.
專注力不足--> 佢唔係想唔做,係因為專注唔到, 自己遊左去,佢自己都唔想.
                       有D 小朋友係連自己想專注玩一樣野都專注唔到, 自己控制唔到自己.

virgokaren

原帖由 I_O_U_baby 於 14-11-17 發表
"懶,沒興趣，同專注力不足"唔同的,

懶--> 係你鬧佢佢會驚, 可以做返好的.

好難分呀！
佢有時又做到，但三分鐘熱度。
玩下呢樣又玩下果樣。
點至需要食藥？
七歲的專注力有幾多呢？
thx !

I_O_U_baby

virgokaren 發表於 14-11-17 16:54
好難分呀！
佢有時又做到，但三分鐘熱度。
玩下呢樣又玩下果樣。

一定要專業人士 + 家長同學校評估先可以診斷.
有懷疑最好去做評估先.

I_O_U_baby

我剛睇過本書, 有寫小朋友專注力時間,
但我只記得4歲係15分鐘.

I_O_U_baby

http://www.dhcas.gov.hk/tc_chi/health_pro/develop_dis_adhd.html

對呢D 小朋友真係要比D 耐性,
打駡係無用,只會令大家關係惡化.

試下下列的方法:

( 六 ) 家 長 如 何 幫 助 專 注 力 失 調 / 過 度 活 躍 症 的 兒 童 ？


1. 固 定 日 常 生 活 程 序 •建 立 規 律 的 生 活 ， 設 定 工 作 時 間 表
•給 兒 童 固 定 的 工 作 位 置 ， 把 用 具 收 恰 妥 當
•用 輔 助 工 具 提 醒 兒 童 要 做 的 事 情 ， 如 ： 鬧 鐘 、 清 單 、 標 語
•減 低 環 境 刺 激 ， 如 電 視 音 量 ， 對 兒 童 的 騷 擾


2. 劃 分 工 作 時 段 •在 集 中 力 減 弱 之 前 ， 給 他 短 暫 的 休 息 時 間 ， 以 提 高 工 作 效 率

3. 有 備 無 患 •應 付 兒 童 常 出 問 題 的 場 合 ， 要 預 先 計 劃 處 理 的 方 法 ， 如 到 茶 樓 時 ， 帶 備 兒 童 喜 歡 的 小 玩 具 或 圖 書 ， 以 減 少 出 現 行 為 問 題 的 機 會

4. 鼓 勵 良 好 的 行 為 •多 留 意 和 具 體 地 讚 賞 兒 童 的 適 當 行 為 ， 即 使 多 數 人 認 為 這 些 行 為 是 理 所 當 然 的
•即 時 獎 賞 兒 童 的 好 行 為 ， 多 作 言 語 上 的 讚 賞 或 實 質 的 獎 勵
•少 用 懲 罰
•與 兒 童 訂 定 具 體 及 其 能 力 範 圍 內 可 達 到 的 目 標 ， 可 以 用 累 積 星 星 或 貼 紙 的 方 法 ， 鼓 勵 兒 童 持 續 努 力 達 到 目 標


不過最好都係做左專業評估先, 因為咁既情況有好多可能性,
睇下究竟係乜問題導致咁,唔一定係ADHD, 有D 小朋友係有讀寫障礙,
有D 係智力問題, 都有咁既情況, 一定要搵到原因先可以幫到佢.

mimibebe

其實你可以上網搵一下ADHD的問卷先自行評估一下小朋友係咪大機會有呢個情況. 如果係有, 你可以搵自己睇開既私家醫生, 同佢講小朋友有咁既情況叫佢寫介紹信去政府醫生排期檢查. 我個女由私家醫生寫信到真真正正見到醫生開藥歷時2年, 所以如果真係覺得有問題, 就盡早去檢查.

我因為工作關係, 成家人移左上東莞住,
我個女讀N1仲係香港時身邊既小朋友都會指住顏色話係咩色, 見到本書有好多蝴蝶會講: so many butterfly, 佢仲成舊飯咁, 我地當時諗仲細. 到讀K2,3係東莞, 人地開始做加數, 佢仲係飯一樣, 老師話可能仲細. 到一年班佢既文具係一個星期唔見一盒筆一盒擦膠.... 總之你點同佢講都係無用, 當時諗係咪物質太好, 令佢唔CARE. 之後個個星期中, 英,數老師輪流約見面. 或者一齊黎問下我點教女,仲乜個女咁.
但我老公一直都話個女無事, 佢可以考到九十幾分, 但又可以零分, 認為佢只係懶.
直到我同個有相同問題的大陸=親戚傾開計, 佢話我個女好大機會係有呢個問題.當時問過香港既醫生, 閒閒地都幾千一次, 因為真係唔知佢係咪有呢個問題, 所以我膽粗粗同呢個親戚一齊去左廣州既醫院檢查. 檢查結果當然係有事. 我再兜兜轉轉先試番香港搵醫生開介紹信去政府醫生度排期檢查.

阿女已經食左藥好幾個月, 老師反映有食藥個人係靜左同專心左.

mimibebe

另外由於阿女既藥係分2次食, 佢成日都唔記得食,所以淨左好多, 我今日心血來潮自己都食. 因為我都覺得自己其實同個女既情況差唔多.

我今日食同阿女既分量一樣, 10點食第一次:
先講好處: 朝早返工係專心左好多, 控制到自己唔好做做下野上網玩, 會做完一樣就會接住做第二樣. 一早已完成左9成既工作. 當然心理作用都有關係.
壞處: 我明點解會靜, 其實係唔想郁, 我食左後唔係覺得累, 只係唔想郁, 有點無力感. 亦同醫生講既副作用一樣,
無謂口,條痢痺痺地, 乜都唔想放入口.
訓唔著: 中午想爬係度訓下都唔得, 眼光光咁.

我下午就無食, 副作用既感覺未散, 但自我控制力就減低左. 你睇我返工時打咁多個字就知啦.

我唔建議大家食, 我只係想知阿女食左有咩感覺, 其實我都幾心痛, 小小年紀就要受咁既苦. 但醫生都講得無錯, 佢家陣唔追番學業上既進度, 以後會更麻煩, 希望佢將來可以把專心做事變成習慣. 我會繼續食, 睇下呢個副作用會維持幾耐. 同自我控制力係咪KEEP住定只係呢幾日既心理問題.

964000

mimibebe 發表於 14-11-20 16:16
另外由於阿女既藥係分2次食, 佢成日都唔記得食,所以淨左好多, 我今日心血來潮自己都食. 因為我都覺得自己其 ...

謝分享