升中後，講粗口

Yanamami

都唔关band唔band1事,朋輩影响係好大. 惟有等佢心平氣和時講下你既感受.話佢知你有幾难受.

dubbies

大個識講粗口未必係一件壞事 正如飲酒咁 應酬唔識就好難做生意。 但要知咩場合去講，趁仲細仲聽話比佢知家庭 正统場合等講粗口係無禮。有底線的就係b1生 冇底線不能自控就係唔得

dubbies

自己都會青春期，都會反叛，人之正常發展，好好溝通過度呢個時間就得

nekoneko79

dubbies 發表於 14-12-1 20:31
大個識講粗口未必係一件壞事 正如飲酒咁 應酬唔識就好難做生意。 但要知咩場合去講，趁仲細仲聽話比佢知家 ...

講得好好! 依家的社會, 有誰不懂少少粗口?
能自控識睇場合的就係band 1仔
唔識的就係band 3仔

hong2002

無論係我自己讀書時候，定到今時今日，d仔講粗口真係非常普遍，冇分band 1定band3, 佢地大多冇惡意，打波打機時最多，最緊要教識佢尊重場合，識當時候講合識既語言!

丸媽媽

事實無可能禁止仔女唔講粗口，但可以嚴肅地向仔女表達對父母應有的態度，直接了當講絕不能用粗口回應家人！
問佢邊度學？點解要講？邊個教壞你呀？。。。呢d仔女未必聽得入耳
首要任務係一遇到仔女對父母態度差，要即時表態，教佢如何正確回應。曉以大義的說話，留待心平氣和時慢慢教。
重點係避免子女對父母惡劣態度成為習慣。

totheend

我仔讀男校, 中一仔, 小學時唔識講粗口, 以家識了. 不過不會用來罵人, 只是知道 而已.

mrs.so

我兩個仔一中一小都識粗口，我親自講粗口內性器官，既然孩子有好奇，就正面灌輸，粗口要識同要唔要講係兩回事，所以我兩個仔唔會講粗口，但聽到粗口亦唔會有好奇

bvlswsp

momo234 發表於 14-12-1 18:11
今年升中後，試過有幾次我話佢時，佢會講粗口對父母，當佢嬲時，我應該點做好? 我以經教過佢唔應該和不可講 ...

大驚小怪了, 十幾年前同個男拔小五生補習, 佢已操流利粗口了

mamee

我果個升中一後都見識多了粗口，通常是諧音粗口，佢會返黎問我，我亦照解同提點佢小心用詞，因為在學校講諧音粗口亦會即記缺點。
我覺得學識不緊要，但不可亂講。

黃巴士

最緊要不要予他講開!!!  聽多了, 講開頭(粗口), 以為很普遍(雖然真的有些普遍), 以為唔講就OUT, 又自以為講了很有"型", 很易融合其他朋友, 便會不時衝口而出講了.

benny2014

小學講粗口即記缺點，但中學是比較寬鬆，最緊要懂得控制自己，要講也要在適當的場合講。

silvia_ng

我小學已經教識兩個咩係粗口, 有幾多個字咁樣, 佢地會識分。反而越大越唔會聽講, 而家兩個都知粗口唔可以亂講。例子: 我有時都會好嬲, 但媽咪一句粗口都唔會對住佢地講, 呢D就係識控制自己情緒了。(當然, 個心入面爆就另計)

叮叮噹.

青春期, 朋輩之間講粗口, 真係普通不過事情, 有時唔講, 同學還以為是另類添, 我知我個囝小五已開始和同學之間講粗口了, 做父母的, 根本阻止不了. 因為真係阻止唔到.
但我與囝有協議, 在父母/長輩面前絶不能說, 在家也不可以 (即使在家和同學談電話), 要講請入房說. 我和他說, 這是基本尊重, 我要尊重他, 同樣他都要尊重我. 呀囝一路以來都有遵守, 偶而衝口而出, 會馬上道歉.
這是防線, 父母要堅持.

nerolibaby

算吧啦，我個時（村校）小學四年級精英班個個都講粗口，但最後咪又係醫生，工程師，老師，護士而又冇學壞。小朋友係覺得講粗口好威