聖羅撒用家可以講下間學校好唔好嗎？

ppalice

如題

Jaimemami

我都想了解多d,謝！！

LeeTszKi

回覆 Jaimemami 的帖子

請問大家收到OFFER 信未?

ppalice

唔知老師有無愛心，另一個星期有幾多節英文，普通話堂？

ppalice

尋日收到offer

piggymonkey

我仲未有信

e_elhying

我大果個小朋友2年前畢業，整體嚟講學校好好。不過真係要睇下係咪你鍾意嘅。

學校係一間比較嚴嘅學校，要求小朋友聽話，叫你去東唔可以去西，叫你企唔可以坐，所以個個小朋友都會好乖。德育做得幾好。

大部分老師都算有愛心，但唔乖就會鬧。不過老師好有經驗，我地今年都有去interview，大部分老師都仲喺度，唔似好多學校咁d老師成日轉。

而家校長係幾年前由主任升上去，校長所有事不會以家長為先，要家長佩合學校多d。校長亦唔會比面家長/老師，試過觀課時當住家長面前鬧老師。課程呢幾年深咗好多，因為聖小新校長早幾年覺得聖幼課程太淺，所以聖小扣門位好少收聖幼生。

課程方面，比其他名私立幼稚園淺。中文會比較深，當年我地沒有普通話堂，英文全校得一位外籍(似印度藉) 男老師，每星期有1堂外籍老師英文課，其他時候由班主任教。k2寫字，k3下學期會有默書同寫手冊。學校另有蒙特x利堂同宗教堂。

必定要記住係，小學同幼稚園係完全無關係，所有幼稚園生入到聖小係因為政府大抽獎時夠分，或者住同區抽入。如果你係唔同區又無分，扣門時係一d 優勢都無。

雖然學校嚴，我小朋友呢3年返學都好開心，學校自然有一套教法，train up得好好，上到小學完全無問題。

總括而言，聖幼係一間小學嘅縮細版，不是什麼愉快學習呀，良好英語呀果類，所以大家要考慮清楚是否適合。希望可以幫到大家。

利申：我細女(nov b) 今年有in，天主教+畢業生，校長比封reject信我，我好傷心，不過我地出年會再試。

細寶寶

原帖由 e_elhying 於 14-12-31 發表
我大果個小朋友2年前畢業，整體嚟講學校好好。不過真係要睇下係咪你鍾意嘅。

學校係一間比較嚴嘅學校，要 ...

謝謝分享，可否講下你大女宜家讀邊間小學?

RebeccaChy

原帖由 e_elhying 於 14-12-31 發表
我大果個小朋友2年前畢業，整體嚟講學校好好。不過真係要睇下係咪你鍾意嘅。

學校係一間比較嚴嘅學校，要 ...

CorrineNg

多謝甘詳細分享

ppalice

多謝分享。

piggymonkey

回覆 e_elhying 的帖子

thanks for sharing, 我仲未有信, 但聽你咁講, 即使收都唔會考慮

e_elhying

Hehe....我大果個係仔，所以無報佢小學，而妹妹因為會直上哥哥間小學，所以亦唔會報聖小，我報聖幼純粹係like 佢train 到小朋友上小學，同我鐘意天主教學校

e_elhying

其實每間學校都有佢好同唔好，最重要適合自己同小朋友

XDXD3

同意，我也是用家

tekkulas

原帖由 e_elhying 於 14-12-31 發表
其實每間學校都有佢好同唔好，最重要適合自己同小朋友

認同

kvvvcheung

RebeccaChy

其實有少少唔明白，聖羅撒又冇普通話堂，英文又一星期得一堂，咁課程深左係邊方面呢？

rabbit0430

我都想知。有金巴倫道迦南，同聖羅撒offer 。點揀好？

e_elhying

其實係課程深比一般有學卷幼稚園深，有d幼稚園係無乜功課，活動教學。聖羅撒每天大約1-2樣功課，星期五會多少少。以有學卷嚟講佢算比較深，但比較其他私校如KV果d神校，就梗係無得比啦，kv深好多。不過一間幾千蚊一個月，一間6百幾一個月，以幾百蚊嚟講聖羅撒絕對係平靚正。亦因為佢只係幾百蚊一個月，所以無普通話同每日有net。btw, 英文堂係日日都有，平時係班主任教，每星期有一堂係net教。