高小的大家準備吓喇，話越管越差

stockmike

【on.cc東網專訊】隨着科技發展，不少年輕人均一機在手，成為「低頭族」。一項研究發現，受訪中學生家長最常用「監察型方式」管制子女使用數碼產品，包括沒收手機及監察手機資料，導致有13%家庭出現親子間言語衝突，1.3%家庭更因而出現肢體衝突。有中五學生憶述，曾因通宵打機與母親發生激烈爭執及肢體碰撞，關係陷冰點，後因母親改變管教方法，加上自己成績轉差才醒覺。研究機構建議，家長管教子女應避免過度監察，並應增進對數碼產品知識，與子女作更多交流溝通，減低親子衝突機會，提升彼此關係。

香港家庭福利會及香港中文大學社會工作學系於前年7月至去年6月期間，分別以聚焦小組和問卷調查形式，訪問2853名中學生及家長。結果顯示，98%受訪中學生最常利用數碼產品與朋友溝通；而家長則最常使用「監察型方式」管教子女，包括有需要時沒收智能手機及監察子女手機內資料。15%受訪家庭的子女經常因使用數碼產品而不服從指示，有1.3%家庭更因而出現肢體衝突，0.7%有離家出走情況。

就讀中五的方同學透露，中二時開始沉迷電子遊戲，高峰期會在晚上10時通宵打機至翌日早上6時，其母會強行「拆電，熄電掣，收埋部機」。惟方坦言，「阿媽愈㩒住我玩，我就愈想玩」。他曾趁母親午夜熟睡後，拿出被藏起的電腦玩遊戲，結果被發現觸發激烈爭執及肢體碰撞，導致雙方關係惡劣，「大家面左左，行過冇嘢講」。後來方母改變管教手法，放任不管，令方同學終醒覺沉迷電子遊戲導致成績大倒退，繼而減少打機，改與朋友做運動。

就讀中三的歐同學雖未有與家人發生激烈衝突，卻因被母親要求告知其社交網站密碼及遭偷看手機通話內容，感到不開心。育有3名子女的莊先生則選擇採取放任政策，任子女玩數碼產品，並與他們一同參與，成功融入子女生活圈子。

另外，香港樹仁大學商業、經濟及公共政策研究中心，於今年訪問372個中學生家庭，發現如父母愈採用依賴導向管教模式，即要求子女依靠父母，家庭關係會愈趨負面，子女抗逆能力及品德愈弱。研究中心提醒家長應避免向子女單向式培育，並多作雙向溝通，凝聚快樂家庭氣氛。

Jane1983

去到日打夜打，荒廢學業，做家長好難吾管。但管，多數係反晒臉，好痛苦。

最好係吾好比機會佢去到甘既一日。

MrBeast

好難避免，有fd 家中嚴禁，但去到朋友家就song 玩。小時培養好習慣和價值觀，出機前講明規則才是上策

skkeung

大人喜歡返工定旅行？

stockmike

遍文重有一個重點，就係 (發現如父母愈採用依賴導向管教模式，即要求子女依靠父母，家庭關係會愈趨負面，子女抗逆能力及品德愈弱。)

sell2japan

回覆 Jane1983 的帖子

同意, 但都係大人自尋煩惱, 自己搵氣來激,
           若果唔瞭解自己個細路品性又無時間理佢地,

            根本唔買比D細路就不用煩惱.......


           我有朋友有三個細路, 每人一部電腦又買IPHONE,

           三個都唔自律攪到自己又勞氣又團團轉

          收左電腦又唔記得收電話, 弄得關係超級緊張

happy_lavender

以我曾經打機打通宵嘅親身體驗(已成功克服/戒除)，有好多遊戲其實係要人完成任務，成功過排會帶來滿足感，所以D人咁鍾意。(呢種滿足感其實和完成一個正經job嘅係一樣嘅。)我克服到係因為我後來識揀遊戲，所有要一氣呵成打到尾(無得中途save)嘅唔打，on-line game又唔打(好多時其實係吹水)，專揀D好快打完鋪鋪清嘅先玩，咁要放低係易好多。所以我覺得係要管佢打乜game而並非全面禁止(況且而家都無可能禁，連學校都安排學生玩遊戲形式的網上學習…………)

我而家會畀阿仔打機，但只打我也有玩的足球game，佢唔肯放手我就話同佢一人踢一球，完場就停，so far佢都停到。(呢個已成為我地其中一個話題)因為我有時停成個月都唔打，佢見我得佢會學，跟跟下就學到下節制。

我認為好多時D細路係悶或者貪玩先打機，所以要佢識收真係要幫佢揀game而唔係一刀切，我傾向教佢節制多過限制佢做 - 我唔教，將來無我喺身邊佢就未必可以自學節制。(好多大人都沉迷)同埋如果我唔畀佢打機，我會陪佢玩番其他嘢代替。

MrBeast

你地冇聽過緩交嗎？男都可以ga，又或者幫人帶毒品，etc etc. 小學都仲可控制到，中學唔一定要等父母比＄

tutik

回覆 happy_lavender 的帖子

原來要咁。咁Minecraft 算唔算鋪鋪清既game 呢？暫時鹅到呀仔唔打，因為打機最浪費時間，但我知佢還是有心引，同學借本Minecraft handbook 比佢就當寶咁，之前我也買過一本比佢，以為齋睇唔係打機都可以，因我完全唔玩電玩game, 真係唔識又唔明，咁幾大先適宜慢慢放手都佢節制呢？

MASAYA

happy_lavender 發表於 16-5-8 16:44
以我曾經打機打通宵嘅親身體驗(已成功克服/戒除)，有好多遊戲其實係要人完成任務，成功過排會帶來滿足感， ...

我以前都打機，只打RTS類，短則十幾分鐘一場，長則大半個鐘，就係因為好快一場，上癮極都有個譜，而家好多人打既LOL，以前都有DOTA，最快都要半個鐘，對我黎講已經長到冇乜耐性去玩...

MASAYA

MrBeast 發表於 16-5-8 18:10
你地冇聽過緩交嗎？男都可以ga，又或者幫人帶毒品，etc etc. 小學都仲可控制到，中學唔一定要等父母比＄ ...

學校社工講過，近年青少年增長最快既罪案就係援交，犯罪目的首位唔係錢，係因為家庭關係

Yanamami

MASAYA 發表於 16-5-9 07:35
學校社工講過，近年青少年增長最快既罪案就係援交，犯罪目的首位唔係錢，係因為家庭關係 ...

我都覚得如果家庭关係和睦，同父母关係好，有个人兴趣同乖同学朋友，出事机会微，頂多反叛期黑面駁咀之類｡

HMmummy

唔知係唔係通常打機叻，先會沉迷？我嗰只係三分鐘熱度

MrBeast

MASAYA 發表於 16-5-9 07:35
學校社工講過，近年青少年增長最快既罪案就係援交，犯罪目的首位唔係錢，係因為家庭關係 ...

是的，趁e加仲細要儲定感情capital，firm but flexible，learn to listen.

妹妹頭

回覆 stockmike 的帖子

我反而覺得身教好緊要, 如果小朋友的父母, 都係日打機, 夜打機, 小朋友自自然然一定會學, 以我為例, 囡囡小四, 我已經買智能電話比佢用, 但因為我同老公都唔鍾意打機, 所以她極其量都只係用電話上facebook, whatsapp都只係偶然用.... 每日都係做完功課溫完習, 至會用15分鐘上facebook睇下野, 我覺得ok

Yanamami

妹妹頭 發表於 16-5-9 08:40
回覆 stockmike 的帖子

我反而覺得身教好緊要, 如果小朋友的父母, 都係日打機, 夜打機, 小朋友自自然然一 ...

你無睇Stanley个帖，父母唔打机……但个仔……

http://www.edu-kingdom.com/forum.php?mod=viewthread&tid=2905186&extra=page%3D2


女仔少d有打机㽼，多数ig, fb, wechat, whatsapp, snapchat, youtube......

Yanamami

妹妹頭  主要係我個女打機白痴, 有時我叫佢download d遊戲, 佢都話好阻位, 部機會好慢, 最後都係冇download  
********************

正常……女仔部机多擺相~
小四同上到中学係两回事……

妹妹頭

回覆 Yanamami 的帖子

同意, 一年都比一年唔同, 何況講到升上中學, 我都係用現在(小四), 同其他同齡小朋友都比較, 當然, 升上中學, 真係好睇佢識果d係點用手機既小朋友, 但好彩, 我見佢2個表姐, 可能係band 1中學關係, 都唔會尋迷打機, 真係要睇將來升邊間中學, 識咩同學好緊要

Yanamami

妹妹頭 發表於 16-5-9 09:07
回覆 Yanamami 的帖子

同意, 一年都比一年唔同, 何況講到升上中學, 我都係用現在(小四), 同其他同齡小朋友 ...

女仔真係唔会打机乜滯……
我女都係band1中学，但見佢曰曰煲youtube就眼寃，好彩成績唔錯，先塞住我把口~細女今年升中，成績係好，但日日乜chat物chat，睇到眼火爆~同学们都係乖，但女仔就係鈡意po相，like呢个like果个，d相又做乜special effect, 都好嘥时间~