講游水

stockmike

大仔現小二升小三，出世至今分年上過大約共六個月泳班。現能在泳池多次完成25 米一段蛙式，試過連游四段 共100 米。細女K3升小一，從無上過泳班，從無期望，水唔掂地就不離身，上月突然由蛙游一米變能蛙游 25 米。昨日海灘試水，大仔只能游十多米，女只能游三四吓，成日話水喊又話眼痛。總結是游海對兩人心理壓力好大，有乜唔妥叫定先，結論係仍雖努力。

Olympian

原帖由 stockmike 於 16-07-11 發表
大仔現小二升小三，出世至今分年上過大約共六個月泳班。現能在泳池多次完成25 米一段蛙式，試過連游四段 共 ...

似乎兩個都有點天份！海灘有浪難游好多架。

little_yolky

stockmike 發表於 16-7-11 10:13
大仔現小二升小三，出世至今分年上過大約共六個月泳班。現能在泳池多次完成25 米一段蛙式，試過連游四段 共 ...

我大果個升小四, 都係反反覆覆學咗幾個月, 但佢無咁叻, 只懂踢腳, 佢話手唔夠力。阿妹仲惡劣, 因為貪玩, K時俾教練浸過佢, 所以佢有D驚水。舊年俾佢停一停唔學, 今年暑假去玩水, 玩咗兩日, 本來一直係浮吓浮吓咁玩, 突然無端端見佢响度游蛙手蛙腳, 動作十分核突, 但游吓游吓閉氣游到一兩米。突然唔驚水了, 今年泳會又好合作, 派咗個溫柔女教練俾佢, 今年成功在望了。

MrBeast

海灘和泳池環境差別咁大，怯場也可理解，不過其實就算識游我自己本人都未必夠膽比小朋友落海，尤其是香港的，怕大腸干菌，第二驚潮退水流，第三怕佢抽肋，或許我太己人憂天，但大d泳術好些會放心些

stockmike

自己玩住教又顯生另一個問題，大仔泳式可以(始終跟班學過六個月)但唔多去水游得慢。細女姿勢核突但好去水。而家準備九月報泳班，希望一個 turn 番快啲，一個改好泳姿同學埋自泳式。

ken244644

原帖由 stockmike 於 16-07-11 發表
大仔現小二升小三，出世至今分年上過大約共六個月泳班。現能在泳池多次完成25 米一段蛙式，試過連游四段 共 ...

如果唔怕佢辛苦， 入泳隊操練最快見效。 我仔7歲半， 跟左泳隊一年， 已可一晚連續游2000公尺。

ken244644

原帖由 MrBeast 於 16-07-11 發表
本帖最後由 MrBeast 於 16-7-11 12:28 編輯

海灘和泳池環境差別咁大，怯場也可理解，不過其實就算識游我 ...

絕對同意，游海未係時候

stockmike

游得慢，best time 自游 42秒 25米, 入泳隊門檻也不到，先諗住泳班。他自己是想入泳隊的。

little_kid

原帖由 stockmike 於 16-07-11 發表
大仔現小二升小三，出世至今分年上過大約共六個月泳班。現能在泳池多次完成25 米一段蛙式，試過連游四段 共 ...

你小朋友游水咁叻嘅! 我孩子6歲，學了大半年，仲係唔敢自己游，要用浮板手袖輔助。

200904

回覆 little_yolky 的帖子

我都覺得教練很重要！

我女一開始游得好好，已經不需要浮板，游整個池，但有一次突然飲水，不敢游，被教練大聲鬧，要她游，但她屬於吃軟不吃硬的，就是不游，接下來兩個星期，就是不肯無浮板情況下游。每次去上課前，就說自己壓力好大，雖然好想自己游，但就是不行。

但我們這次出外度假，在酒店泳池，爸爸親自教，第一次已經可以游整個池。

stockmike

前日到海灘，仔話要游出浮台，坐言起行，要喝佢返轉頭，佢唔驚但我怕，我已十幾年無游出浮台，加上近夜晚無救生員我無水泡。跟手叫佢打橫游試佢可游距離，佢已經可以游到浮台距離，相信我又要出浮台日子不遠。

wan_sosin

原帖由 stockmike 於 16-07-30 發表
前日到海灘，仔話要游出浮台，坐言起行，要喝佢返轉頭，佢唔驚但我怕，我已十幾年無游出浮台，加上近夜晚無 ...

小朋友真係唔好太心急要游出浮台，雖然你或可以陪佢游，但萬一有事，掙扎起上嚟，無學過拯溺，未必拖到個人埋岸，當然更加一定需要有救生員先好游！

stockmike

我十幾年唔游出浮台原因係唔 enjoy 又成日幻想有大魚。我記得對上一次船河，無嘢做游埋岸，以為好近，足足游咗我三十分鐘，淨係記得又怕大魚又唔想游，一路游一路驚。上到岸又無乜特別，番船游多一轉直頭想死，從此對船河毫無興趣。仔仔算大胆，成日要味水揾魚，已超出我預算，証明佢有冒險精神，也是我老早沒有了的東西。我自細至今覺得海洋是充滿危機，佢對海洋充滿好奇，希望佢 keep 到呢種動力。

Nath

我小朋友係天生怕水，學泳班一年都學唔到，後來仲喊到嘔。停左一年冇學，淨係去玩水；今年安排私人教授一對一，終於學識左，游到一個橫池喇！佢自己都好有滿足感

stockmike

我經驗想細路仔學好游水(唔係游得快，係講留响水的能力同時間)係要先唔怕味水，唔洗細細個老早報泳班，我都報過太細作用不大。要用玩方式去訓練味水，俾啲玩具佢水底執，玩下跌下自然貢跌落水，浸一兩秒，長大自然能越浸越耐，我兩件都5~6 歲開始行到第一步。我同過幾個同齡小朋友游，佢哋父母都話佢可以游成點點點，已經識晒，個個係泳班外的 comfort zone 變成門外漢，唔掂地就是不游，游都要番浮板。純泳班總係好似缺失咗啲嘢。

bubuG

小兒細細個超怕水，叫到全個池都聽到，學了兩年K3終於學識咗，單對單有安全感、父母不妥協喊也要去、冬天照游暖水池。現在極極極享受游泳，唔游唔舒服咁。

stockmike

原帖由 bubuG 於 16-07-30 發表
小兒細細個超怕水，叫到全個池都聽到，學了兩年K3終於學識咗，單對單有安全感、父母不妥協喊也要去、冬天照 ...

連冬天都去，熱情並非一般。另外今日問仔講吓下次點出浮台，佢話已經唔敢出了，世事多變，他又覺得海洋充滿危機了。

birdbird

原帖由 stockmike 於 16-07-11 發表
大仔現小二升小三，出世至今分年上過大約共六個月泳班。現能在泳池多次完成25 米一段蛙式，試過連游四段 共 ...

泳池d水冇浪, 海有浪。

泳池游到唔代表有能力游海, 大人都未必得, 更何況小朋友?!

stockmike

終於用吹氣艇出咗浮台，浮台仍水清見底，真不敢相信，大仔只敢圍住浮台游。細女同我一樣怕大魚淨係落水一次。逗留其間見有兩個爸爸帶三至四歲女兒去浮台。