如果本身已經讀名幼(近屋企), 會唔會為龍校過海讀書?

pollywcw

住西九龍PN會讀LH, 眼見好幾間女龍校係港島區, 諗緊報唔報K1? 值唔值得為龍放棄LH

creambun

如果係聖保祿會考慮下。可以考咗先，收再慢慢諗。

szwani2412

yes, SPK ! 如果直上間小學係心儀, 當然去馬~港島好多半龍女校選擇,  好過三年後又同外校生一齊爭..

pollywcw

就係想報聖保祿同聖心, 不過我先生話好遠,已經有LH, 仲咩要去到咁遠, 攪到我心大心細. 同埋唔知一個鐘車程對讀幼稚園小朋友係咪好辛苦

Yaleizh

一個鐘對於兩三歲既小朋友會比較辛苦。我估大小小會好d。比如萬一小朋友係車度想去廁所忍唔忍到。。。

konew720

原帖由 pollywcw 於 16-07-22 發表
就係想報聖保祿同聖心, 不過我先生話好遠,已經有LH, 仲咩要去到咁遠, 攪到我心大心細. 同埋唔知一個鐘車程 ...

我自己個人意見，一個鐘車程太離譜。
要你返一份工，來回加埋2個鐘車程，你自己可以接受嗎？仲要一返最少3年，分分鐘鐘連小學中學，十幾年，你自己接受嗎？
如果好心儀就搬屋。
LH好好，包你讀過唔會想轉校。

pollywcw

我打去問過校車, 佢話我屋苑係中間站,大約45分鐘車程. 我又諗過就算德望都要45 分鐘, 唔知係咪過海就覺得遠D. 有諗過小一先去考, 但我相信冇咩chance.

QQfishs

仲有GH都係九龍龍校

siden

SPK SH St Claire 真光

呢4間都值

HauMiranda

龍校當然好，亦值得去讀，但如果住咁遠，應該認真考慮下搬屋的可能性，小朋友這樣舟車勞頓是辛苦的，過海保姆車車費貴來不值的（識得朋友付校車費比學貴還貴），倒不如用慳回來的車程和車費跟小朋友去玩樂更值得。其實45分鐘車程不算長，但一般保姆車都會早回校，即往往要提早一小時出門，上午班起床會辛苦，下課後往往會累到在車上睡著；下午班可能要匆匆忙忙吃午飯，下課回家坐車又累。如果考上龍校小一，係咪連續九年也這樣過海？

Guaichu

我唔會。坐車時间可以用來上其他活動，對於考小一來講都好重要。时间去洒坐車好无谓。

SarahGil

回覆 pollywcw 的帖子

德望小一仲有公開招生, 聖保祿就冇,自己衡量.利伸: 住九龍,女兒讀緊類似LH的名幼,以上兩間都報了,德望reject 聖保祿 wait list

konew720

原帖由 pollywcw 於 16-07-22 發表
我打去問過校車, 佢話我屋苑係中間站,大約45分鐘車程. 我又諗過就算德望都要45 分鐘, 唔知係咪過海就覺得遠 ...

過海過西隧？
因紅隧一塞車，可能2個鐘先返到屋企或學校。

QQfishs

除非搬屋，住九龍GH，港島SPK，車程太耐真係吾建議。

QQfishs

SarahGil 發表於 16-7-22 18:05
回覆 pollywcw 的帖子

德望小一仲有公開招生, 聖保祿就冇,自己衡量.利伸: 住九龍,女兒讀緊類似LH的名幼,以 ...

依兩間真係超難入，我估差吾多全香港生女既都會報。吾好話讀，係自己住屋苑附近見有小朋友著依兩間校服都吾易。

Dragonmama2012

報左先，收左再考慮

pollywcw

校車負責人話返學行西隧放學紅隧, 一個鐘內必到. 其實之前冇諗過要報港島kg, 但最後有好多過內人都話避得就避小一一戰, 有龍揀龍 .九龍除咗GH, 培正同民生又唔太like. 但港島四閒龍女校我都鐘意. 我都有認真考慮車程問題,所以已經check 時間校車路線先決定報邊間. 我諗剩係試spk, 因為係自己學校校車. 其他3間都係要自己搵保母車, 加上保母車唔停學校唔安全. 好多謝大家意見

L+H

考到後先諗搬的問題。SPK 有好多九龍/將軍澳的學生。

Kikichan724

其實小朋友喺幼稚園階段應該係「愉快學習」，每日返學要一個鐘，這有可能令小朋友覺得返學好辛苦，更有機會令佢討厭返學，所以一定要諗清楚