學音樂問題⋯⋯

joey.nicolette

教了這麼多年音樂，自己都有很多心得。教過不少學生，當中有年紀最少、年紀最大、過度活躍症、自閉症、資優生、名校生等等。今次都好想和家長們分享⋯

很多時我問小朋友有沒有練習，小朋友或家長總會說有多忙、有很多東西學或要考試等的理由。但往往到一些時候就會問甚麼時候可以考級，或他的同學已考級了，甚麼時候可以到我小朋友。我知道這一代小朋友是忙的，但不可以因為其他原因而放棄練習。你希望達到一定進度和成績，必須是要付出的。亦有一些小朋友因為不應拉奏自己喜歡的歌曲而感苦悶而放棄，若家長容許小朋友一感到苦悶便說沒興趣而放棄的話，小朋友往後學甚麼都會容易放棄。家長應和小朋友定立一個時限，這段時間應全力去盡力去做，到最後如果真的不想再學才決定放棄。我真的有學生最後知道辛苦過後終於把一首困難歌曲可以完整拉奏出來而決定繼續學下去。

學音樂和學其他東西有些不一樣，小朋友學畫畫可以任何時候都能畫，喜歡畫甚麼便可畫。但音樂便不一樣，音樂要練歌曲、練習曲和音程，無可否認，我小時候亦很討厭練習練習曲和音程，因為又困難又不好聽。但這些不好聽的東西，卻是能令小朋友最能進步的東西。我小時後亦有學溜冰，過程是有血有汗的。父母容許我選擇自己有興趣的東西去學，但他們要學不可以容易放棄，要好好嘗試和感受到最後。


我是教小提琴為主，並會教鋼琴和一些音樂班。很多人會問我小朋友應該幾大才可接觸音樂？我有不足三歲小朋友跟我學小提琴，我不會因為賺錢而胡亂收學生。我和家長會認真坐下來談話，我會問為什麼想小朋友學習小提琴。因為我不想小朋友是對音樂沒有興趣，就算小朋有興趣我亦會對小朋友先行評估，例如他的理解能力和身體的肌肉發展。以小提琴為例，因為會經常利用手指去按弦，所以對小肌肉的要求是重要。有些小朋友四歲五歲小肌肉發展還是不能去按弦但有些兩歲多三歲便有能力去按。我亦會和家長達一些共識，希望多鼓勵小朋友去拉奏，我會以兒歌為主去培養小朋友興趣，家長亦應鼓勵小朋友去拉奏，不要在小朋友面前說不好聽和不停迫他們去練習。

身為家長應多鼓勵、多聆聽、多和小朋友去聽不同音樂去培養興趣、多從小朋友角度思考，父母若能都一起學習音樂，這樣對小朋友學習音樂亦是很好的，而且亦是一個很好的親子交流。

cdn

請教如何叫他們每天自發練琴？

joey.nicolette

我同學生會定立印仔獎賞，每堂佢地有練習我都會讚賞佢地等佢地知道原來佢練習完係有進步。而且我會同父母溝通，佢地係屋企叫佢地練習唔可以係好惡去叫，而係話媽咪好想聽下你今個星期練咩歌，不如你彈下俾我地聽呀！就算小朋友唔熟或唔好聽，都唔好講一D hurt 到佢地說話

bebebe12345

最難的一點是......如何令她/他有"滿足感"!
在情緒過份高漲時壓一壓還容易、
在情緒低落怎樣把她/他提回來才是 考驗!
練琴就如上學、習惯養成、自然大功告成!

還是那一句、三者配合、缺一不可!

千萬不要懐疑孩子的能力! 好好認識和配合她/他的需要!

steamball

bebebe12345 發表於 16-7-30 10:25
最難的一點是......如何令她/他有"滿足感"!
在情緒過份高漲時壓一壓還容易、
在情緒低落怎樣把她/他提回來 ...

hahaha....................................agree,i never use reward for practice

karchoice1

Hihi, 很開心有你們這麼用心良苦的好老師, 我仔3歲幾就開始學鋼琴(現已3年多了), 我自己對鋼琴只有少許認識, 回想起當初小朋友報上鋼琴班時真有點兒戲, 當然之後預到好多困難, 有試過上堂哭鬧, 出門口時收埋一D 唔想練的琴書.. 作為媽咪真係想放棄... 仔每一次嬲計我都有同老師相量, 老師就跟他溝通, 大家相量後佢說會繼續努力學. 我和老師都很希望佢努力堅持下去.. 約定到小三/小四如果佢自己都堅決放棄就算了..
當然我自己唔想佢放棄, 所以到時再算..補充少少, 我自己都唔中意用利來引誘佢練琴, 不過間中一次的推動力真係好大的.. ^^

Lsm948

原帖由 karchoice1 於 16-08-02 發表
本帖最後由 karchoice1 於 16-8-2 14:26 編輯

Hihi, 很開心有你們這麼用心良苦的好老師, 我仔3歲幾就開 ...

請問您小朋友係邊處學琴？

LeeCC

karchoice1 發表於 16-8-2 14:16
Hihi, 很開心有你們這麼用心良苦的好老師, 我仔3歲幾就開始學鋼琴(現已3年多了), 我自己對鋼琴只有少許認識 ...

其實如果小朋友唔肯練琴，是否代表他根本吾中意？

要用到reward，威逼利誘去令小朋友去上堂，埋琴練習，是否表示小朋友根本吾想學？
我身邊真係不少這類小朋友，但大人仍堅持要小朋友去學去練，為咩呢？

小朋友真係中意的，無得彈琴個日會唔開心，還會想辦法去琴行走一轉彈下，過手癮的

karchoice1

yannie_man 發表於 16-8-2 16:34
小朋友可能對鋼琴冇興趣，可以試其他樂器或其他佢鍾意嘅興趣！有興趣的確會事半功倍！



  ...

我有試過呀.. .. 我話一係唔好學琴, 試下學第2樣啦! 反正佢又唔想練, 但是佢唔肯呢,佢情願上琴.... 佢話唔想學其他..

joey.nicolette

唔係，我有學生佢係好鍾意小提琴，佢屋企無迫佢學，唔鍾意可以唔學。但佢中期佢都係唔練琴，佢有時玩完太夜練唔到，同佢唔知練黎做咩

LeeCC

joey.nicolette 發表於 16-8-2 22:47
唔係，我有學生佢係好鍾意小提琴，佢屋企無迫佢學，唔鍾意可以唔學。但佢中期佢都係唔練琴，佢有時玩完太夜 ...

其實真係好中意的，唔使知練來為乜架，有的彈就好開心，彈琴系享受，我仔就係甘，我識得兩個小朋友都係

有時我地要全日出街，提早通知阿仔，他會出門前彈一陣，但如果要好早出門，他會問中間有無時間可以去到某幾個商場，因為某幾個商場有通利或柏斯可以讓他過手癮，如果都唔得，第二日他會自己彈好耐

karchoice1

LeeCC 發表於 16-8-3 00:28
其實真係好中意的，唔使知練來為乜架，有的彈就好開心，彈琴系享受，我仔就係甘，我識得兩個小朋友都係

...

你小朋友幾大? 小朋友自覺做任何事都會事半功倍, 但是真係好睇佢自己的點睇, 我果個成日懶懶行, 我昨晚又同佢講不如轉其他野學啦, 畫畫, 唱歌.. 都好, 佢又話中意上果個老師嘅堂.. 3歲多初學時佢真係幾抗拒, 呢2年就好好多, 唯一就係唔多練琴, 我都無迫佢練, 總之佢1星期練2次就可以. 所以進度慢DD

mansum92

你小朋友個情況同我表妹好似，都係唔肯練琴，但係話唔學又會喊，最後係老師唔教，咁之後就冇學。其實一星期練兩次係初級時期就可以，但係有養成固定練習時間，再高級d既歌handle唔到

karchoice1

mansum92 發表於 16-8-3 11:45
你小朋友個情況同我表妹好似，都係唔肯練琴，但係話唔學又會喊，最後係老師唔教，咁之後就冇學。其實一星期 ...

哎.. 佢想彈自己中意的歌, 又或者我應該建議老師比多D 兒歌/ 聖詩佢彈..建立佢多D自信 .

LeeCC

我仔都係中意彈自己中意的歌，所以老師叫他自己自學，練到甘上下有信心時就彈給老師聽，如果練得好d功課就幫他執下當獎勵

LeeCC

karchoice1 發表於 16-8-3 11:18
你小朋友幾大? 小朋友自覺做任何事都會事半功倍, 但是真係好睇佢自己的點睇, 我果個成日懶懶行, 我昨晚又 ...

八歲，他由三歲半開始學起，無抗拒行為，每星期都期待上堂，學校考試期間練琴時間短d都好失望的哭一餐，我估因為真系好中意，這解釋他為什麼會自覺練琴