培僑的優勢和不足

tcet

優勢有很多：
1. 優質校舍
2. 極豐富的教學資源（去學校睇下就知，好多超級富豪捐錢）
3. 小班教學，雙班主任制度
4. 活動教學，學生學得好開心
5. 校長好有心，為了學生能夠升學有前途，想好多辦法幫學生（但不是強調催谷），而是與不同地方，特別是英國大學建立聯系（北京大學、清華大學都有，聽講好似澳洲大學都有）
6. 小朋友的普通話非常好
7. 很多活動，讓小朋友非常活潑及主動，性格發展全面
8. 我見老師都很年輕，很有活力，自己開發課本呢樣野真係值得大讚，證明有自己的理念。
9. 個人很buy學校的“中國情懷、國際視野” vision
10. 學費唔貴

不足：
1. 英文方面顯得比較普通了，與其他優勢環節不在同一水平。
2. 位於山邊，交通比較不方便（小問題）

純粹個人意見發表下。

牛仔小怡

想請問英語稍遜是從哪方面得出？

bobpinpin

多謝分享。請問科普的教育是否學校教育重點?

angelaaki

十分同意第二點，現在只能觀望學校能否善用資源增值學生的能力。

9284

回覆 牛仔小怡 的帖子

我又唔係咁睇, 我小朋友現在小三, 無錯, PK的英文沒有書, 是自編教材, 有本自印的GRAMMER BOOKLET(內容和出面一般同級學緊的GRAMMER差不多, 當然相比起谷的小學, 一定無咁進取), 但除此之外, 佢地教學的模式好似出面國際學校咁, 每個MODULE有一個特定的題目, 如: HONG KONG, SPECIAL PLANTS, SHOES, DIFFERENT COUNTRIES, LEAVES, ORGANS............唔單止小朋友一齊做PROJECT, 仲有PRESENTATION, 仲會學到書本內該TOPIC的不同知識, 比起出面D一般小學, 佢地唔會局限於小朋友每天只係坐定定, 好單向咁聽老師講野, 一坐就坐六年 , PK係要小朋友多聽多講多看書, 每日英文功課得好少好少,有時甚至無功課 , 老師想比多D時間你看書, 早上還有早讀時間和英文報紙時間, 你話佢地課程淺又得, 深又得, 因為佢地唔會好填鴨咁灌D硬知識入小朋友個腦度, 有時我個女同我講佢在學校學左D咩, 有時連我都聽唔明, 有D英文字連我都未識.........而家D家長好得意, 一定要D小朋友學校多功課多EXERCISE BOOK先叫做學到野, 識到野, 我只係覺得果D家長目光太過短淺了, PK一讀就12年, 佢地主張慢慢教, 你急佢唔急, 慢功其實真係出細貨的

另外, 英文老師每時每刻都係同小朋友ENGLISH SPEAKING, 當然唔係NATIVE, 但我又覺得OK啦, 一個在外國浸過咸水的老師, 英文一定好過我, 流利過我就得了, 而且每班都一定有D非華語學生, 小朋友都玩得好埋, 我自問我小朋友英文唔係流利, 但我在家長日見到佢都同其他NATIVE ENGLISH的小朋友一齊玩, 根來佢地由一開始讀PK就同呢班非華語小朋友相處, 唔怕講英文, 句子可能有時唔通順, 但係鬼佬D英文也不是百份百正確, 上堂落堂都有老師講英文, RECESS有NATIVE小朋友一齊玩, 我真係一D都唔擔心我小朋友在英文方面的優勢不足

yyctma

回覆 tcet 的帖子

普遍培僑小朋友英文能力好過中文好多喎...

我地家長一向都知培僑英文強，中文一般。

tcet

培僑英文強，中文一般？？

不會吧！？

glorialee923

dunbinex 發表於 17-5-14 17:05
請問培僑數學用普通話教，小朋友容易跟得上嗎?

數學是普教的，同學很易跟上沒有問題,因為小一開始他們的普通話能力已很強

9284

完全同意，中文真的一般，雖說普教中，也用國內教材，但可能真的太深，小朋友其實好多時唔係好跟到D進度，得過且過，老師都知，小三分分鐘都教緊小五的內容，但又真係的確用緊國內小三的書，所以我覺得入面D家長都好識自動調整心態，總之match到出面一般小學的進度就ok了

jamlee309

中文真係深！生字超深

angelaaki

我女未悉普通話...中文又麻麻...點算?

kvvvcheung

tcet 發表於 17-5-10 01:03
培僑英文強，中文一般？？

不會吧！？

校長係咁講

angelamenda

glorialee923 發表於 17-5-18 18:29
數學是普教的，同學很易跟上沒有問題,因為小一開始他們的普通話能力已很強
...

請教各位現任家長，培橋除咗普教中，其他科用英/普/粵教呢？
數學用普教，dse 係咪考中文卷？大學時會唔會好多 terms 都唔識？謝謝

ccycsy

回覆 angelamenda 的帖子

到了中學數學用英文教，不過不用擔心，如果是由小學部直升的學生，在數學方面應該不會有很大問題，因為他們在小學時的英文基礎打得好。

沙田有

tcet 發表於 16-12-22 01:51
優勢有很多：
1. 優質校舍
2. 極豐富的教學資源（去學校睇下就知，好多超級富豪捐錢）

看了樓主的貼 覺得你寫的非常中曬我心意 請問你孩子依家讀成點啊？可以再講多的資訊來聽聽嗎？我本人英文唔好，請問培僑家長需要唔需要很好的英文水平來配合學校同協助孩子？

jamlee309

沙田有 發表於 18-5-23 15:31
看了樓主的貼 覺得你寫的非常中曬我心意 請問你孩子依家讀成點啊？可以再講多的資訊來聽聽嗎？我本人英文 ...

家長不需要英文很好，因小朋友能自己做功課及project, 學校主張他們討論題目，之後自己各自上網找尋資料！大家討論完後再每個同學向大家講解，目的訓練他們信心及面對同學仔present