如何教導有自閉傾向的小朋友戒片﹖

christinatse

我的小朋友約兩歲三個月，只能偶然說單字，在他不懂表逹的情況下，如何教導他戒片﹖   

承承媽媽

christinatse,

我仔仔依家三歲三個月左右大,佢都係今年四月中開始才戒片.其實幾時戒片要睇你怎樣想:你是否很介意別人話(尤其老人家)點解咁大個都唔同佢戒片?
要幫他們戒片,先要他們明白去廁所是做甚麼!我家少爺因為返全日制的幼兒園,所以他有八個月是著住片片返學的.到了再大d(約今年年初),學校的嬸嬸會嘗試幫他解開片片,讓他嘗試自己小便.他在學校都有很多次做到之後,又剛好準備天熱了,要換夏季校服時,就讓仔仔在學校和家中統一戒片.
幫他們戒片首要是你每半小時帶他們去廁所小便,而不是要求他告訴你,好像我仔仔,佢依家在家時覺得有需要都不會話我知,反而自己走去廁所,自己除褲小便再著番褲,他也不會告訴我知.而出街就更加不用指望他告訴你.   

所以如果你忍得d嗡嗡聲在你耳邊o依o依哦哦的話,讓他三歲才戒會好d.大家都無咁辛苦.

我抱著上面的心態和方法,所以我仔仔用兩個禮拜已經戒了片,而且唔需要我帶佢去,佢有需要佢會自己去小便了.   

kmwun

christinatse

當年我都係順其自然，仔仔返幼稚園前的夏天足三歲，但行埋啲洗手間個大口仔就好似會咬佢咁，唯有叫隻佬去洗手間就捉埋仔仔入去觀摩，卒之突然間開竅，兩個星期之內介晒日夜片，重甚少賴．

christinatse

多謝大家的回應。我咁心急同仔仔戒片，因為一來怕佢熱得辛苦，二來怕他入讀幼兒園會同小朋友唔同，而幼兒園的老師又要求我同仔仔戒片，我以為他們不會幫仔仔戒片。