x峰畫廊 (純分享)

heisun

x峰畫廊是出名, 但有幾樣野我係接受唔倒的, 所以最後也cut 了。
想報名的家長, 排到你你當然會好奇點都試下, 但勿讓一個「出名」衝昏了你的頭腦, 好好冷靜諗下其畫廊是否值得或適合你的小朋友。


以下意見只供參考, x峰的 Die hard fans 不喜勿插, 唔好睇就好了:

1) 最最最接受唔到係--- 無論佢打電話話你知有位, 到你上去報名, Counter 個姐姐會好似傳銷咁潛移默化你: 「你排左幾耐呀? 」 「恭喜你喎, 終於排到!」太commercial 了!
可惜其實我唔係排左好耐 =P

2) 老師上堂時會續個steps續個steps教可以理解, 但要數「1,2,3 停手」(仲要將手舉高以表示停手), 感覺太奇怪.....其實講真, 畫一幅畫每人也有快慢, 每人要表達的也可以不同, 為什麼一定要步伐一致呢?
(或者原因是令老師容易控制進度, 到落堂時俾幅靚畫俾家長睇gra...)

3) 我囡囡有個朋友一齊上堂, 想同老師講一齊坐, 老師的第一個即時反應是「唔傾偈咪得law」
畫畫唔傾得偈係第一次聽!! 興趣班是leisure bor! 現在不是中英數補習班呢?
個人覺得畫畫傾下偈也是一種交流, 當然你唔好大聲講大聲笑嘈到其他人啦

4) 以一個4-5歲小朋友來說, 每次出來的畫是靚的, 但我不是太喜歡老師會話俾小朋友聽呢個area 要上什麼顏色...這樣的規定上色, 出來的畫當然係靚, 但創意何在? (其實談不上是創意, 應說畫畫應有的自由度)

最後我們選擇了一間普通的畫室, 學生可以自由揀位、自由交流、自由上色、自由發揮 (畫的主題是一樣個出來的效果大不同).

不過試過呢d 所謂出名的畫廊, 也是一個很好的經驗...

Jane1983

第三點，我覺得老師處理ok wor。小朋友傾起上來，有時會停晒手，亦可能嘈住其他同學。上堂有秩序要求係好正常。安排位置前講好要求，好過嘈先話小朋友。

而家好多畫室，唔只第四點建議用色，仲會幫小朋友執畫，靚到唔合理，仲離譜。

利申：唔係x峰用家和fan

964000

heisun 發表於 18-1-13 00:18
x峰畫廊是出名, 但有幾樣野我係接受唔倒的, 所以最後也cut 了。
想報名的家長, 排到你你當然會好奇點都試下 ...

請問那裡有自由畫的畫室?我都想搵

heisun

Jane1983 發表於 18-1-15 10:06
第三點，我覺得老師處理ok wor。小朋友傾起上來，有時會停晒手，亦可能嘈住其他同學。上堂有秩序要求係好正 ...

同意你所講, 所以我大前提都講到不要大聲講大聲笑嘈到其他人。
只係我覺得, 興趣班若不能傾偈就太苛刻了,
老師亦應該可以處理到一般的秩序,
而不是絕對的Clear cut 「唔傾偈就得」。



建議用色可以, 但她們不是建議, 而是指示
所以我選了另外一間啦=)

Chloejai

回覆 964000 的帖子

我同其他小朋友嘅家長都有間中交流下唔同嘅課外活動。
仔仔之前有試過系觀塘樓上畫室學畫畫，但因為要跟住老師框架畫所以學咗好短時間佢就唔肯再上。始終小朋友想樣樣都試下，太多限制反而會令佢唔鍾意。

之後搬屋就轉咗去而家呢間，系藍田麗港城，嗰名叫Skylette Education。覺得幾好，老師肯比彈性同自由度小朋友發揮，可以自己揀主題，呢樣我比較重視。近排仲介紹埋仔仔嘅2個同學一齊學，佢地都enjoy。你有興趣可以自己查下。

其他區域我就唔太熟啦。睇下有冇其他絲打可以幫到手。

cowmoon

我女兒在 x 峰學了畫足足7年多了。我想從大家會認為是 "die hard fans" 的角度探討一下學美術的問題。

我選擇 x 峰最初純粹是因為我的親人有孩子在讀，她順便幫我當時是 BB 的女兒登記，四歲時，果然x 峰就打電話來有位，因為我是排了四年，而當時 x 峰最細要4歲才可入讀。

去x 峰前，我女兒去過 Anatassxx，都畫得開心架。轉，因為當時 Anatassxx搬舖，感覺x 峰平 d 穩定 d。之後就畫到依家啦。所以我唔係咩 die hard fans 只係沒有原因去轉。

當初初入畫班時都有 discipline 既問題，坐唔定啦，唔專心呀，手腳慢啦。其實這不是孩子的錯，只是 4 歲人仔，如果孩子真係不喜歡坐定定，不如遲少少才開始上畫班，畢竟畫班不應是學 discipline 的地方（當然也不是 socialise 的地方），一堂 x 峰畫班係最少 90 分鐘的，還時不時"留堂"。情況其實和學琴一樣，要專注，當然，學琴 "大鑊" 過學畫畫好多。如果要求玩要 relax 點解唔去 playground（不是貶義，去 playground "free play" 係學到好多野），或者去 art and craft 的 playgroup，到小學時才去"畫班"。

另外，我比較唔同意係老師教畫法就會打沉小孩子的創意。以我所知， x 峰有自己的 curriculum，每一堂有學習目標（其實同學校視藝科差不多），例如今堂係咩畫法、咩色調，所以老師會有所指導，也要求學生在堂上習作展現出來（但每個學生畫的畫還是有不同的面貌的）。

我覺得去畫班就是去練習一些基礎理論和技能，讓你有自己的創意時，你有技術去把你的創意展現出來。學書法、學音樂，甚或是學寫文章，在作文課裡我們不會認為學習不同的範文、 genre、修辭技巧、生字等會影響學生的創意，因為我們接受學習這些 domain knowledge 才能提高其創造力。還什麼我們就這麼擔心老師教學生「看！樹葉的綠色是這樣調出來的！」會影響其創意呢？

女兒有一份學校設計科功課，係分析人類美學觀感的某種普遍性，例如黃金比例，Glossy Bias，我覺得這個學習角度好好。從小接觸美學的 what 和 how，大了就可以去思考美學的 why。去畫班只係學 what 和 how 學得比較仔細一點，其實我們人人也識畫畫。

P.S. 接待處兩位姨姨是單純地認為排到有位是「值得恭喜」的，因為她們真心覺得自己老師有心教也識教，而她們也不用 sell 任何課程和產品，她們的責任只是確保學生有準時在每月開課前交學費，而且到依家都仲係 mark 簿登記，我反而覺得她們好像上一代人。