小女中二平均分不合格，可能要留班。轉校還是留？

christy_siu

小女中二派了成績平均分不合格，可能要留班。轉校還是留？

Jane1983

已經有轉校offer？無的話，而家先搵會唔會比較遲？

christy_siu

回覆 Jane1983 的帖子

因為今天先出成績，所以如果留班，唔知轉唔轉校好。但小女不想轉🤧

Jane1983

christy_siu 發表於 19-6-27 22:43
回覆 Jane1983 的帖子

因為今天先出成績，所以如果留班，唔知轉唔轉校好。但小女不想轉🤧 ...

要睇學校好唔好，值唔值得留。亦要睇讀得唔好的原因，留一年係咪可以解决問題。

轉到邊間學校？係轉校升班？定係轉咗都要留，都有唔同考慮。你今日先知成績，聽日打電話去其他學校問吓。事實上，如果你讀緊果間幾好，而家急急脚比你搵到插班的學校，亦未必係你的心水。

christy_siu

回覆 Jane1983 的帖子

對呀，小女讀的是沙田區Band 1A校。已經是最好的學校了，所以也煩惱中，因為學已說了平均分不合格有機會，但要看留班位。

bforbtec

中五band 1b 女校

我見過留班 三年

留班留到有份拿4000蚊

你要思考下, 繼續玩落去

會否 中二留完班, 俾人再留班

名校是敢做得出的. 想整好學校考大學盤數

你女兒愛學校, 但學校有冇愛過你女兒?

學校隨時根本想你個女走, 用留班形式迫你自己走

轉個戰場, 中二 升中三 暑假備戰中三

我自己建議離開, 轉個新環境  重新上路
你女兒不想轉, 因為朋友 在此裡, 面對轉變

同埋轉校, 代表認輸

但你必須思考玩落去, 你個女兒的尊嚴 會如何?

如果俾升班, 我建議不轉校

留班就認真考慮走

Jane1983

christy_siu 發表於 19-6-28 00:12
回覆 Jane1983 的帖子

對呀，小女讀的是沙田區Band 1A校。已經是最好的學校了，所以也煩惱中，因為學已說 ...

佢平均分唔合格，係課程和她的程度差太遠，科科都有問題，定係一科差拉低？你平心而論，佢如果暑假肯努力，有無能力追上進度？如果根本老鼠拉龜，就要考慮學校係咪唔適合佢。

可以試升，會留係學校。要留班，就會考慮上面所講，以及轉校的alternative。而家咁急搵，如果只搵到band2尾band3頭學校，你亦要仔細考慮。成績係一樣，驚學壞亦係一樣。

0030

可能要留班而已，睇定點先做決定～

55104035

不應馬上轉校, 我寧願留班睇定D, 下年REPEAT 都成績不好, 才考慮轉, 如果轉了BAND2/3學壞仲慘.
我小朋友成本書背了, 但在答題技巧上出現好大問題, 要去補補了.

christy_siu

好多謝甘多位意見, 我問了女兒的決定, 佢自己都唔知想點.

我都好煩惱, 佢好似自己都唔知自己想點, 問佢佢又唔答, 問多2句只係識喊!

見佢考試都好用心溫書, 只係數學拉抵晒分數!

Jane1983

christy_siu 發表於 19-6-28 11:06
好多謝甘多位意見, 我問了女兒的決定, 佢自己都唔知想點.

我都好煩惱, 佢好似自己都唔知自己想點, 問佢佢 ...

考試前有用心温書，做得唔好識内疚會喊，學習態度ok。只係一科數學唔合格，亦唔係中英數全部唔得，情况唔係太差。

如果真係好唔想留班，可以試吓去搵班主任求情試升，承諾暑假會好好追番科數。你女唔係通炒，應該有得傾。

nomoreexam

christy_siu 發表於 19-6-28 11:06
好多謝甘多位意見, 我問了女兒的決定, 佢自己都唔知想點.

我都好煩惱, 佢好似自己都唔知自己想點, 問佢佢 ...

想當年我都數學差，搵個名師補下，就救得番數學，會考仲有D,所以你唔駛灰心住

2jkidsfather

christy_siu 發表於 19-6-28 11:06
好多謝甘多位意見, 我問了女兒的決定, 佢自己都唔知想點.

我都好煩惱, 佢好似自己都唔知自己想點, 問佢佢 ...

如果只係數學拉抵晒分數，
又如果只係低過平均分不多，
轉校是否太過份？

asdflive

christy_siu 發表於 19-6-28 11:06
好多謝甘多位意見, 我問了女兒的決定, 佢自己都唔知想點.

我都好煩惱, 佢好似自己都唔知自己想點, 問佢佢 ...

其實如果只係數學低就相對語文易搞，因為多數只係概念搞唔清，但佢數學低到拉平均分唔合格？

mcl203

christy_siu 發表於 19-6-28 11:06
好多謝甘多位意見, 我問了女兒的決定, 佢自己都唔知想點.

我都好煩惱, 佢好似自己都唔知自己想點, 問佢佢 ...

如果你囡係讀1A中學，應該有些專補貴校既補習社，或許可以試試，睇多一年再決定～～～

ANNAFRIEND

恕我直言，如果只數學科拉低平均分，其他不太差也不致平均分唔合格，相信其他科也不高才會有此現象。不過你囡囡學習態度好，遲早追回來，我係你唔會轉，留一年好好重整旗鼓，比多次機會女重新出發。

October.

沙田B1A校，唔知邊間？

如果係TST，數學中二會深咗好多，中一數學老師已經提同學們，取唔到70%分，上咗中二會好危。但係如果你女文科分數好，唔會拉到唔合格既，鼓勵下佢努力啲，捱過初中，到高中避開理科，到時會係另一番天地。

TST老師、甚至係由彭太領導既JUPAS升學團體（唔知彭太退休未？），真係好幫到學生，由第一日家長會開始，好俾到信心和鼓勵學生與家長，有比較過就知人哋成績好，學校真係做唔少野。所以，囡囡升到班就唔好放棄。

洋蔥頭媽咪

October. 發表於 19-6-28 19:32
沙田B1A校，唔知邊間？

如果係TST，數學中二會深咗好多，中一數學老師已經提同學們，取唔到70%分，上咗中 ...

我大約都估到樓主女女邊間，該校測考都深，樓主有提過小朋友當年1B成績搏上，所以要好努力追先得。

恕我直言，學校係好，但樓主必須考慮小朋友能力是否能應付，否則只會有更大錯敗感，如決定留班便要好好利用呢年努力去追，或者補習打番好個底，上到S3係最多科目亦係要選科嘅一年，若成績差未能獲派心儀選修科目，影響將會更深遠。

October.

洋蔥頭媽咪 發表於 19-6-28 21:03
我大約都估到樓主女女邊間，該校測考都深，樓主有提過小朋友當年1B成績搏上，所以要好努力追先得。

恕我 ...

原來唔係TST, 我見樓主話係沙田最好學校，我誤會咗，可能我OUT啦.

樓主女數唔好，咁估計高中唔會選理科，文科應該有位既。

gracelam

christy_siu 發表於 19-6-27 20:32
小女中二派了成績平均分不合格，可能要留班。轉校還是留？

除左數學拉低, 應該係其他科都合格邊緣包括主科, 我知有D中學中英數主科 x 3, IS x 2, 如果咁情況, 平均分就唔合格。

如轉校, 有心理準備band 2中學未必收, 留班又要過到自己心理關囗, 因為同輩成為師兄/姐。

好好同小朋友傾下, 分析利害。