專注力不足

Web

囡囡剛入幼兒園不久, 便經常被老師投訴成日四圍走, 唔肯坐定定聽書.  請問有甚麼方法可提高專注力?

tuenyima

請問你女兒幾大? 如果剛入幼兒園,我諗都係2歲至2歲半左右,坐唔定四圍走係好正常,所以先俾佢地返幼兒園學吓規矩,遲d你就會睇到佢o既進步,這些相信有經驗的幼兒園老師都應該知道,為什麼會投訴呢? 你女兒讀那間幼兒園?

loklokc

Web

如果個小朋友之前都無返過學, 去到新環境, 一定四圍走, 探索下.  個老師唔駛投訴呀!  佢講野悶呀? 個老師有無高見呀?

捉棋最能提高專注力, 不過, 咁細個, 不適用.  妳可以在家同佢玩上堂.  又或者坐兒童台椅, 陪佢玩玩具.  初初五分鐘, 然後加長D.

如擔心, 可請教專業人員, 例如 : 協康會.  不過, 我覺得俾D時間小朋友適應下先.

loklokc

Web 寫道:
囡囡剛入幼兒園不久, 便經常被老師投訴成日四圍走, 唔肯坐定定聽書.  請問有甚麼方法可提高專注力?[/quote]

joyfulyan

女女幾多歲呀，我個仔仔都系咁，我睇書話lee個系佢地依家既特性，所以可以不用太緊張。 :wink:

Web

我囡囡兩歲多少少. 佢的個性是極其活潑(我有時都驚佢有過度活躍症), 在家一分鐘都唔會停. 玩任何玩具最多玩三.幾分鐘就厭. 我都知小朋友個個都係活力充沛, 問題係老師話佢再係咁, 會影響將來學習, 咁我無得唔理.  

tuenyima

Web:

其實我個女都係2歲多少少,而自佢10個月識行以來,佢都係除咗睡覺係唔會停落o黎的,樣樣野玩三幾分鐘, 我初時都擔心佢係過度活躍症,但時間証明佢係會進步o既,因為亞女1歲2個月時,我俾佢返playgroup,雖然有大人陪全佢,但佢都係不受控制地四圍走,攪攪震,自己鍾意做咩就做咩,但一個月,三個月,半年....時間一路一路咁過,佢o既專注力一路一路咁improve,一堂(2小時)課可以有大半時間聽指令,坐定定喇.  當然,你唔可能要求一個2歲左右o既小朋友可以坐o係度成粒鐘唔郁聽你講野啦!

俾d時間佢啦,透過群體生活,佢會慢慢學識"規矩",專注力亦會逐步改善,如果老師及學校課程吸引孩子興趣的話,改進程度會快d.

愈聰明o既小朋友就愈喜歡探索, 但過度活躍症係唔會用o係一個只有2歲o既小朋友身上,通常有4-5歲先至現形. 恕我直言,你囡囡的老師好似欠缺這方面的知識同經驗,而且開咗學咁短時間就同家長咁講,會令家長很擔心的,仲話影響將來學習,我覺得言之尚早囉! 總之都係應該俾d時間小朋友學習群體生活,學守規矩,到佢4歲左右都仲係咁先至擔心都未遲.

如有得罪,請多多包涵!

joyfulyan

我始終覺得你不用太擔心，你女女之前未試過返學，屋企同學校系兩種生活，你在家是不會有時間表規定佢做什麼，但在學校要大圍定時定候做唔同活動，又點同，個老師話你女女太活躍，但憑你最了解你女女，佢平時去公眾場合又如何，是否真的與其他小朋友特別唔同？ :

CL322

Web,

我非常明白你的憂慮.  老師的concern亦不無道理.
專注力是要自小培養.  專注力與好奇心是兩回事.  沒專注力唔等同有好奇心.  有好奇心的小朋友唔等如不專注.  而且, 專注力的高低, 在香港的教育制度下, 是正比的.
不過你bb仲細, 還有時間去培養的.
藝術或運動方面的活動是專注力培養的好開始. 但記住, 千萬唔好迫佢去做, 為免帶來負面影響. 當佢有些少進步時, 要立即讚許.  有些機構舉辦的幼兒課程, 可能會按你bb的情況給你多些意見.