[分享] Absolute Pitch冷知識

fingers_party

以下文章是回應日前會員Hoba有關Absolute Pitch 的提問。

整體上同意RMA的說法，但有數點想補充一下，如有不同意煩請指正。

Absolute Pitch (絕對音準)，又名Perfect Pitch，指的是在沒有任何的聲音提示下，單憑用聽覺分辨出不同的音高。這是天生的能力，科學家已找出與Absolute Pitch相關的遺傳因子，可見這是與生俱來的能力。

Absolute Pitch的擁有者也存在能力差異的。有些是由測試者彈奏一個音(例如B音)，有Absolute Pitch的就能告訴你那是B。更厲害的能分辨同時彈奏、完全無關的幾個音(不是chord)。還有一些能告訴你那個音是在B與C之間，但較接近C(這多出現在由弦樂器彈奏的音，因鋼琴的12個鍵是固定的)。據外國的研究數據顯示，有Absolute Pitch的人佔全部人的百分比約千份之一，但近年卻有上升的趨勢(現在的孩子越來越聰明了)。

Absolute Pitch是沒法透過訓練而獲得的，但習琴者可以透過訓練拉近與Absolute Pitch能力者的距離。這些訓練包括1. 反覆聽音並嘗試彈出相同的音；2. 先後彈奏兩個音(前者知道音名，後者不知道)，用之前的音來估計/推算後者的音名；3. 彈奏不同的和弦(chord)，讓學生分辨後者是那一個調，或要求他分辨出那個是major還是minor chord等等。以上的都是Relative Pitch (相對音準)的訓練方法，那是在提供指示音的情況下，辨認之後音調的能力，那對學琴者也有很大的幫助。(續) :

Rachethew

hi, fingers_party,

請再分享多些關於 perfect pitch 嘅 information，因為我囡囡 and 囝囝都同時擁有 perfect pitch。 Thanks a lot!

RMA

千分之一，我就唔敢講係o岩定係唔o岩，但有 perfect pitch 仍然係少數o既。我學生們只有十分一有 absolute pitch。大家一定覺得係天份，有優勢，但我可以話比大家聽，呢幾個學生其實係我最懶散o既學生。

對於有 perfect-pitch o既學生，我唔否認係有d 天份，但我只會欣賞勤力o既學生，相信大部份老師都會同意。

Sindy

RMA 寫道:
千分之一，我就唔敢講係o岩定係唔o岩，但有 perfect pitch 仍然係少數o既。我學生們只有十分一有 absolute pitch。大家一定覺得係天份，有優勢，但我可以話比大家聽，呢幾個學生其實係我最懶散o既學生。

對於有 perfect-pitch o既學生，我唔否認係有d 天份，但我只會欣賞勤力o既學生，相信大部份老師都會同意。

我女就係呢類懶學生......練幾練就搞掂7成...跟住就唔練啦,次次交功課都係唔足既

Sindy

Hoba 寫道:
Dear Sindy,
有沒有出讓過小提琴而交收地點是旺角?如是,真的很巧合了
hoba

真係幫朋友賣過一個,好似都係旺角...都好似年幾前啦....果時我女啱啱學琴,我都好似放係二手市場.....不過唔記得了

RMA

Sindy,

咁樣講, 其實我就記起我中學讀過o既一課 "傷仲永"。

fingers_party

Rachethew & RMA,

千份之一的比率只是外國其中一項研究的結果，實際比率在不同地區，不同種族也存在差異。而且每項研究對絕對音準的定義也不同，單就筆者前文所述的已有三個標準，故比率小也不足為奇。可惜的是本港並沒有類似的研究/統計。

有絕對音準是好事嗎？
答案是：有好處，也有壞處。但整體上好處較多。有Absolute Pitch 的人，一般擁有較佳的視譜能力，對音調的感覺較敏銳，故學習進度應較一般學生快。這當然是指學生願意花時間用心練習的情形，學生懶惰的話，再厲害的天賦也沒有用。

另外，Absolute Pitch的能力是需要開發的，就好像未經雕琢的玉一樣。需明白的是這不是「耳朵」的能力，而是「腦袋」的能力。即使擁有Absolute Pitch的學生，沒有適當的運用技巧，能力也隨之而大大減弱。適當地加以利用的話，Absolute Pitch可覆蓋的範疇可以更廣泛。

正因為有Absolute Pitch的人有不俗的辨音能力，再某些情況下反而會帶來的負面影響。例子之一是彈奏一個走了音的鋼琴時，有Absolute Pitch的人會覺得渾身不自在。即使是彈對了音，因為琴鍵走了音的關係，會以為自己彈錯了，從而打亂了演奏，或造成一定程度的心理壓力。這正好解釋了鋼琴演奏家為何會對琴鍵音調有極高的要求。雖然有名的鋼琴家也不盡是有Absolute Pitch的（例如Rubinstein有絕對音準，Safanoff則沒有）。

筆者也擁有Absolute Pitch，是到了小學時才給第三位老師發現，及到了大學修演奏時，才學會如何充份利用這種能力。總括來說，筆者認為Absolute Pitch只是一份給習琴者的小禮物，不小心保存的話會很容易丟失。學習音樂是漫長的、需要持續付出努力、精神和時間的路，古往今來也沒有一個例外，願共勉之。 :wink:

加利福尼亞大學（University of California）有一項關於Absolute Pitch的持續研究，有興趣可到以下的網頁看看：http://perfectpitch.ucsf.edu/ppstudy.html

  

Rachethew

Hi, fingers_party,

非常多謝你嘅分享！
正如你所說，雖然擁有 perfect pitch 嘅能力，但若唔加以利用就會流失。請問你有什麼方法去 keep / further develop perfect pitch 嘅能力呢？因我怕我囝囡嘅能力會慢慢流失！

Sindy

RMA 寫道:
Sindy,

咁樣講, 其實我就記起我中學讀過o既一課 "傷仲永"。

才疏學淺．．．．即係咩呀



Hoba,
相反呀．．．佢唔練琴架．．．連基本上好想掂下個琴都無．．．佢可能唔鐘意．．．我由得佢唔學囉,但小提琴就比佢吊住先．．．．平丫麻．．．１３０一個月 係音統由beginner開始學呀．．．比佢side下時間囉．．．仲十幾人一班.....

JP

RMA 寫道:
大家一定覺得係天份，有優勢，但我可以話比大家聽，呢幾個學生其實係我最懶散o既學生。

對於有 perfect-pitch o既學生，我唔否認係有d 天份，但我只會欣賞勤力o既學生，相信大部份老師都會同意。

RMA,

你有冇研究過點解果幾個有d 天份學生係最懶散o既學生呢?作為老師、家長應點樣幫佢地一把呢? Thanks for sharing!

RMA

JP,

佢地唔練琴，好明顯就因為佢地好快就記得個音樂，就算唔睇譜就識彈，小朋友同一般學音樂o既人其實都只係會唸我彈o岩哂 d 音，你仲想我點啫，由於佢地好快就會識彈哂 d 音就冇乜心機做 detail 野啦。唔想練，偏偏 sight-reading 佢地亦唔係最差o既，仲唔係最懶散?

作為老師，應該好似阿媽咁日哦夜哦。我最多只能夠係咁做...
叻o既學生就講多 d details 同 musical / feeling 比佢地唸同做，差 d o既又懶o既恕我無能為力。好彩呢一兩年，我收o既都有返咁上下，而差o既我都 quit 哂lu...

好多野都係靠自己o既，如果我地唔勤力，其實冇人可以幫到我地。係唔係? 玩好音樂亦係要 talent，冇 talent o既人當然可以玩，但唔應該同有 talent o既人比較。但有 talent o既人唔去珍惜，其實就係浪費。

如果你小孩子有天份，無論如何都應該努力，即使要老師/家長付出全部。

carrierogerian

fingers_party 寫道:

有絕對音準是好事嗎？
答案是：有好處，也有壞處。但整體上好處較多。有Absolute Pitch 的人，一般擁有較佳的視譜能力，對音調的感覺較敏銳，故學習進度應較一般學生快。這當然是指學生願意花時間用心練習的情形，學生懶惰的話，再厲害的天賦也沒有用。

另外，Absolute Pitch的能力是需要開發的，就好像未經雕琢的玉一樣。需明白的是這不是「耳朵」的能力，而是「腦袋」的能力。即使擁有Absolute Pitch的學生，沒有適當的運用技巧，能力也隨之而大大減弱。適當地加以利用的話，Absolute Pitch可覆蓋的範疇可以更廣泛。

我的孩子五歲, 都好似以上所講, 可以準確辨認琴上的音, 而且不斷進步, 學琴年多, 而家可以認得所彈過的major & minor scales, 有時兩三個音一起彈(有#, b), 都可以分辨, 仲成日用letter name唱番d歌仔出來. 我自己都有學琴, 但就聽唔哂d音, sight- reading 的能力都無佢咁好, 所以, 我覺得是天生的.
不過, 隨咗好似之前有人提議的練習外, 仲可以做咩, 幫他保持這種能力, 不致丟失呢?請指教.
曾經想過讓他學弦樂器, 但現在他每天都要練成個鐘, 嚟緊老師又話要考試, 我驚佢應付唔到, 會唔想練琴...
仲有, 我最近買了李雲迪的dvd讓他看, 他顯得好大興趣, 還學他彈琴時的小動作哩, 現在, 李雲迪是他的偶像, 練琴的動機大了, 還要我帶他看李雲迪的音樂會. 我想其他家長們也可以試試讓孩子欣賞其他人的表演, 増強他們對音樂的興趣和動機, 都不錯啊!

carrierogerian

RMA

carrierogerian,

perfect pitch 係會消失o既，但唔到你控制，talent 話冇就冇，好似好得人驚咁，有個pianist 佢到左 70 歲先突然冇左absolute pitch...

perfect pitch 亦冇得進步，進步o既只可以係聽音的數目，由一個增加到十個 etc，或者反應快 d，但因為音已經係準o既，冇得話進唔進步...

long your son's talent and interest continue.

carrierogerian

RMA 寫道:

佢地唔練琴，好明顯就因為佢地好快就記得個音樂，就算唔睇譜就識彈，小朋友同一般學音樂o既人其實都只係會唸我彈o岩哂 d 音，你仲想我點啫，由於佢地好快就會識彈哂 d 音就冇乜心機做 detail 野啦。唔想練，偏偏 sight-reading 佢地亦唔係最差o既，仲唔係最懶散?

作為老師，應該好似阿媽咁日哦夜哦。我最多只能夠係咁做...
叻o既學生就講多 d details 同 musical / feeling 比佢地唸同做，差 d o既又懶o既恕我無能為力。好彩呢一兩年，我收o既都有返咁上下，而差o既我都 quit 哂lu...

好多野都係靠自己o既，如果我地唔勤力，其實冇人可以幫到我地。係唔係? 玩好音樂亦係要 talent，冇 talent o既人當然可以玩，但唔應該同有 talent o既人比較。但有 talent o既人唔去珍惜，其實就係浪費。

如果你小孩子有天份，無論如何都應該努力，即使要老師/家長付出全部。

Agree

我的孩子亦不喜歡重覆練太多次, 老師於是乎每次教他4-5首新歌, 另加自己練2-3 首, 還有scale & 考試歌, 每天非要練上一小時不可, 由於他覆琴時想攞a同貼紙, 所以會好比心機練, 當他彈得smooth 後, 老師又再要求大細聲, 重音等. 我覺得一個了解孩子特性和能力的老師亦相當重要.

JP

[quote]
RMA 寫道:
JP,

佢地唔練琴，好明顯就因為佢地好快就記得個音樂，就算唔睇譜就識彈，小朋友同一般學音樂o既人其實都只係會唸我彈o岩哂 d 音，你仲想我點

Zoey

我覺得 perfect pitch 好像對於學弦樂能得到更好的運用, 因為我囡囡同時有學鋼琴和大提琴, 因鋼琴是固定的音準, 但後者就真係要憑耳朵的靈敏度來辨音         !

RMA

Heidi媽,

其實四歲男仔 (我唔係歧視男仔，不過男仔的確係冇女仔坐得咁定) 有心機學，學左三個月，又認得o岩 d 音已經好好。不過呢期我 d 四歲o既認音都唔差... 可能 00 / 01 年出世o既學生 ok 啦 haha...

慢慢黎啦，如果一堂有10-15 分鐘專心已經好好，仲會自動自覺要練，要好好 develope。

不如控制練琴時間，每次只准練十分鐘，每日分幾次練。三、四歲小朋友坐多過十五分鐘都幾難專心o既... 要一次過30 分鐘，其實有一半時間都係玩o既，周圍走，對手彈琴個口講野同時望下電視 (just a bit exaggerated).

Best!