分享下考培正幼稚園的要點

charlotteling

我個B依家18mths, 打算考08年的幼稚園(07年interview), 我想知多點, 現在可以做多一點準備, 有無讀緊和考過的媽咪可以分享下. Thanks.

1, 我個B是12/06/2004出世的, 算不算大仔.

2, 如果住青衣對小朋友面試有沒有影響, 老師會唔會覺得住得比較遠.

3, 他們會較注重什麼.

4, 我知道面試當日, 只是幾個小朋友一起遊戲, 而老師就從旁觀察, 咁家長是不是無野可做.

5, 想問一下各位媽咪, 你地覺得學校收/唔收你的小朋友最主要的原因是什麼.

6, 我現在都有同小B番playgroup, 對interview是否有幫助, 如果再想報一些課程, 有那些較好.

多謝各媽咪的分享

大碼BB媽媽

1, 我個B是12/06/2004出世的, 算不算大仔.
--->唔算, 因為培正有好多係早一年(即留一年)嘅大仔報名.

2, 如果住青衣對小朋友面試有沒有影響, 老師會唔會覺得住得比較遠.
--->唔會, 大碼都係青衣, 下午校車都有好多同學仔, k1 都有4-5個青衣人.未計上午班.仲有同學仔住绵繡花園.

3, 他們會較注重什麼.
--->獨立, 自理能力

4, 我知道面試當日, 只是幾個小朋友一起遊戲, 而老師就從旁觀察, 咁家長是不是無野可做.
--->基本上係, 不過可以早少少去玩一陣, warm-up 一下

5, 想問一下各位媽咪, 你地覺得學校收/唔收你的小朋友最主要的原因是什麼.
--->大碼都幾獨立嘅, 不過正如你所講, 入到裡面唔知問過咩, 所以真係唔多清楚.

6, 我現在都有同小B番playgroup, 對interview是否有幫助, 如果再想報一些課程, 有那些較好.
--->最好比佢習慣自己上堂, 即可以同你分開, 要有你陪住, 幾叻都冇用, 未入去 in 同亞媽分開時已喊, 就   

希望幫到你.

happypenguin

charlotteling,
你個小朋友12/06/2004出世，大部份學校都應該係06年９-10月報名。培正出年應該會收03年9月至04年8月出生既BB)， 07年至報會太遲超齡冇份玩！

大碼BB媽媽

charlotteling,
係喎, 你小朋友應該 07 年入學, 所以06年要報名啦, 今年收緊06年入學, 9/02 - 8/03 出世嘅小朋友, 所以出年收 07年入學 9/03 - 8/04.  

charlotteling

大碼B媽媽 :

Thank you for your useful information.

係呀 ! 我攪錯左   應該是06年報名, 07年入學先0岩, 唔該晒.

獨立能力-是不是可以自已玩, 不怕陌生人..., 還有什麼
而自理能力 - 可以自已去toilet, 食飯, 穿衣服, 鞋襪....

你的小朋友是不是今年剛讀K1, 愉快嗎, 之前都有睇過你們的topic, 為小朋友準備入學的事情, 真是很開心, 希望我也以為我的小朋友而準備.

想問下, 入培正是不是計劃之內還是無心x柳, 之前你會點準備和幾時準備.

培正有無open day 可以參觀下.

唔好意思, 好似好多問題

happypenguin

咁我個B咪係細B  

happypenguin

charlotteling,

你的小B屬適齡。
根據幼稚園選校指南：04年1月出生(07年9月開學足3歲7個月)屬大仔,04年12月出生(07年9月開學得2歲8個月)則屬細仔。[04年９月後出生的小朋友可選擇押後一年07報幼稚園做屬超級大仔!即出年報考培正時你小B將會面對的競爭對手！

彥彥媽咪

想補充:

。[04年９月後出生的小朋友可選擇押後一年07報幼稚園做屬超級大仔! ==>

對培正嚟講係冇得"選擇", 因為佢只係收到該入學年份九月足三歲之小朋友, 所以 04年九月後出生之小朋友一定只可以報 08 年 9 月入學

因此以 chaolotteling 小朋友係 6 月出生嚟計, 都可以講係該學年之"細仔", 因為佢個年最大嘅小朋友可以係 03 年 9月出世個d....即大佢仔仔差唔多一年咁滯....個d先係"大仔"~~
:wink:  :wink:

但好多幼稚園就冇咁嘅要求~

拖特mom

   大碼BB媽媽:                                                           想問你咁小朋友interview果時唔喊又肯自己入課室就俢既機會大増呢?你小朋友果時梗係好叻架嘞,咁難考都掂,好羨慕你呀!

大碼BB媽媽

大碼當時都唔係好叻o架咋, 初初都驚佢會喊(因為剛返 n1 2個月都間唔中會喊), 所以係策略上我叫爸爸同佢去 (因為同我去佢一定喊), 仲要之前食個佢嘅至愛早餐, 再搭至愛搭嘅地鐡同小巴, 早左d去到玩滑梯, 咁出奇地佢又好乖乖跟住 d 童軍哥哥入課室. 出嚟笑笑口咁攞住件玩具, 咁就收左......問佢老師同佢講咩, 佢話-->老師叫我玩囉......

不過有好多嘢我哋都控制唔到, 或者平時同佢接觸多 d 人, 比佢知老師好鍚小朋友, 要有禮貌, 咁樣, 好多有質素嘅幼稚園都會收.

大碼考當日我都冇咩期望平時亦冇咩"特訓", 所以都係呢句:"一切隨緣"啦.

大碼BB媽媽

補充一句, 大碼係2月, 算做大仔, 同埋佢都好高大, 或者有幫助.

charlotteling

大碼BB媽媽,

唔該晒    

我個B依家就唔怕陌生人, 仲係人都say hi, 上playgroup個老師仲話佢好social  social, 如果可以keep住到interview 咁就好, 但小朋真係話唔埋, 但專注力就好差, 坐唔定.  

loklokcarolma

大碼BB媽媽,

您好, 我都好希望囡囡可以入到培正幼稚園, 囡囡是2003年11月出生, 所以要2006年才可考, 今年我都有IN MUNSANG 要1月先知RESULT, 但我明年依然會去考培正幼稚園, 囡囡到時是大仔, 希望有幫助啦.
我想請問如果囡囡考培正幼稚園K1唔收, 培正幼稚園會否收插班K1下學期或K2呢? 機會大唔大呢? 唔好意思問好多問題! 我真係好羡蒙你個小朋友可以入到培正, 需然話用平常心去面對, 但我已覺得很大壓力, 我現在已經好緊張啦!幾時先到明年呀!
    

拖特mom

大碼BB媽媽 :                                                          唔該哂你比啲經驗同心得~唔好咁謙啦!嘻嘻      loklokcarolma:我都想知呀,另外想問有無媽咪知道現培正小學每月學費要多小呀??培正有無waiting list 架?

大碼BB媽媽

培正小學每月學費>$21,500
培正有無waiting list>有, 不過今年好似冇人係 waiting list 入到. (有 bk 媽咪打去 pc 問過)
培正有收插班, 不過唔清楚係咪都要足齡, 我估都要係. 培正個網會有 post, 大家可以上去 look look.
www.pcps.edu.hk

拖特mom

唔該哂

大碼BB媽媽 寫道:
培正小學每月學費>$21,500
培正有無waiting list>有, 不過今年好似冇人係 waiting list 入到. (有 bk 媽咪打去 pc 問過)
培正有收插班, 不過唔清楚係咪都要足齡, 我估都要係. 培正個網會有 post, 大家可以上去 look look.
www.pcps.edu.hk

loklokcarolma

大碼BB媽媽,


Thank you!     

Oscar媽

大碼BB媽媽:

小學學費係全年還是每月$21,500

大碼BB媽媽

全年.

Oscar媽 寫道:
大碼BB媽媽:

小學學費係全年還是每月$21,500

彥彥媽咪

哈哈...等我又嚟補充吓喇~~~   

培正幼稚園會否收插班K1下學期或K2呢? ==> 會收...唔只 K1 2nd term, K2, K3 都會有機會有插班生添...只要有學生退學佢地就會招生 fill 番個位架喇...我個仔前年 (K1) 2nd term 有人退學, 佢地收番一個, 之後今年 (K3) 又因為有另一個學生退學, 響十月個陣又補番一個插班生...佢係民 X 過嚟架..... 我地問佢媽咪 (響旅行個時大家見面), 點解 K3 先嚟轉, 佢話因為培幼可以直升培小喎~~

但因為收唔收插班生係好視乎有冇人退學先會有位 (我仔個班個兩位都係因為其中一個要搬去 HK Island, 另一個因為一家移民先退學咋), 所以根本冇得估佢收唔收, 但若真係收就多數響每年 Dec 收 2nd term 入學, Jun 就收下學年 9 月入學.....要留意, 因為唔多位, 所以培幼係唔會打住燈籠出廣告, 佢地只會響佢培小個網址出個 pop up screen 咁大把, 仲係出咗唔夠幾日就要報名, 睇遲d都走雞架..

上年我就係提咗個 friend 叫佢試幫佢仔仔插 K2 (her son was rejected in K1), 佢話有成 60 人見一個位, FYI la...so you know 有幾多人爭, 心中有數~~~   

但我已覺得很大壓力 ==> 我都係個句, 入到心儀學校固然值得高興, 入唔到亦唔見得係有損失丫....入得培幼十個有九個都係貪可以直升培小而已, 我仔係得度讀, 我就梗係都認為佢辦得好喇...之但係, 咁又係唔係讀唔到佢就代表冇好學校收呢...??     平心而論, 在我嚟講...培小唔係差, 但響我眼中又唔係非讀不可嘅小學囉, 所以呢間唔得可以 try others ma....放鬆d喇....我會支持你架...~~      

拖特mom

K2,K3插班雖然唔係太多人考,但係計落機會仲微潻