我想同個仔申請轉班 :-(

溫柔

我好唔開心,我個仔係學校經常比人偷嘢,(筆,擦膠,間尺..)初時班主任都重會理,但而家就................
我個仔間學校有一本叫成長手冊既嘢,每當小朋友係學表好時課任老師就比張貼佢,貼係成長手冊入面,(如默書90以上就有1個,100分就有兩個,每個月如果冇欠交功課就有4個等等la....係學期尾就會有一個總結,儲夠某個數就會比張奬狀小朋友,表揚佢,事源係咁既.....係上個星期我個仔係學校比人偷晒啲成長貼紙,起佢自己都唔知道,後有個A同學同佢講話佢啲貼紙比亞B同學偷晒,佢先知自己手冊內D貼冇晒,佢放學返到嚟就同我講,我問佢有冇既時同老師講,佢話班主任唔係度,所以冇話到比老師聽,於是我就寫咗封家長信同老師講,內容大致係話,A同學話比我個仔知亞B同學偷咗佢啲貼紙,但係佢唔知道係唔係真係亞B偷,我就請老師查清楚...

溫柔

就即日老師就覆返我話已經處理好,罰咗偷嘢既同學,同我個仔攞返啲貼紙,個仔返嚟我就問佢知唔知係邊個偷,佢話係A,B,C,三個同學一齊偷,我打開佢本手冊一睇,根本就攞唔返晒,重爭成7,8個但係我個仔話:<算數la媽咪,都攞返咁多la,唔緊要la,我自己再慢慢儲過la!>我一聽到就好心酸,好唔開心...我同佢講,<你明日返到學校再同老師講la>,但係老師就答佢已經幫你攞返晒,係得咁多,冇攞少到,跟住就唔理佢,咁件事就不了了之....

溫柔

到咗今個星期四,我個仔一放學就問我佢本成長手冊係唔係冇帶返學校,佢明天要交返去學校,我話我有同佢執到去書包,唔會冇帶,佢就話佢書包到冇,咁我就一返到屋企就即時同佢搵,我反轉晒間屋都唔見,我就同佢講,你明日返到學校同老師講屋搵過晒都唔見,叫老師問下啲同學,下有冇同學攞錯咗,第二日放學我就問佢你有冇同老師講,佢話有,我問佢老師點你呀,佢話老師話:<一定唔會有人偷,係你自己唔好好咁保存你自己既嘢>.......

溫柔

我聽到好激氣,你查都唔查就就話係我個仔唔啱,跟住重mug都唔做,唔理,之前又唔係未試過比人偷過,點解查都唔查就話一定唔會比人偷呀?同埋我係叫佢問有冇同學仔拎錯啫,駛唔駛同個小朋友咁講嘢呀,last night 我同我老公講返呢兩件事,佢問我有冇打電話同老師講,我話冇,我話唔想有親啲咩事都打電話去同學校講,我怕老師會覺得個仔攪咁多麻煩嘢,會唔鍾意佢,針對佢,我怕到時會影響到個仔以後唔鍾意到返學,會唔開心,我老公就鬧我白痴,做老師咩事要同個6歲既細路講啲咁說話,咩叫唔好好保存自己既嘢呀,又唔係未比人偷過嘢,如果係咁轉校law,咁小嘢你都攪唔掂,我就不停咁比我老公 我真係好想 ,我而家都唔知點做好!       

溫柔

點解冇人可以教我點做呀?           

M.Lam

你個仔讀邊間學校? 禁都得?

溫柔

露斯瑪莉:
我兩公婆冇係個仔面前講,只不過係枕邊話,臨瞓前講,個仔唔知我兩個講過既嘢,但係我唔可能乜都唔做,由得個仔比人偷嘢都唔理,下次又唔佑會比人偷d咩,個仔又成日問我點算,幾時可以搵返本手術,老公話同老師投訴唔得就同校長講,我又唔想攪到咁大件事,況且校長都未必會理,咁樣攪法,我怕到時個班主任會討厭我個仔,我真係好煩,唔知點先可以完滿咁解決呢件事!           

溫柔

我個仔就係唔太緊張自己既嘢,唔見咗就唔會即時同老師講,剩係識返到嚟同我講,講完我問佢想點,佢又話唔知,真係學你話齋,比人偷咗咪算law,最多自己再儲過,因為我個仔都屬於幾林,就算比人蝦都好,佢最多自己走開唔同佢玩,又唔會唔開心,又唔會唸住去蝦返人,到而家我問個衺仔你想點,佢又話唔知,佢叫我自己同老師講,我鍾意點做就點做,我真係比佢吹脹!

溫柔

今次係由佢自己同老師講,我冇出過聲,但係老師既回覆就係話,唔會有人偷,係你自己唔好好保存自己既嘢,佢言下之意係唔會理law,呢樣係冇得買,因為係學校既奬勵計劃之一,如果可以買過本我都冇咁煩la,買過本比佢自己再儲咪重好,但係係冇得買+!

simsim

溫柔,
以我了解你仔仔的學校的老師愛心麻麻(因以前有接觸過)，你都係要自己搵老師傾傾，如果唔係，只會令仔仔更感無助。

溫柔

所以我咪同個仔講,叫老師問下係唔係有同拎錯咗law,點知個老師會問都唔問下d同學仔,就咁樣答我隻仔先得+,所以攪到我都唔知點去處理呢件事好!     

溫柔

simsim:
你覺得我應該搵老師當面講好呀,定係係電話度講就算呀,我怕當面講會令老師尷尬,唔當面講又怕老師會敷衍下我就算.......

Bowiema

溫柔,

睇完你阿仔既story, 我好明白你. 因為我阿仔舊年小一時都試過比同學攞野, 不過我即時打比老師, 而老師又處理得好好. 你有無諗過同校長講? 比我係你, 我會再搵老師同佢傾一次, 當然要用d好客觀既言語, 唔好比佢覺得你challenge緊佢既工作能力. 如果仲係甘, 我就會同校長講. 因為唔可以比小朋友甘細個就有d甘既習慣去攞人地既野. 另外, 你亦可以試下自己去緝下係邊d同學, 因為我阿仔學校係比家長入校園, 亦可睇埋佢地早會至走, 我都試過自己去問d同學. 有時唔好怕自己麻煩而唔去call老師同佢講, 有時大家既溝通真係好緊要.

溫柔

係平時,去到學校門口,校工就會叫你走,學校係唔比家長入去陪小朋友,所以同學仔方面就冇可能問到d咩,我唔係厭麻煩而唔去call老師,而係我怕老師會厭我煩,成日有咁多嘢要佢跟!會令老師對我個仔有唔好既印象!