暫託好難搵

咕怪媽媽

諗住2月尾3月頭比工人放假,周圍幫囡囡搵暫託。
點知間間都叫人去填左表先，再等答覆。
大佬呀，要返工架 mar。唔通為左搵暫託專登請日假咩。
點算好？
有冇好提議。

chan803

請 part-time 上門湊?

SEricsson

咕怪媽媽 寫道:
諗住2月尾3月頭比工人放假,周圍幫囡囡搵暫託。
點知間間都叫人去填左表先，再等答覆。
大佬呀，要返工架 mar。唔通為左搵暫託專登請日假咩。
點算好？
有冇好提議。

係咪係保護兒童會?

叉燒媽咪

Which area ? see see if i can help. they always pretend they're full but actually not ~

kennischow

可以按地區找找有邊幾間幼兒學校(即幼兒園),再check吓佢哋的電話,先打個電話去問問有無位先,然後再安排lunch(1:00-2:00)/9:00前/6:00前往做手續,都應該有商量.
因為我都試過,果間是保護兒童會的黃埔分校,d老師好好肯就吓我的時間!不過最緊要有位!

咕怪媽媽

我就係咁，諗住打電話問左有冇位先。
我已經講明日期好 flexible，因為工人應承我 settle down 囡囡先放假。
但間間都唔肯答有冇位，淨係叫我去填左表先。
好鬼煩，冇位o既就冇謂浪費大家的時間 ar mar

我返中環，住將軍澳，想搵將軍澳 or 官塘 or 藍田 or 油塘都得。可唔可以幫幫手？
2月尾3月頭，工人實際放2星期，我打算之前一星期做適應期 (ie 第1日托2個鐘，第2日托4個鐘......etc)，即係前後托3個星期，星期六我可自己湊返。

Jovitayk

九龍灣樂緻幼兒園(TEL : 2796 2122)又或者將軍澳都有樂緻幼兒園, 大家都係同機構,而我個女就讀緊九龍灣個一間, 還有油塘明愛幼兒園, 呢幾間都可以延長至晚上8時先至放學, 而且呢幾間每日都有位, 老師都唔錯, 我朋友個女就讀將軍澳個一間.
之前我要返新工又要搵學校, 之後搵左九龍灣學校, 我陪個女返左兩天四個鐘, 之後就返兩天半天學, 學校話盡快幫我照顧佢, 因為想我盡快返新工. 之後我個女都唔係好肯, 但最後有老師照顧佢, 又有小朋友同佢玩, 仲可以係學校sleeping.
但你都要忍心, 因為佢可能會係你面前喊, 但如果你同佢返學, 佢喊緊時唔好回頭望佢, 佢會仲喊得厲害.

叉燒媽咪

中環 has one "YWCA", near The Center (Gilment Street).
填左表先usually  ok ga, but they cannot promise 100% as they dunno when u need the service ma  

lyma

你搵保良局Ｄ幼兒園啦，佢地除左每日三個位外，有小朋友缺席，佢都會收埋暫托。
重有個小ｔｉｐｓ，保良Ｄ校長好好嫁，你記住一搵就搵校長，你只要講到自己好唔得閒，真係真係無人照顧小朋友，死”Ｏ累”就得ＧＡ　ＬＡ！
你住邊頭，駛唔駛幫你搵附近保良嘅電話？！！

lyma

咕怪媽媽 寫道:
我就係咁，諗住打電話問左有冇位先。
我已經講明日期好 flexible，因為工人應承我 settle down 囡囡先放假。
但間間都唔肯答有冇位，淨係叫我去填左表先。
好鬼煩，冇位o既就冇謂浪費大家的時間 ar mar

我返中環，住將軍澳，想搵將軍澳 or 官塘 or 藍田 or 油塘都得。可唔可以幫幫手？
2月尾3月頭，工人實際放2星期，我打算之前一星期做適應期 (ie 第1日托2個鐘，第2日托4個鐘......etc)，即係前後托3個星期，星期六我可自己湊返。

保良局李筱參幼稚園暨幼兒園   觀塘順利邨  2343 9038  
保良局觀塘幼稚園暨幼兒園    觀塘翠屏邨 2727 1405
保良局德田幼稚園暨幼兒園   藍田德田邨 2709 2280
保良局彩明幼稚園暨幼兒園   將軍澳彩明邨 3143 9039
download表格:http://www.poleungkuk.org.hk/new/contentpage.php?id=20050310103503&lang=t#1

咕怪媽媽

唔該晒咁多位，尤其係叉燒媽媽 & lyma，您地真係細心。

我每次上黎求救，都得到好多媽咪的熱心回應，呢度真係個令人感動的溫暖大家庭

咕怪媽媽

今日托人去茵怡幼兒園取表格，順便問下手續要點搞。
校長話入學就收，暫托就唔收。
乜可以咁o既咩？佢地唔係收左政府的津貼，就要收暫托咩？
如果佢話我揀的日子暫托滿左，都仲情有可原。但佢連日子都冇問，就好直接咁講暫托唔會收。
佢地明明響福署張暫托幼兒服務的名單上架 wor。
咁都得？

Sindy

你有興趣既話,quarry bay都有架,撘綠van係quarry bay落車,咁跟手坐722去中環都好快...唔係的話,中環有間戴翰芬都好易book,係中環廣場附近.......(不過聽講呢間幾細校舍)打去問下就得架啦.....

alvinchanmama

咕怪媽媽 寫道:
今日托人去茵怡幼兒園取表格，順便問下手續要點搞。
校長話入學就收，暫托就唔收。
乜可以咁o既咩？佢地唔係收左政府的津貼，就要收暫托咩？
如果佢話我揀的日子暫托滿左，都仲情有可原。但佢連日子都冇問，就好直接咁講暫托唔會收。
佢地明明響福署張暫托幼兒服務的名單上架 wor。
咁都得？

其實暫托位只有滿咗額或小朋友不足2歲才唔收小朋友, 果間學校無可能同你這樣講入學就有位, 暫位唔收. 你可以則疑果個人啲說話.

我建議你都是去保良局, 香港基督教服務處, 保護兒童會,等大機構問下還好.

咕怪媽媽

囡囡過幾日就足兩歲，我 plan 緊係2月底3月初暫托，到時都夠晒兩歲啦。我托人去取表，都係咁同果位校長講。校長第一時間問，我 bb 搵左幼兒園入讀未。我朋友好老實咁話比佢聽，大坑東已經收左但要8月先入學，而大坑東暫托位亦滿左。校長就即刻話不如比佢黎我呢間讀，入學就有位，暫托就唔收。

中環果間我有諗過，但覺得 bb 日日要跟我搭咁遠程好似唔係咁好， 上下班時間亦好擠迫。我媽咪亦應承可以黎幫我接送返學放學，所以我諗住搵屋企附近會方便 d 。而茵怡就最近。點知咁衰。老實講，佢依家話有位我都唔會比 bb去。

我昨天又問了景林路德會，路德會位校長同茵怡果位差天共地，不單好詳細好有耐性咁同我研究點樣安排，仲教我要點樣處理適應期bb可能發生的情緒問題。校長仲叫我隨時可以去辦手續預留暫托位。雖然行多兩步，咁樣的學校先可以令我安心交低我的小朋友。

多謝各位熱心媽咪的幫忙，我的問題應該叫解決左 lar。