大家對優才書院有甚麼意見?

twokidsmum

我鄰居想替女兒報這中學, 有沒有家長可給意見?

dabbycheung

我個仔係呢間學校既中一生，暫時嚟講，我同個仔都好鐘意呢間學校，原因有：

(一)        小班教學 (全級三班，每班20-21人)
(二)        老師好關心學生，又有愛心(班主任每星期都會有對學生既評語寫響手冊上)。而師生關係都好好，曾經有兩次有老師帶班學生外出活動(約20人)，之後老師請班學生去麥XX食嘢。
(三)        課程多元化，除一般學校的課程，優才仲有好多另類課程。我個仔依家學緊做DJ(由新城DJ任教)，又學緊拍短片，剪片，logo砌機械人等等，而其他同學就有D學緊醫學…..
(四)        時常外出參觀
(五)        某D課程由外籍老師任教
(六)        有才華班，我個仔讀緊摺紙學數學
(七)        逢星期三有一堂，以學生最好果科成績而分班(全級)，我個仔被編去英文組，全組18人，由外籍老師任教
(八)        一年有4次機會出去外國既學校做交流生，10月去過星加坡，2月去過澳洲，之後會去美國同英國(每次會揀2男2女)
總括嚟講，呢間學校比較適合一D坐唔定既學生，而學校亦都做到佢地所講既愉快學習。

CindyQQ

我想問下D學生成績係唔係個個都好勁?他們多數來自那些小學?

dabbycheung

CindyQQ 寫道:
我想問下D學生成績係唔係個個都好勁?他們多數來自那些小學?

係！坦白講，我個仔小學時總名次係全級第7名，但最後只能以後備至入倒去。初入去時，我個仔都同我講驚讀唔倒，因為佢覺得間學校程度好深，D同學成績好勁。後來我幫佢搵左3個補習老師(一個一星期補3日主流課程，另加一個外籍老師補英文，再加一個專補普通話，因為中文堂用普通話教)，我個仔既成績至跟得上，佢依家既成績算中上。
其實大部份學生都係優才小學部升上嚟，其他就有星加坡國際學校，何德心(全級第一名)，基慧(第2名)，亞斯理衛理(全級第一名)，聖約翰天主教(全級第6名)，油天，聖心，瑪利諾，維多利亞.....而有D學生則是小學時響外國讀書的。

EEMa

其實我覺得優才書院只是老師好D之外都麻麻地

      

dabbycheung

JJ&JEFF 寫道:
咁多活動會否忽略学科呢?

唔會。因為優才都好注重英文科，佢地英文堂除左由外籍老師任教外，會再另加一堂叫GT English,(主要學Gammer). 而加強班則會因應學生之強行而分班(中，英，數....)而我個仔因被編入英文組，所以佢上既英文堂會比出面一般既中學仲要多。而中文同數學既堂數應該同出面既學校差唔多，只係地理，科學....每星期只上一堂。但聽老師講，學生既各科成績普遍不錯，佢地無因為有其他嘢學而影響各科成績。

EEMa

此學校政府只批辦初中,中三後如何打算呢!

dabbycheung

EEMa 寫道:
其實我覺得優才書院只是老師好D之外都麻麻地

      

點解咁講呢？

dabbycheung

EEMa 寫道:
此學校政府只批辦初中,中三後如何打算呢!

我無聽過喎？

ritaliu

我兒子取錄了，所以要作取捨，可否告知你之前的心情？
你有否擔心中三會如何？例如學費，師資及地方？
你兒子都成績很好(全級第七)為何你會放棄自選學校？

dabbycheung

ritaliu 寫道:
我兒子取錄了，所以要作取捨，可否告知你之前的心情？
你有否擔心中三會如何？例如學費，師資及地方？
你兒子都成績很好(全級第七)為何你會放棄自選學校？

先恭喜你個仔被取錄了。
我地本身住大埔，個仔之前響大埔讀書，但我唔想佢響大埔讀中學。因我個人覺得，雖然大埔都有好學校，但始終唔及九龍城D好，所以當時其實一心認住幫個仔報出面D中學。
坦白講，之前從來無諗過會幫佢報優才，因為係直資，同路途遙遠。只係有一次個仔參加左佢地舉辦既升中百樂計劃，我地至認識優才，當時順便參加埋佢地既講座，期後發覺呢間學校好吸引，所以最後至決定幫個仔報埋呢間。其實當時知道佢只係後備，反而我同個仔都好失望(我老公從來唔理佢讀書D嘢)，數日後知道佢終於入到去，我地真係開心到死！所以當時我無你地既難於決揀既心情，只係一心諗住入呢間。其後雖然有政府學校寄信嚟叫個仔去面試，但我地都無去。
我從來無聴過學校只係批左辦初中呢個消息，所以無諗過中三之後會點？但我相信學校，佢地辦得中學，自然有佢地既計劃同安排。而且開學時，校長已經有明確既計劃關於將來中三或以後，只係當時覺得來日方長，無留意佢講咩，只記得佢講過學生中一至中四都唔准外出食飯，中五也可能不可以。所以我覺得佢地唔會只辦初中(可能未批)，但有機會我都會問下學校。
至於學費，其實當時都有擔心過，但學校好好，佢地好鼓勵家長申請減免學費，而且好易申請(加上我情況比較特別，但詳情不方便在此公開)，所以我依家只需交一部份學費。
師資方面，我覺得也很好，無須擔心。至於地方，更不是一個問題，因為我個仔已經習慣每日返學要接近一個鐘，學校響邊，都唔係一個問題。
我個仔雖然成績好，但佢好賴，如果你叫佢死讀書，一定唔得。所以當時都擔心過如果比佢讀出面D名校，驚佢會唔鐘意同唔慣(佢平日經常打機，好少溫書)。所以我覺得優才呢類學校，課程多元化，少功課，少測驗，少考試既學校非常適合佢。

ritaliu

謝謝你
我兒子亦是參加左佢地舉辦既升中百樂計劃，聽完講座覺得他們的教學方式比較全方位，所以申請。佢平日亦是經常打機，好少溫書，所以我至考慮傳統教學方式是否適合他？而我亦相信現今好多小孩都有同樣情況。
另我想問學校收取飯錢是多少？(我住附近，是否可以送飯至學校呢？)

dabbycheung

ritaliu 寫道:
謝謝你
我兒子亦是參加左佢地舉辦既升中百樂計劃，聽完講座覺得他們的教學方式比較全方位，所以申請。佢平日亦是經常打機，好少溫書，所以我至考慮傳統教學方式是否適合他？而我亦相信現今好多小孩都有同樣情況。
另我想問學校收取飯錢是多少？(我住附近，是否可以送飯至學校呢？)

ritaliu,
飯錢約$14一餐。學生只可以帶飯，家長唔可以送飯。我個仔果班只有一個同學帶飯。
原來你情況同我個仔差唔多。我身邊有好多朋友D仔女都讀緊名校，有時聽佢地講返佢地D仔女近況，都替佢地難過。因為個個都話D名校迫到D學生好緊要，D家長晚晚都無教好瞓。我有個朋友個女小學時年年全級考第一，之後中學入左瑪莉X。 佢話佢個女讀得好辛苦，其中有科主科考試唔合格，於是個班主任捉左我朋友去簽紙，講明下次考試如果呢科再唔合格，學校有權叫佢走。從此佢兩母女晚晚都發惡夢，驚無書讀，依家仲打算送個女去英國讀書。仲有好多.......。 所以我諗，就算比我個仔入到名校，我同我個仔都未必可以承受到呢D壓力，我亦唔想佢讀得唔開心。自從個仔入左優才，見到佢日日到開開心心去返學，放學又會同我講，今日老師請我地去麥XX食嘢，今日我響學校學左咩，有時又會比我睇佢才華班學左D咩摺紙.....,我就會覺得，當初揀優才，絕對係正確既選擇。

ballwong63

唔好意思問一問....我同事囝囝都係讀優才中一班喎...我地都有講開小朋友讀晝既請況....見妳講到又話去外國去呢到去過到...我即刻打電話問佢...佢返而問返我...乜有咁既事嗎....我都唔知個仔有得去到外國添...係唔係唔係個個學生都會去架...使唔使比錢架

dabbycheung

ballwong63 寫道:
唔好意思問一問....我同事囝囝都係讀優才中一班喎...我地都有講開小朋友讀晝既請況....見妳講到又話去外國去呢到去過到...我即刻打電話問佢...佢返而問返我...乜有咁既事嗎....我都唔知個仔有得去到外國添...係唔係唔係個個學生都會去架...使唔使比錢架

其實之前果兩次(星加坡同澳洲)係有出通告比家長(可能佢無留意)。學生係自由參加，如果個學生有興趣，佢地要先作一篇文(題目由學校而定)，之後仲有其他....,咁學校會先揀一批學生，然後再要面試，最後會揀2男2女。費用學校會出一半，星加坡果次學校同家長要各出$2,500(去3日)。澳洲果次就各出$3,500(去5日).
嚟緊仲有兩次機會，係去英國同美國。叫你同事留意通告喇。

kobycheng

Hi all, my friend's daughter is studying F1 at GTS.  She also went to Singapore last year and didn't go to Aust becos her mum said should give the chance to other students.  Her school life is happy but need to work hard when having test and exam (becos all of them are in English now).  I'm considering the secondary school for my girl who is in P5 at GTS.  To me, no previous academic record is my main concern; to my girl, she will be 100% happy to study in GTS secondary.

dabbycheung

唔洗擔心。
記得舊年我個仔第一次收果份功課，深到有D係中二、中三程度(其中一篇文章係響南華早報度剪出嚟)，我個仔個補習老師都話好深。之後可能有家長反影過，之後派既功課就淺好多。
可能學校經過上一年既教訓，今年第一次派既功課比較淺(驚嚇親D家長同學生)，而且初時亦未知各個同學既程度，所以功課至比較淺。
優才英文堂用既書，其實係跟英國既中學(同程度)，所以唔會太淺。我有學校既書單(你可以同出面D中學比較)，如果你有興趣我可以fax比你參考。