一間黑學校...嘉文幼稚園

Shirley_

我幫個女報左今年4月番呢間學校既pn 班...開頭睇學校既時候...有個叫miss cheung 既老師同我介紹左佢地學校....又話佢地學校有校車啦...係國際幼稚園啦...咁個外籍老師會教小朋友啦...又話佢地既番學時間係9-12 啦.........
點知我比左$$$之後..我發覺佢地好有問題....1. 佢地學校本身冇校車...d 小朋友係要坐街車....2. 外籍先生係做樣既....3. 佢地既上堂時間唔係9-12....佢地既校車成9:30 - 10 先會到學校...咁佢地d 先生又唔會係個課室到教d 早返既小朋友.....總之我個女未番學..$$$ 又比左...咁我想同校長傾下...但係佢地既校長成日都唔係學校...我依家都唔知點算...我有d 咩辦法可以幫到自己呢...我想complaint 呢間學校...我唔想比佢地再係咁欺騙人....大家幫下我啦....

焯媽媽

你說的是那間嘉文幼稚園呢?

peterhopingtak

      

Shirley_

係天后果間lor...佢地真係好好笑架...我打親電話去..佢地都會話校長好忙...唔等閒..上去又唔見wor..咁問d 先生..佢地又會話出左trip....總之...就係有問題

ping00852

好像唔止一次聽過呢間學校係有的唔好

peterhopingtak 寫道:
      

Shirley_

真係唔係好明呢間學校點可以再做......

crystal媽咪

我諗你都要自己爭取, 因為淨係喺度同我地講係解決唔到問題, 我都聽過無數次人地同我講呢間學校d野. 正如有家長提議你去教統局傾下咁.
但點解說個英文老師做樣, 因為我見過佢同埋小朋友去outing, 同埋你話老師唔會教早返既小朋友, 咁佢地做緊咩呀?!

Chungmama

我廿多年前係依間幼稚園畢業   
。個時校舍在宜家垃圾站行前D, 校舍好細, 最有印象係佢地有個天井位, 學生做錯就困他出去.......我都試過
嘩! 乜佢地宜家行政重咁失當?! 重話辦左咁耐歷史

早十年前見佢搬左過對面,
但我上個月行過, 門面好舊, D燈箱又爛爛地(係咪搬左?我唔知.)

doryee

嘉文幼稚園好似收好多南亞籍同菲律賓等學生架喎

paltiBB

Shirley,

你實係好少上bk, 呢間 嘉文幼稚園臭名遠播,   :tongue:     好多家長報名後發覺貨不對辦,    和有些老師對小朋友作出恐嚇性處罰, 令小朋友不願上學, 講到要求退錢, 個死人校長用諸多借口不直接見你, 我諗你今次都有排煩. 祝你好運 !!     

sesame_baby

我都要認住呢間學校至得. 希望多D家長都可以將D黑學校報出來, 等大家都可以提防下.

原文章由 Shirley_ 於 06-4-20 20:46 發表
我幫個女報左今年4月番呢間學校既pn 班...開頭睇學校既時候...有個叫miss cheung 既老師同我介紹左佢地學校....又話佢地學校有校車啦...係國際幼稚園啦...咁個外籍老師會教小朋友啦...又話佢地既番學時間係9-12 ...