我囡囡的願望係做....

羊咩咩太太

佢話將來大左要一隻警犬  ,笑死我啦 ,你們的囝囝囡囡呢?

芝芝媽

點解佢想做一隻警犬呢? 有咩吸引佢呢?!  

佢想做空中小姐, 因為可以免費搭飛機及著得好靚喎.佢見到空姐都會望到人實一實!

BallBallMaMa

我囡囡的願望係乜都唔駛做....

YuYuMother

我囡囡願望係做法官...

麟媽媽

我仔好細個時想做警察，
之後雅典奧運又話要做中國乒乓球手，
舊年參觀消防局又話做消防員，
而家咁鐘意踢波梗係做足球員啦！

睇怕佢年年既作文「我的志願」都唔同。

cdee

一時話做doctor, 一時話做miss hong kong    

HY412

唉! 我囡囡話將來大學畢業後要好似我咁做 "家庭主婦"

frankdd

阿囡話大個想做太空人，但佢又驚到時見到d外星人   

AAmother

我個囝二歲時我們猜他想做畫家
           三歲時他話想做畫家..
           四歲時他話想做畫家
  現在五歲時他話想做畫家.....    
      

katiekma

我女女願望是做mami,但她強調要唔駛"翻工"個種mami。   

ROSEMAMA

我女女話大個女要做雪糕姐姐,因為有雪糕食 . 有時又想做收銀員姨姨,因為有好多人會比錢收銀員姨姨.

春卷

我囡囡的願望係做....看更！
佢話行行企企坐坐，幾好。

jone

我個女話想做．．”靚女”！！ 頂佢唔順．

JNmimi

我仔今年二年班想做教師, 因為佢話而家好少出名老師係姓吳.  係學校就日日想做總務, 因為可以上教員室 (一般學生禁地嘛!), 睇怕未來呢年都會保持呢個"我的志願", 三年班可能想做校長都唔定, 因為叻人係老師教出嚟, 而老師又受校長管   

ymama

JNmimi:

你個仔今年會想做教師都正常, 我個女K1~K.2上學期已經話做老師, K.2下學期更榮升自己做校長, 個弟弟只能升做老師.

今年K.3她的志願更騎呢.....早上做司機,下午做律師,晚上做護士........嘩!唔駛甘博命掛!!!!

ymama

IRON

我仔仔由細已經話要做飛機師, 到而家都仲未轉......希望有幸識到妳位靚空姐.


~~~
由 芝芝媽 於 2006-10-18 17:20:20

佢想做空中小姐, 因為可以免費搭飛機及著得好靚喎.佢見到空姐都會望到人實一實!  
~~~

JNmimi

ymama 寫道:
JNmimi:

你個仔今年會想做教師都正常, 我個女K1~K.2上學期已經話做老師, K.2下學期更榮升自己做校長, 個弟弟只能升做老師.

今年K.3她的志願更騎呢.....早上做司機,下午做律師,晚上做護士........嘩!唔駛甘博命掛!!!!

ymama

ymama, 你將來一定無憂, 簡直係全能寶貝, 咁佢有冇話點解咁飄忽?  
記得細個時我妹講過, 心願只要做份好工, 賺到$, 結左婚就買間三層村屋, 同亞媽亞爸一家人一齊住, 我當時好感動, 個妹雖然無咩大志做醫生律師, 但係就識得顧及媽媽, 佢嗰陣小學咋, 我都係小學生....... 咁又過左噤多年喇.
><
~

tomatowu

我仔細個時想做地盤工人,因為可以佢鍾意剷泥,依家就話想做警察,因為想玩支搶,我就答佢,"好呀!你做地盤工人或警察都無所謂,讀完大學先做啦!"

w@@henry

我囡話想做亞洲小姐？？？(唔肯做Ms Hong Kong)I don't know why?   

mameme

我個仔d答案....搞到我唔敢問 !  

佢好鐘意車, 四歲前就全部都有關車 ! 修理車...設計車...泥頭車司機 (話因為好有叻..咁大架!) 的士/巴士司機 ...賣車    之後同賣"燒賣"伯伯熟左, 話要賣"燒賣腸粉", 因為自己可以成日食 ! 後來我叫佢認真諗下志願做咩.....佢真係好認真咁諗完....話要做病人 因為剩係食 玩 瞓...仲有好多人錫, 唔駛返學做功課 !

自此後.....都唔敢再問喇 !!