因病要補考

L.O.B

我個女出緊水豆，因為咁學校安排佢補考，但係個女聽到話如果補考會扣分，我聽日都會打去學校問清楚，但係我個女好唔開心成日喊，前日重著埋學服要出門口，比婆婆阻止左，傾又傾過，佢喊到不停只係講媽咪我要返學我唔要補考，睇見佢心都痛埋~~~都唔知點算好，想問下有無媽咪有咁既情況出現過，我好擔心佢呢!原本今個星期六要去培道同真光見試，但係如果未好我諗都要問一問先,唉~~ :cry:

pp6113

我囡囡間中學如果要補測驗或補考就要將分數打八折，但如果我個女病了都沒有可能考出水準，所以我都情願佢補考考好D再扣分。但其實你呢個情況可以同學校商量，因為出水豆會傳染先唔比返學，但應該身體沒有甚麼大礙，以前小學考試時都有同學出水豆，但學校好好，特別開一間房比佢考試，有時冇房就叫佢係教員室考試，不過每次都要早其他同學30分鐘到學校，而且每次一到學校要立即考試，一考完試要即走，不得與其他同學接觸以免影響別人，呢個方法我覺得學校都處理得幾好。不如你試下同學校商量吓，當然希望可以唔洗影響囡囡同其他同學先好。

kammyman

睇見你囡囡甘樣我都好難過!我贊成pp6113講法,不如直接揾校長商量,將囡囡既行為表現一五一十甘話佢知,如果佢體諒既應該會盡力幫忙!今次係呈分試,對小朋友嚟講真係好重要,好大壓力,希望你囡囡可以順利考試喇! 加油!

echo123

打電話俾學校啦, 呈分試打折好慘架, 我仔女既學校會安排佢地返學校同時但分開地點考, 同時亦都問下面試既學校可唔可以另作安排.

norakyng

L.O.B 寫道:
我個女出緊水豆，因為咁學校安排佢補考，但係個女聽到話如果補考會扣分，我聽日都會打去學校問清楚，但係我個女好唔開心成日喊，前日重著埋學服要出門口，比婆婆阻止左，傾又傾過，佢喊到不停只係講媽咪我要返學我唔要補考，睇見佢心都痛埋~~~都唔知點算好，想問下有無媽咪有咁既情況出現過，我好擔心佢呢!原本今個星期六要去培道同真光見試，但係如果未好我諗都要問一問先,唉~~ :cry:

Hi L.O.B，

可否要求學校在同日但分開課室考試，這就不用扣分，
你女兒現在已出了多少天水痘？若開始幾天就會發燒，但
過了四天便沒有問題，只是不能上學因恐怕傳染。

我二個兒子剛剛出完水痘，大兒子不用分開課室考試，但
小兒子則要分開課室考試。

希望你女兒早日康復！

Cheers

L.O.B

多謝各位媽咪

Cheers,其實個女已經出左10日喇,只係重有D"焦"未脫落.
今朝佢又喊喇!我地都唔忍心見佢咁,(問過醫生)比佢換左衫去到學校搵老師,見佢情況結果比佢入校,佢今日放學返o里先識笑返 ,重同我講d試題有d深,不過佢都面露笑容咁講..
佢咁大個女都未試過咁,真係好擔心.

希望大家都可以開開心心,順利考到心目中學校