而家唔再同囡囡温默書...........慘不忍睹!!!!!!!

G-Ma

學phonics對英默一定有幫助.

另外可以嘗試幫佢地默完書之後比支紅筆佢地叫佢地自己改卷, 一來個個小朋友都鍾意扮老師, 二來係改既過程中佢地會知自己錯咩, 可以加深佢地既記憶.  如是者默多幾次都應該會入到腦.  呢個方法用係我個囡到幾work架.

露絲

kianmama,
每個小朋友對適應小1生活都唔同, 有快有慢.  但如果你一下子去將所有既野比返小朋友自己處理, 小心適得其反.  佢地會覺得好可憐, 幼稚園萬千寵愛, 咩都係亞媽, 到咗小學就好似自己背返所有既習任, 好慘, 唔開心.  我聽過有d講座是話比媽咪聽, 我地係要伴著孩子成長的.  

小朋友lazy, 我地可以理解, 佢地會問點解要做功課點解要默書點解要考試, 每個人總有唔想做既野, 所以我地身為大人就要幫e排小朋友成長, 了解及出手幫助.

你有冇諗過, 如果換轉身份, 你係女女, 女女係你, 你唔識做又唔識背d字, 默書唔及格, 跟手你女女閙你一大餐, 但只是話個責任是你的, 但無幫過你, 試問你會開唔開心呢?

小朋友是逃避默書/做功課, 因為唔識, 唔係唔想做, 佢地都知要交功課, 又點會唔做呀!!  堂上老師千丁萬囑架啦, 唔通想死咩!

又或者佢地無時間玩, 正係返學放學做功課默書, 很累, 咩mood都冇啦~  個亞媽放工返來只是check功課/默書, 但實際做個個係個女女, 女女仲慘, 返完full day 學, 回家無停手要做功課及默書, 大人上班, 回來見未做完又打又閙.   我地不如停一停, 諗一諗, 想過雙羸既辦法仲好.

你唔同女女溫, 只會係惡性循環.

到3年級先開始放手都未遲.

莎莎

我的仔仔不間不太谷的小學讀P.2.
默書的次數是一星期一次(中OR 英),
範圍不多, 又無UNSEEN DICTATION. 我用以下方法
幫佢溫, 直至現時為止都幾有效.

佢逢星期二默書.
星期三就知道默書範圍.
星期四,五叫佢抄一次.
星期日同佢試默, 事前問佢,唔識果D生字點算.
(我亞仔通常話抄3次), 默完叫佢自己改,錯果D佢自己
會會抄.  然後再默錯果D生字. 默到識為止.
星期一, 再同佢複習唔熟果D, 識就尤得佢,
比D信任佢.

如果默書的成績好, 返來一定要讚下佢,
將"榮耀" & "功勞"歸於事主, 讚佢自己的默書
方法掂.  如是者,可建立佢的信心, 及唔會驚&憎默書.

此方法都可用在叫佢做課外練習 & 準備TEST&EXAM.

kianmama

露絲,

很多謝妳的分享及意見   

我都很同意妳的講法, 我都會幫囡囡溫書和敎功課, 我想她完成當日的功課, 我回來只是和她對, 不懂的我才教她, 然後和她溫書或做課外練習. 因她是讀上午校, 放學回來, 吃完飯, 就不停看卡通片(收費電視), 然後 , 起身再看卡通片, 就算我set晒時間表, 佢都5跟    工人又控制5到佢....

而且我發覺她所講的唔識, 都只是她不想做    如:寫中英文生字等. 上學期我都可以容忍, 因為她要適應. 每晚放工回來坐在她身邊不出聲, 看著她做功課,我發覺她所講的唔識, 可以全部做岩晒, 當她完成功課, 執完書包, 已夠鐘上床   因為她要6:15起身返學.

如果不是她的成績一落千仗, 由上學期的全級3x跌倒下學期的全級6x, 因為真的完全没有時間溫習,我現在只嘗試默書要佢自己溫, 不是全部放手, 因為她都要慢慢學習及適應.

p.s. 今天她放學回來, 很開心話比我知中文默書有81分
  

莎莎

kianmama

看來你的女女是想你多D陪佢, 所以佢在你不在家的時間唔做功課, 而要你在晚上陪佢一齊做.  不如你試下同佢講, 如你在媽咪回家前做完功課, 咁媽咪晚上, 可以同你一齊玩下, 講下故事, 好過淨係陪你做功課咁浪費.

Mrssslui

Yes, I think she's attention seeking.

不如你同佢溝通一下,睇下有冇改善.聽你咁講,俾我都嬲!

kianmama

其實妳的方法我都用過, 氹佢如果可完成功課, 有多餘時間我們就可以畫晝/一齊讀故事, 到最後...還是老樣子.
不過我知囡囡在改善中, 因為剛剛打電話回家, 工人話佢做緊功課, 因為我應承她如果我回家前完成功課, 星期日帶她到公園玩. 我都知道對小朋友不可太強硬.

莎莎 寫道:
kianmama

看來你的女女是想你多D陪佢, 所以佢在你不在家的時間唔做功課, 而要你在晚上陪佢一齊做.  不如你試下同佢講, 如你在媽咪回家前做完功課, 咁媽咪晚上, 可以同你一齊玩下, 講下故事, 好過淨係陪你做功課咁浪費.

Ivy124

kianmama

大家都真係要一齊努力呀,逼d小朋友又驚佢地唔開心做傻事...大家都有睇11歲小朋友單野啦...唔逼唔通由佢地傻下傻下咁做人咩...唉...做人父母真係好慘

露絲

今日我在學校內見到個社工, 問咗佢好多野.
她比咗d答案我, 叫我同其他媽咪分享wor...

小朋友上小1-2都係唔能夠放手比他們自己一個解決溫書/功課既問題, 到小3倒便可以給與他們自立.  太細過訓練獨立, 會令他們有很多孤獨感及錯敗感及無助既感覺. (當有錯敗感出咗黎, 就慘架啦~~)

我之前提到溫書既方法, 她提咗出來, 同我講既一模一樣, 佢話個方法好好.  提我一步一步加長坐下溫書既機會, 因小3以上會比較多及難, 處理唔好上了小3既小朋友會性情大變, 因佢地學得好辛苦.

如果叫極d小朋友都唔應, 她見意學小學老師一樣, 買1個bb, (之前要講明過用途) 當小朋友聽不到大人既指示, 可以響起個bb, 等她們可以留意返你, 在這時便可同小朋友再講一次你想做什麼.   例如: 打緊交, 即刻響bb, 跟手叫兩個小朋友過來, 媽媽便輕聲的說 : 成頭汗, 黎黎黎, 飲啖水, 坐低先, 跟住媽咪便有機會問原因及處理問題.

她提過同小朋友看圖書最好, 可以拖長她專注力, 等她習慣坐定定, 而且看圖書可以學到好多字.

她強調太細既小朋友唔適宜禁早學獨立, 希望d媽媽可以體諒及明解.

number1229

很同意露絲的講法, 初小的學生很需要別人的幫助, 他們十分有好奇心, 對新學的東西有很多問題. 小一小二生其實年紀還很小, 很需要家長的耐性. 他們上課學的東西回家後便可能忘記了, 但只要家長花多點時間和他們溫一溫, recall佢地係學校學的東西, 效果便可以很好.

有些小朋友的記性真的很差, 那便要分件記, 每日都記一點, 記得所有學的東西都要日日清, 不可以的話都要每星期學好, 一定不可拖.

露絲

有動作有圖像, 會學得快d.  (背書/認字是左腦掌管的)
左腦思考右腦圖案, 兩個腦一齊用, 學野會快d, 唔會諗得禁辛苦.
如果是但一邊腦強過另一邊腦, 係唔好的, 會做成是但一邊腦大咗架.   
人地話 : 過度活躍症既小朋友通常是但一邊會大d, 所以他們係在某一方面好叻.

busymami

[quote]
candycn 寫道:
Hi littlecat,

我家的小朋友同你case相同呀,每星期英默都要出'藤條'自肯應真串字....真係好累呀!

最敝嚟頭同佢默完識咗....有時唔駛一個鐘頭佢已經唔記得咗喇.....有咩辦法可以改善嗎?

想問下你家小朋友學咗phonics對佢英默有幫助嗎? 另外有冇邊間學phonics好d介紹呀?

請指教....謝謝  

[quote]
littlecat 寫道:
我昨晚又同囡囡溫英文默書, 今次要溫兩張A4紙咁多既範圍, 再加unseen + phonics, 真係有排溫, 今次都既多生字, 雖然老師只係抽一段來默, 但都要全部識默. 我囡囡一路都有學phonics, 我都有教佢用phoncis記串字, 但都唔知點簡佢唔識用番出來, 我叫佢睇完一小段先默, 但次次佢都唔睇, 求求其其咁, 默一個就要提一個, 令到我好嬲, 又要出'藤條' 先會好d, 其實我覺得佢唔係唔識, 係佢冇心記

PANCO

露絲,
Totally agreed with you, 我都係用你呢個方法同囡囡串字, dictation 咁...佢又覺得好似玩遊戲咁幾好.....我都好相信基層打得好, 自已都舒服 d 啦.

panco       

露絲

arm arm 聽完個好特別既講座, 是關於教小朋友既野.

比個link你地去看看, 我無睇過條link, 但真人講野好dim.

-------> www.brainbased.net

kianmama

真的很多謝各位mama 的心得     

因為身邊大多數的朋友都認為應該早此給小朋友學習獨立, 怕她們太依賴而成為習慣. 我相信每個小朋友的性格都不同, 我真的要放多些時間給囡囡, 但老師覺得囡囡在學校的表現很獨立, 所以老師都會叫她敎同學功課/幫同學寫手冊等... 但回到家又變的依賴. 因為大囝要升中, 我的集中點會放回大囝身上. 到時真的要慢慢分配時間.