有無人知道通利琴行夏季減價通常幾時開始？

yukidaruma

上個月我個仔（4歲）去Tom Lee 兒童音樂班學音樂，由於課程內容需要接觸到鋼琴，希望買個琴比佢在家練習。

由於我對鋼琴完全沒有認識，唔知邊一部好，又怕佢學一陣就放棄，所以打算先買一部電子琴(Yamaha CLP280) 比佢用。

昨天去Tom Lee 買琴，職員話我想買的形號剛剛斷貨，最快差唔多要6月初有新貨到港。

現在想請教各位，有無人有留意 Tom Lee 每年的Summer Sale 大約在幾時開始到幾時結束呢？會唔會等到Summer Sale先買會抵D

還是Tom Lee 的熱門形號跟本唔會減價呢？

JulieJP

Hi:

Pls check pm

applemore

Hi yukidaruma,

通利的summer sale 一般都會在7月開始。
如果你怕仔仔學學下唔學，你可以買個二手琴俾佢，我唔recommend 你買電子琴! 小朋友咁細個，又岩岩接觸鋼琴，係最怕佢地學壞手，開始得唔好，第時改會好辛苦。因為電子學琴的touching 係好輕，同鋼琴係兩回事.... 唔好習慣左輕的touching ......

yukidaruma

Dear Applemore

謝謝您的回覆，但是考慮到自已的居住還境和預算，只能買到電子琴，不夠錢買靜音鋼琴。:cry:
還有對鋼琴沒有深入認識，所以暫時不打算買二手琴。
近幾年Yamaha出的Clavinova 系列，例如CLP-280的手感都不是太差（當然不能同真鋼琴比）而且可以調節聲量，唯有選擇電子琴。

applemore

其實我都係一位鋼琴老師，所以對於呢樣野會比較敏感... 因為我自己眼見好多學生之前就係因為練開電子琴，所以對手就成隻"軟腳蟹" 咁... 好難先可以改得到。

又或者，你諗下在自己屋企附近的琴行租琴練住先，但係要有恒心，regular一星期練三次 (以佢beginner黎講)... 咁會好d ..

我都知道有小朋友因為自己屋企既電子琴同老師既鋼琴唔同而唔鐘意在屋企練琴... 到時你買左都冇用，話晒電子琴再係平都講緊過千啦~

(呢個係我教左7年琴既老師俾你既意見，你自己考慮清楚啦~)

yukidaruma

Dear Applemore
再次多謝您的回應。
但係我想買嗰款都接近萬九蚊，Yamaha佢仲標榜接近真鋼琴的手感，所以先考慮買。買之前都係叫公司識彈琴嗰同事幫我去試彈一次睇下得唔得。

angelangel

Hi, 各位媽媽
我剛在通利買了琴, 送了一張HK$500.00音樂課程卷, 我已問過可在交音樂班學費時用, 現售HK$400.00, 如要, pm me