小學生每日的時间流程表？

kellybaby

我好想知道請教一下,我果個讀小四,每一日三點幾放學,四點半補習,ハ點幾沖涼,九點鐘食飯,如果温埋習真係唔知幾點上床,下年升小五要呈分,想幫佢返來再自己同佢溫書,真係唔知幾點至有得訓,分享一下,thanks！

兔仔得媽

已經去左補習班就唔駛晚晚同佢溫書，咁樣小朋友會好反感，如果係補習社唔得就換過間啦，如果你想小朋友再叻d咁你就要坐底同囝講點解要再溫習，已去到四年班唔係你要佢做佢一定會做架啦，佢唔係心想的你開始逼唔到佢，重有你只可以安排在星期六、日再溫習，如每晚都咁夜第日返學一定無精神，到時得不嘗失啊！

兔仔得媽

見你開左幾個topic，我試吓再同你分享吓睇吓對你有冇幫助。
我囝小一時都係放補習社做功課+溫習，最後係爛擹子收場，我呢兩年係咁做效果係非常好！
搵間近d的補習社[不過要好的]，放學回家休息及將所有功課做好，黃昏6:00到補習社做補充或溫習2小時，回家後食飯+梳洗，之後對家課然後瞓覺。
開頭係好勞氣，但漸漸會好，因補習社唔駛同你趕進度，你可以要求佢地执好個囝我粗心大意，咁做功課就會好好多，不過頭幾個月會好辛苦，可能每星期有2-3晚到凌晨1:00。
你一定要搵間配合你的補習社，要做到他的要求。
最後，祝你呈分理想！

Radiomama

咁樣挨法, 會否不吸收, 情況仲差呢?

TinHay

女女升小四,每日三點幾放學,我好想放補習班,做補充或溫習2小時，回家後食飯+梳洗，之後對家課然後瞓覺.
因為環有囝囝升小一,希望他可以放學回家將所有功課做好,之後食飯+梳洗，安排對家課然後瞓覺.  okay ma?

cherrynequ

我個女都係小四, 每日校車返到家係4:00左右, 返到屋企休息下, 4:15 or 4:30 開工做功課, 到6:00 沖涼, 6:30 左右食飯, 7:00 食完就開工做埋功課, 我洗完碗出來就對功課 (不過唔係日日對, 因為我要做家務) 就算對功課都只係選擇性睇, 基本上放手比阿女自己對. 8:00 開始就應該已完成當日功課, 就會執書包, 溫下書咁, 練少少琴, 8:45 自由時間, 阿女通常入房睇書, 到9:15 or 9:30 就去訓.
我有返工, 屋企無工人, 我一直堅持唔比阿女去補習社係唔想佢有依賴, 依家佢對自己功課好緊張, 不過, 係做功課時有時會慢, 於是當日就少左睇書時間. 如果平日唔溫書, 就要在星期六日溫返, 無計...
希望阿女出年生生性性

原帖由 kellybaby 於 11-6-10 22:50 發表
我好想知道請教一下,我果個讀小四,每一日三點幾放學,四點半補習,ハ點幾沖涼,九點鐘食飯,如果温埋習真係唔知幾點上床,下年升小五要呈分,想幫佢返來再自己同佢溫書,真係唔知幾點至有得訓,分享一下,thanks！ ...

ADALAM.

我認為去補習社好浪費時間
如果唔夠時間用應該唔好去

如果小朋友唔係特別聰明
我會主力幫佢先搞好英文
再KEEP中文 數學明白就可以啦
常識只係為左考試先温

我個女小一二無補習
我經常同佢串子
英文書D生字每年暑假都要串識晒(P.1-3)

中文詞語全部識默 及明白了解

小三開始請上門補習 主要係英文(自己讀書少唔識教)一星期兩次 不過唔係補學校教果D 學校果D唔識先問

基本上每日3.00放學(如果無課外活動)

做功課 大約5.00 去玩 6.00至6.30
洗澡吃飯 7.30-8.30温習 睇卡通 9.30上床

補習一日安排1-5 另一日六日

自己温習係無假期 有五分四假日(包括暑假)要温習一小時